-
مشكلة فى الفرامل
انا حاسس ان مشاكلى كترت بس اعمل ايه فالعربية الجوليت ديه !!الفرامل مبتفرملش !! على السرعات العليا اخر دواسة الفرامل بتهدى العربية و الكاوتش مبيئفش حتى لو جبت اخر الدواسة و بلجأ للغرز و الحركات البهلوانية عشان اوقف العربية ..لحظت ان سائل الفرامل ناقص اوى ..رحت زودته dot3 و كشفت على الفرامل و غيرت التيل و خدت هوا و بردو مفيش ..ديه تانى مرة الزيت ينقص خلال سنة و اظن ان كده كتير و الفرامل كل شوية من سئ الى اسوأ
-
الحق نفسك
ياريت يا ريس تجرب اخر حاجة قبل ماتلبس لاقدر اللة فى حد وهى انك تكشف على الخراطيم اللى بتوصل الزيت للعجل ويوجد خمس خراطيم .
اربعة خراطيم موجود واحد منهم فى كل عجلة وخامس خرطوم زيت موجود جنب اربة زيت الفرامل.
وربنا يوفقك.
-
غير ماستر الفرامل العمومى... هات ماستر نوبيرا
استعمل تيل GOLD
غير زيت الفرامل و هات زيت ATE DOT4
لو طنابيرك تعبانة غيرها
رجلش فرامل ورا و غير تيل ورا لو متاكل جامد
MMamdouh
-
استاذ محمد طيب نعرف ازاي ان الطنابير اىمامية محتاجة تغيير وهل دي سبب رئيسي او ثانوي اذا فرضنا ان كل شئ تمام في العربية وشكرا صاحب الوزة
-
اما من خلال القياس او من خللال التجربة و اما من خلال المعاينة
القياس بيبقى باستخدام بوكوليس و قياس تخانة الطمبورة... لو تخانتها اقل من المسموح بية يبقى لازم تتغير
التجربة بتبقى عن طريق استخدام الفرملة على سرعة و ملاحظة حدوث غربلة فى طارة الدركسيون... لو دة حصل يبقى الطمبورة فيها عالى وواطى و لازم تتغير
المعاينة بتبقى عن طريق النظر و ملاحظة وجود تشققات او عدم انتظام فى سطح الطمبورة... فى حالة وجود الكلام دة يجب تغيير الطمبورة
MMamdouh
-
-
Content Relevant URLs by
vBSEO 3.6.0 PL2