الماكينة الاستيراد

**GALAL mohammed** · 05-03-2013 10:44 PM

السلام عليكم

دايما بحب اسمع رأيكم , وربنه يجازيكم خير علي مساعداتكم
انا جبت ماكينة استيراد من 3 اسابيع وغيرتلها زيت توتال الذهبي من 700 كيلو والنهردة بصيت علي الزيت لقيته ناقص حوالي كيلو , رحت للميكانيكي بتاعي شاف زيت وائع جمب المكنة والمفروض هروحله بكره علشان يربط ويقرط علي المكنة ده علي كلامه , ولما بشغل العربية الصبح بيطلع دخان ابيض كتير من الشكمان ده مع بداية التشغيل .
رأيكم ايه اصدقائي اعضاء المنتدي المحترمين

**tefa22m** · 06-03-2013 12:08 AM

لو زيت ناقص كيلو بعد 700 ك و لو انت متأأأأأأأأأكد انه دخان ابيض مش بخار مياه
يبقى المكنه خفيفه
شوف مكانيكى شاطر غير اللى ركب المكنه يبصلك عليها

**maio_do** · 06-03-2013 03:18 AM

فى الاول يا باشا قولى سعرها كام

تانى حاجة لو الزيت بينزل جنب المكانية متبأش خفة

الدخنة البيضة دا ممكن يكون البخار وعلشان تتاكد اى ميكانيكى هيبص عليها هيعرف وهى لو بتطلع دخان وانت ماشى على سرعات عالية او بعد متتحرك بيها مسافة وتركن تخلى حد يزود بنزين وتبص هيطلع ولا

**agaty1st** · 06-03-2013 08:54 AM

قيس الكبس في البنزينه بعشرين جنيه
و بدل الاحتمالات و هرشة الدماغ

**GALAL mohammed** · 06-03-2013 10:41 AM

الحمد الله المكنة كويسة , نقصان الزيت كان سببه خرطوم الفايز مكنش راكب كويس وكان بينزل الزيت , وبالنسبة للدخنه دي بتكون الصبح بس وانا بشغل , والحمد لله المكنة بتعرق مية من الشكمان
شكرا يارجاله

**ahmedzizo131** · 06-03-2013 11:29 AM

المشاركة الأصلية كتبت بواسطة galal mohammed

الحمد الله المكنة كويسة , نقصان الزيت كان سببه خرطوم الفايز مكنش راكب كويس وكان بينزل الزيت , وبالنسبة للدخنه دي بتكون الصبح بس وانا بشغل , والحمد لله المكنة بتعرق مية من الشكمان
شكرا يارجاله

بسم الله الرحمن الرحيم
اولا : الف الف مبروك على المكنة .
ثانيا : بالنسبة لتعريق المياة
مش شرط يدل على حالة المكنة
لان انا كان معايا مكنة مفوتة و كانت بتعرق معايا الصبح .

**GALAL mohammed** · 06-03-2013 12:00 PM

الله يبارك فيك ياباشا , هوه التعريق معايا علطول طول اليوم , فكده يبئا تمام ولا ملهاش علاقة

**MMamdouh** · 06-03-2013 01:26 PM

غالبا اللى عندك دة كاوتش صباب... مش حاجة خطيرة يعنى

MMamdouh

**GALAL mohammed** · 07-03-2013 11:08 AM

المشاركة الأصلية كتبت بواسطة zomzom11

الماكينه بكام ومنين والتكلفه الكليه وباقى التفاصيل عشان الكل يستفاد لو سمحت

الماكينة استيراد (شورت بلوك ) كوري سعرها 2200 , انا لاحظت وانا بسأل عن الأسعار ان فيه مكن كوري ومكن اوروبي والكل اجمع ان الكوري احسن وسعره اغلي الفرق مابينهم بيكون 200 جنيه
, اشتريتها من الاسماعيلية وده لأني من الاسماعيلية , والميكانيكي بدأ من الصبح واستلمت العربية علي اخر النهار وكان ممكن اخدها قبل كده بس علشان الميكانيكي كان شغال في كذا عربية واخذ مصنعية 250 جنيه .