الموضوع: استفسار من البروتوناويه للاهميه

المشاركة الأصلية كتبت بواسطة d . A .\ ayman

أنا عندي التفويلة ممكن تعمل حوالي 400 - 500 كيلو لو في وسط البلد

لو في السفر على سرعة معقولة بيكون استهلاكها ممتاز بكل ما في الكلمة من معاني

أنا روحت بيها الأقصر رايح جاي من القاهرة وسرعتي كانت ثابتة على 120 طوال طريق الجيش الجديد ... والاستهلاك كان 300 كيلومتر / 20 لتر بنزين وأنا رايح ... وكان 270 كيلومتر / 20 لتر بنزين وأنا راجع

وده استهلاك أفضل من السوزوكي الألتو الـ 800 سي سي في نفس الطريق ونفس الظروف ونفس السرعة بمراحل اللى عملت 250 كيلومتر / 20 لتر بنزين وأنا رايح .. و 230 كيلومتر / 20 لتر بنزين وانا راجع

مع العلم إني بسوق الألتو لوحدي لكن البيرسونا كان معايا المدام والأولاد وشنطهم

والعفشة مش ناشفة لكنها برضه مش في نعومة الكورولا مثلا ... مش مضايقاني نهائيا

كان فيه ملفات في طريق قنا الشرقي كنت ماشي فيها على 100 - 120 وكان بالليل وكنت مستمتع جدا بإسلوب العربية أثناء اتخاذها للملف وثباتها وتماسكها الرائع فيه ما شاء الله ولا حول ولا قوة إلا بالله

وأنا راجع بالنهار لما شوفت الملفات دي بوضوح وكان باين قد إيه درجة انحنائها ... حسيت فعلا بالفرق بينها وبين أي عربية تانية ركبتها في النقطة دي ... لكن بالنهار ماكنتش قادر أمشي بسرعة عشان الكثافة على الطريق كانت عالية

وعموما هي في السفر أفضل بكتير جدا من جوة البلد ...

متشكر جداا على اهتمامك ..وفعلا نقطة تحمل العربيه للبهدله دي مهمه بالنسبه لي جداااااااا...وقبل ما اقرر اكيد خهمل استخاره ان شاء الله وربنا يوفقني للخير