السلام عليكم
منين أجيب الحاجات دى يا أصدقاء
منظف حساسات وياريت أسماء الأنواع المتوفرة
قلم بوية أصلى باللون اللى أنا عايزه وألاقيه فين ؟؟
دبل فيس ألزق بيه حرف m فى عربيتى
عرض للطباعة
السلام عليكم
منين أجيب الحاجات دى يا أصدقاء
منظف حساسات وياريت أسماء الأنواع المتوفرة
قلم بوية أصلى باللون اللى أنا عايزه وألاقيه فين ؟؟
دبل فيس ألزق بيه حرف m فى عربيتى
ما اعتقدش فيه منظف مخصوص للحساسات, لكن ممكن تستخدم منظف اليكترونيات انا عن نفسى فى تنظيف الفيش و الوصلات الكهربية بستخدم wd-40 و كويس جدا لو فيشة عليها رواسب و مش موصلة كويس (خد بالك حساسات العربية لو مفيهاش مشكلة بلاش تلعب فيها او تحاول تنظفها), ال wd-40 موجود فى محلات الحدايد و البويات و محلات قطع الغيار و محلات الاليكترونيات و محلات اكسسوار العربيات
لزق الدبل فيس هتلاقيه عند بتوع اكسسوار العربيات
أنا كنت فاكر إن لو نضفتها هيزيد أداء المحرك
ألف شكر يا باشا خلاص أنا مش هحاول أنضفها
انا بستخدمه على طول و مفيش منه مشاكل على الاطلاق, بل بالعكس كان فيه توصيلات مش شغالة بسبب الرواسب و اشتغلت بعد ما استخدمت wd-40
نسبة التزييت فى wd-40 قليلة جدا جدا, و حتى التزييت دة مفيد لسهولة حركة الاجزاء
و هو اصلا عبارة عن Water Dispersant او طارد للرطوبة المسببة للصدا و تجميع الوراسب
منا عارف إن wd40 لا يصلح للأجزاء الكهربية لكن بيقولوا فيه نوع منه للأجهزة الألكترونية فقط
في AKAI الازرق
و Sonax و ده معتمد من شركات السيارات بس هتخلي حد يجيبهولك من بره لانه مبيجيش هنا و لو موجود هيبقي خيالي
و ال WD-40 العادي اوعي تجيبه جنب اي حساس الا بوابه الهوا لان فيها محاور لازم تتزيت علشان تديك اعلي اداء
wd ولا ينفع لبوابة الهواء لأنه هيدخل غرفة الأحتراق بس عادى يعنى مش هيعمل حاجة لو دخل هيطلع تانى مع العادم بس الله أعلم تركيبه أيه
أنا عارف أكاى دا مصنوع فى مصر بس مش قوى وأنا خلاص مش هاجى عند الحساسات لأحسن تبوظ زى ما بوظت كويلين بسبب التجارب الفكسانة بتاعتى :)
منتجات سوناكس منتشرة فى القاهرة بس معرفش منظف الحساسات موجود ولا لأ بس أنا شفت تشكيلة كبيرة لمنتجات سوناكس فى القاهرة وبتتباع فى أكتر من محل
ليه يا عم الكويلات دي عمرها الافتراضي و علي فكره انت اللي شجعتني اني اتجرأ عالميجان عيب انت تجيب ورا و علي فكره تنضيف الحساسات بيعلي الاداء يعني في عربيه واحد صاحبي bmw نضفنا شويه حساسات زي الاير ماس و البوابه و الاكسجين و العربيه بقت ايييييييييه ولا بتحرق بنزين جامد ولا الهوا و رجع عزم المكنه زي يوم ما اتسقطط لان ال ecu بياخد قراءاته من الحساسات و بناء عليه بيحسب نسب باقي مكونات الاحتراق علشان يحرق النسبه دي يعني لو حساس الاكسجين متوسخ شويه او اي حساس هيدي قرائه نسبه خطأها عالي فكل اللي بعد كده مش تمام بس يا كبييييييييير
و اتاكد ان سوناكس اصلي مش تحت بير سلم و الاصلي الورقه اللي مغلفه العبوه و رق شبيه بالشمواه كده
الكويلات دى وراها لغز !! وهشوف حكايتها ايه قريب ويارب اوصل لنتيجة
أنا مشفتش منظف حساسات سوناكس بس منتجات سوناكس موجودة وأصلية كمان ومنتشرة يعنى شارع دمشق هتلاقيه مليان فى مصر الجديدة وأكيد فى مناطق تانية كتير فى القاهرة فيها
ال wd40 الأصلي... اللي سعر العلبة الكبيرة 25 ده استعمله دون اي قلق على اي شئ... انا بازفر بيه الفوطة بتاع العربية ومذهل... وكنت بارشه عالبوية مباشرة وعالاعتاب وقت الشتا عشان الطين ما يمسكش فالعربية وكان يا دوب تكفيك فوطة والعربية تلمع زي الفل
بخصوص الالكترونيات... سيادتك رش زي مانت عاوز بس المهم نشف بفوطة قطن بعد اما تخلص وشيل الزيادة وما تقلقش منه والكلام ده عن تجارب متعددة... ممكن قبل ما تربط اي مسمار فالعربية... بختين كده... ونشف كويس بمنديل ورق لحد اما تشيله وبعدين اربط.... عمر المسمار ده ما هيقفش
الكلام دا مش مضبوط وغلط بالنسبة للإلكترونيات
بص يا باشا ال wd40
عبارة عن حاجتين ... مادة بتخترق وتفتت ومادة بتزيت المادة اللى بتعمل penetrate وتفتت الأوساخ والصدأ والحاجات دى بتطير والزيت بيقعد
طبعا ممنوع استخدامه مع الألكترونيات ومينفعش بالمرة كفاية الزيت اللى هيسيبه مكانه
بس محدش قال لى أجيب قلم بوية أصلى منين ؟؟
اصل انا سمعت ان فيه قلم بوية باى لون يعجبك والوانه كمبيوتر كمان !
كدا كدا منين ما ربنا ييسر أمورى أنا كدا كدا هعمل العربية فى ورشة نايل موتوزر
بس انا عايزه عشان الواحد لما العربية تتخدش يعملها بس مش اكتر
شكلك ما خدتش بالك من الشرط عشان تستخدمه
(المهم نشف بفوطة قطن بعد اما تخلص وشيل الزيادة وما تقلقش منه والكلام ده عن تجارب متعددة)
وأنا ممكن التعبير خانني وما وضحتش اني اقصد الفيش الكهربا في العربية
هو عموما زيت الدابليو دي بالذات مختلف عن اي زيت انا اتعاملت معاه اطلاقا واللي بالاحظه فيه انه مش بيلزّق اما تسيبه كام يوم زي الزيوت العادية... وجربته في ساعه بندول أثرية كان اكتر من رائع
أنا ايه اللى يجبرنى انى أنضف بيه ممكن حد يسمع كلام حضرتك ويروح يرشه على بوردة كمبيوتر أو حاجة حساسة ويبوظها مستعد تشيل ذنبه ؟
اللى صنعوه كتبوا عليه استخداماته غير كدا كلام غير سليم :)