هام الي مالكي الشيري a11

**bassem.naguib** · 13-03-2013 04:26 PM

مش لازم يكون فيه أسئلة يا أحمد بيه .. ممكن أنا من نفسي أعمل موضوع أعرض فيه معلومات عن أجزاء العربية بالتفصيل .. وأيه قطع الغيار المناسبة والبديلة ليها ... أو المشاكل اللي تم التعرض ليها وكيفية حلها .. وحتلاقي بعد كدة مشاركة بتثير موضوع تاني .. وهكذا .

عاوزين نصحصح القسم شوية .. مش لاقي هنا غير حضرتك وطارق باشا اللي ليهم مداخلات وبس .. مش عارف العربية ملهاش ملاك كتير ولا بيستخسروا يكتبوا حاجة ويكتفوا بالفرجة وبس ..

**ahmed2801** · 13-03-2013 09:28 PM

المشاركة الأصلية كتبت بواسطة bassem.naguib

مش لازم يكون فيه أسئلة يا أحمد بيه .. ممكن أنا من نفسي أعمل موضوع أعرض فيه معلومات عن أجزاء العربية بالتفصيل .. وأيه قطع الغيار المناسبة والبديلة ليها ... أو المشاكل اللي تم التعرض ليها وكيفية حلها .. وحتلاقي بعد كدة مشاركة بتثير موضوع تاني .. وهكذا .

عاوزين نصحصح القسم شوية .. مش لاقي هنا غير حضرتك وطارق باشا اللي ليهم مداخلات وبس .. مش عارف العربية ملهاش ملاك كتير ولا بيستخسروا يكتبوا حاجة ويكتفوا بالفرجة وبس ..

انا ح ابدأ المواضيع وح تبقى سلسله ان شاء الله حاجه حاجه انا ح افك سونسور السلانسيه وح انظفة وبوابة الانجكشن وح اصور الموضوع وانزله ان شاء الله بعد ما اخلص تجديد وفحص تراخيص السيارة من مرور السلام والعياذ بالله

**bassem.naguib** · 14-03-2013 08:25 AM

مرور السلام !! أعوذ بالله .

بس حيبقى فيك حيل بعد كدة تعمل مواضيع .. ههههههههههه

**ahmed2801** · 14-03-2013 04:02 PM

المشاركة الأصلية كتبت بواسطة bassem.naguib

مرور السلام !! أعوذ بالله .

بس حيبقى فيك حيل بعد كدة تعمل مواضيع .. ههههههههههه

الحمدلله نجحت امبارح والنهاردة فى عمل المخالفات على النمر القديمة والجديدة وتم عمل الفحص الفنى بعد دفع المعلوم طبعا وإلا مش ح تعدى ابدا!!! وشراء طفاية حريق جديدة وعمل التأمين الاجبارى ونكمل الاحد ان شاء الله دفع الضريبة والذى منه!! هوه مرور السلام والعياذ بالله كده لازم ترخص على تلات ايام او اربعه... ده غير اللى بيلفو ف رجليك عافية كده - عاوز مخالفات يابيه - عاوز فحص فنى ورينى كده الورق اللى معاك مختوم ولا لأ - وغيره وغيره من بلطجية مرور السلام امام الناس والشبابيك وكله شايف ومحدش بيتحرك ولا بيتكلم من الداخلية ولا من الخارجية ده غير الساندويتشات والشاى والحاجة الساقعة وجلده البطاقه والسبح وكروت الشحن تحس انك فى سوق المرج والله المستعان.

**ahmed_eng2001** · 23-08-2016 02:25 PM

المشاركة الأصلية كتبت بواسطة peter_rock55

لدى سيارة شيرى a11 اوتوماتيك
قاطعه بور وغيرت حساس كرنك بعد اول كهربائى والتانى لما قالى ولم تعمل
ثم جاء اخر بكمبيوتر وقالى الكمبيوتر مش بيقراء الكنترول ودة معناة بنسبه 90 فى الميه كنترول ووديت الكنترول عند الهامى وقالى سليم فما الحل من اهل الخبرة وواحد كهربائى تانى قالى حساس الكامه بس استكفيت ومردتش اجيب حاجه
النجدة الغوث يا اهل الخبرة .وشكرا
السيارة بقالها خمسه ايام واقفه تحت البيت

قاطعة باور يعنى المارش مش بيدور ؟؟؟؟

لو المارش بيلف .. و العربية مش بتدور ... احتمال بالفعل يكون حساس الكرنك ...
المارش مش بيلف .. احتمال يكون الكونترول بالفعل ....

انا حفترض ان البطارية كويسة و الفيوزات سليمة

لو حضرتك زهقت .... ودى العربية التوكيل .... و ان شاء الله يصلحوها

**r g** · 23-08-2016 03:02 PM

المشاركة الأصلية كتبت بواسطة peter_rock55

لدى سيارة شيرى a11 اوتوماتيك
قاطعه بور وغيرت حساس كرنك بعد اول كهربائى والتانى لما قالى ولم تعمل
ثم جاء اخر بكمبيوتر وقالى الكمبيوتر مش بيقراء الكنترول ودة معناة بنسبه 90 فى الميه كنترول ووديت الكنترول عند الهامى وقالى سليم فما الحل من اهل الخبرة وواحد كهربائى تانى قالى حساس الكامه بس استكفيت ومردتش اجيب حاجه
النجدة الغوث يا اهل الخبرة .وشكرا
السيارة بقالها خمسه ايام واقفه تحت البيت

تحية و سلا م للجميع ممكن حضرتك تتاكد الاول ان خرطوم البنزين بيضخ بنزين مع تشغيل الكونتاكت و هو خرطوم موجود اسفل المانفو ( و انت واقف قدام العربية هاتلاقية قدامك يمين اسفل المنافو فكة و جرب ) ممكن تشيلة و تحطة فى ازازة بلاستيك علشان البنزين ميغرقش العربية لو كان ضخ البنزين مضبوط بمعنى انة ضخ قوى مش تسييل يبقى الطلمبة شغالة . و ممكن تجرب تغير البوجيهات و ممكن تكون البطارية ضعيفة و ممكن تتاكد ان فى شرار واصل للبوجيهات بنزع الخرطوم الواصل للبوجيهات و تقريبة لجسم الموتور و هاتلاحظ وجود شرار او لاء ( خد بالك مع الشرار ميكونش فى بنزين على الموتور او قريب منة ) و ممكن يكون فلتر البنزين مسدود و ربنا معاك