مشكله في لانوس 1 الاوتوماتيك و الميكانيكيه مش فاهميــن حاجه ..

السلام عليكم الاول لاجدع رجاله ..اساتذة و رجالة الدايــو

ده اول استفسار ليا ف يارب تفيدوني يا اخوانه ومعلش ان كنت هطول عليكما بس معلش الموضوع ملعبك شويه ف استحملوني:B4_007:
العربيه عندي ديو لانوس 1 اوتو المشكله بدأت ب ان صوت العربيه كان بيعلي جدا لما بجيب الفتيس علي ال N ف الاشارات و الار بي ام بيوصل 2000 او اكتر لحدد ما لمبة ال Check بتنور

رحت لميكانيكي راح جايب اسبراي ونضف و لف المسمار الي قدام حساس السلانسيه ناحية اليمين جامد بعدها العربيه اتظبطت شويه و رجعت نفس المشكله تاني

رحت لميكانيكي تاني قالي دخل العربيه علي الكمبيوتر رحت دخلتها ع الكمبيوتر مطلعش في اي مشكله و بردو الراجل جاب سبراي و فضل ينضف و لف المسمار (تقريبا الناس دي كانوا مع بعض ف نفس الفصل او حاجه كده) المهم بردو المشكله خفت يومين تلاته و رجعت تاني

رحت لميكانيكي تالت قالي غير حساس ال TPS هوا المشكله غيرته و فضلت برضو نفس المشكله

الجديد بقي اني باجي ادور العربيه الصبح مبقتش تدور و لو مزودتلهاش بنزين بتبطل لازم افضل مزودلها اقل حاجه 10 دقايق و بقت بتبطل مني علي اي مطب وبقت بتعملي مشاكل كتير غيرت البطاريه وشيكت علي الدينامو مفيهوش مشكله :36_7_4[1]:

في ناس قالتلي ده ممكن يكون الكنترول او ضفيرة الكهربا انتوا رايكوا ايه عشان انا ورمت من الناس دي

واسف تاني علي الأطاله مع ان العربيه فيها بلاوي بس عشان موجعش دماغكوا اكتر من كده

لانوس اتوماتك معقوووووووووول اول مرة اسمع عن لانوس اتوووووووووو غرية دى

على حد علمى ...ممكن يكون الموتور خفيف وبينفخ زيت على الحساس وشوف رائى الزملاء ..ممكن يفيدوط عنى

على وصفك كده و العربيه على وضع المور و اثناء التسخين مسئول عنهم بلف الايدل
ممكن تنظفه كويس و تنظف البوابه و ان شاء الله ربنا يسهل

متابع

متابع

اقتباس:

---

المشاركة الأصلية كتبت بواسطة kokowasfy

لانوس اتوماتك معقوووووووووول اول مرة اسمع عن لانوس اتوووووووووو غرية دى

---

والله ده كان نفس رد فعلي اول ما شفت العربيه انا ك بهير اتبهرتhttp://www.nilemotors.net/Nile/image...ajd%284%29.gif

اقتباس:

---

المشاركة الأصلية كتبت بواسطة midofarh

على حد علمى ...ممكن يكون الموتور خفيف وبينفخ زيت على الحساس وشوف رائى الزملاء ..ممكن يفيدوط عنى

---

تسلم يا ميدو ع الرد بس يعني اي الموتور خفيف و بينفخ زيت ع الحساس اكيد هيبقي في اثر ع الجوان من بره بس مفيش حاجه من بره

اقتباس:

---

المشاركة الأصلية كتبت بواسطة tefa22m

على وصفك كده و العربيه على وضع المور و اثناء التسخين مسئول عنهم بلف الايدل
ممكن تنظفه كويس و تنظف البوابه و ان شاء الله ربنا يسهل

---

شكرا يا تيفا :clap:
بس المشكله ان كل ما اروح لميكانيكي يينضف البوابه بس بترجع تاني بعد يومين تلاته

يارب اعرف بس السبب

ايوة فى لانوس 1 اتوا اية المشكلة ؟؟؟؟؟؟؟؟ من سنة 99

اقتباس:

