انا معايا فيرنا 2007 1600 سى سى عاملة 67000 كيلو حصلت معايا مشكلة لما كنت بدور العربية الصبح الساعة 6 وكان الجو برد دارت ثانيتين تلاتة كده وراح الشاكمان مطلع صوت مقطع زى مدافع كده وبطلت فرحت مدور تانى وفضلت مزود بنزين خفيف لغاية ما سخنت واتزبطت فرحت لميكانيكى وغيرت فلتر البنزين والهوا والبوجيهات ونضفت المانيفولد وحساس الماف والايدل والبوابة وطلع هباب من العربية والشاكمان طلع دخنة سودا وكشفت بالكمبيوتر على الحساسات لقيت الارايات بتاعتها تمام وفيش اعطال خالص المهم انا قلت العربية اتزبطت واخدتها ومشيت جيت انهارده بدور الصبح الساعة 7.30 الصبح راح الشاكمان عامل نفس الصوت فرحت مزود عشان متبطلش فعايز اعرف الصوت ده من ايه؟ وليه العربية بتعمل كده؟وهل الشاكمان ممكن يكون مسدود او مكتوم؟