---

المشاركة الأصلية كتبت بواسطة ekrami

ايوة فى لانوس 1 اتوا اية المشكلة ؟؟؟؟؟؟؟؟ من سنة 99

---

بالظبط كده يا اكرامي فعلا هي 99 :welcome2:

معندكش فكره عن سبب المشكله بقي ؟

روح لميكانيكى خليه يفك المنافولد كله و ينضفه كويس بالاسبراى و البنزين لان العربيه شكلها كده بقفله المنافولد بتاعه المصنع هتلاقى بلاوى جواه - شيك على فلتر البنزين - الطرمبه - الراشاشات - الارضى بتاع الموتور - طبعا بلف الايديل و حساس ال tps و ان شاء الله العربيه هاتظبط معاك

روح لمكانيكى نضيف وبلاش اى حد يقول غير تغير لانهم كلهم فاتين

اقتباس:

---

المشاركة الأصلية كتبت بواسطة AlGazar2

روح لميكانيكى خليه يفك المنافولد كله و ينضفه كويس بالاسبراى و البنزين لان العربيه شكلها كده بقفله المنافولد بتاعه المصنع هتلاقى بلاوى جواه - شيك على فلتر البنزين - الطرمبه - الراشاشات - الارضى بتاع الموتور - طبعا بلف الايديل و حساس ال tps و ان شاء الله العربيه هاتظبط معاك

---

تسلم يا جزار باشا :3mla:
الي حرتك قلته ده انا فعلا عملته بالنسبه للمنافولد
بس فلتر البنزين و الطرمبه و الرشاشات دول مشيكتش عليهم بس بيتهيألي لو في مشكله فيهم هيبقي في فرق ف سحبة العربيه لكن سحب العربيه ف الطرق السريعه متأثرش

الارضي بتاع الموتور هشيك عليه
و بلف الايدل بس الي ممكن يكون فيه مكله ولا الكنترول كله الي تحت الكرس اليمين الي محتاج يتغير
و ال TPS (مع اني غيرت الحساس ده) هل ممكن يكون ل سبب ف ان العربيه تبطل و انها ف التدويره مترضاش تدور

اقتباس:

---

المشاركة الأصلية كتبت بواسطة alto_nx

روح لمكانيكى نضيف وبلاش اى حد يقول غير تغير لانهم كلهم فاتين

---

منا تقريبا غيرت كل الي تحت الكبوت الي قدام بسبب الحوار ده و العربيه فاتحه بقها برضه عشان بحب امشي بالعربيه مظبط كل حاجه فيها بس للساف ممكن ده يكون بيلبسني ف الحيطه عشان كده قلت اسالكوا هنا الاول انتوا هنا تجاربكوا اجدع من 200 ميكانيكي فتاي او حتي كويس:36_2_33:

غالبا بنسبة كبيرة الايدل عندك فى مشكلة
الحل اول حاجة يتفك ويتنضف وخد بالك فى اورينج بيكون راكب غلى البوز بتاعة قبل ما تركبة
لو المشكله انتهت يبقى تمام لو لا
الحل التانى الميكانيكى اكيد عتلاقى عندة حساس ممكن يجرب بية

اقتباس:

---

المشاركة الأصلية كتبت بواسطة misho2008

غالبا بنسبة كبيرة الايدل عندك فى مشكلة
الحل اول حاجة يتفك ويتنضف وخد بالك فى اورينج بيكون راكب غلى البوز بتاعة قبل ما تركبة
لو المشكله انتهت يبقى تمام لو لا
الحل التانى الميكانيكى اكيد عتلاقى عندة حساس ممكن يجرب بية

---

تســــلم يا ميشو
هجرب موضوع فك الايدل و تنيضيفه و يارب يجيب نتيجه لاني لسه مغير الحساس
اشكــرك يا كببيــر

لو مؤشر ال ار بى ام بيعلى ويوطى معاك شوف طرمبة البنزين هتلاقيها اثرت على البوجيهات وسببت المشاكل دى