الموضوع: إلى أي حد بيفكر يشتري حيوان أليف..

المشاركة الأصلية كتبت بواسطة alexaway

طب الاول نتعلم ازاي نتعامل مع بعض كبني ادمين وبعدين نتعلم ازاي نعامل الحيوانات , كلام حضرتك جميل بس للاسف , قليل جدا من لديه نفس الروح الانسانية دي فى مصر .

طبعاً إحنا في مصر محتاجين فعلاً اننا نتعلم ازاي نتعامل مع بعض.. بس سوري يعني لو واحد جراله حاجة بيبفى عنده لسان و مخ يفكر ممكن يتصرف إزاي.. انما الحيوانات فتبقى محتاجة اللي يفهمها من غير ما تتكلم عشان كده كتبت الموضوع ده :)

و بالنسبة لقليل جداً دي، الناس لو بدأت بنفسها و انها توعي اللي حواليها صدقني ممكن يحصل فرق..

المشاركة الأصلية كتبت بواسطة lanos2004

انا كان عندى كلب بلاك جاك وعلشان بسافر كتير بعته صراحه بس لصديق يعنى لسه بشوفه

كويس انك خليته مع حد ممكن تشوفه معاه، و انك بردو مسبتهوش يقعد لوحده كتير :)

والله موضوع مهم فعلا ياماجيك
انا من هواة تربية القطط برده وحاليا عندى عصافير
مش قادرة اقولك قد ايه صعب اوى انى افرط فى حد فيهم حتى لو رقبتى

كلامك صح جدااا ودى روح ربنا هيحاسبنا عليها يوم القيامه
بس انا لو تسمحى لى اتدخل فى حاجه ممكن تكون متخصنيش
انا بستغرب لما اشوف حد يدفع 700 او 800 او حتى 100 جنيه عشان اكل حيوان ممكن يستغنى عنه في حين ان فيه ناس فى مصر بتاكل من صناديق الزباله و بتتغطى بمفيش لما بتنام على الرصيف او تحت شجره او فى نفق
الناس اولى بلفلوس دى
وانا اسف لو تدخلت مره تانيه

المشاركة الأصلية كتبت بواسطة dolly13

والله موضوع مهم فعلا ياماجيك
انا من هواة تربية القطط برده وحاليا عندى عصافير
مش قادرة اقولك قد ايه صعب اوى انى افرط فى حد فيهم حتى لو رقبتى

بالظبط نفس إحساسي.. انا عندي 3 قطط حالياً و استحالة اني افكر استغنى عنهم.. حتى ناوية لما اسافر اخدهم معايا

المشاركة الأصلية كتبت بواسطة blazer

كلامك صح جدااا ودى روح ربنا هيحاسبنا عليها يوم القيامه
بس انا لو تسمحى لى اتدخل فى حاجه ممكن تكون متخصنيش
انا بستغرب لما اشوف حد يدفع 700 او 800 او حتى 100 جنيه عشان اكل حيوان ممكن يستغنى عنه في حين ان فيه ناس فى مصر بتاكل من صناديق الزباله و بتتغطى بمفيش لما بتنام على الرصيف او تحت شجره او فى نفق
الناس اولى بلفلوس دى
وانا اسف لو تدخلت مره تانيه

لا مفيش أي تدخل ولا حاجة..

انا معاك طبعاً عشان فعلاً فيه ناس مش لاقية تاكل.. بس ممكن كلامك يبقى صح لما يبقى حد يكون بيربي حيوانات و مش بيطلع الزكاة اللي عليه مثلاً..

انما لو حد بيطلع صدقة و زكاة و بيحاول يساعد الناس على قد ما بيقدر ماظنش ان فيها مشكلة..

نفس مبدأ ان حد بيشتري مثلاً موبيل نفسه فيه ب 5000 جنية.. ماهو ممكن يشتري واحد ب 1000 مثلاً و يمشي نفسه بيه و الباقي يتبرع بيه أو كده.. بس محدش بيتكلم عن البذخ في التكنولوجيا عشان كلنا بنجيبه، بداية من الموبيلات و الشاشات ال LCD و اللاب توبات و..و.. حتلا العربيات.. مش كل حاجة بنجيبها بتبقى حيوية.. بس الواحد بيبقى حابب انه يجيب الحاجة اللي نفسه فيها.. فاهم قصدي؟ :)

و عامة ، الإنسانية مش بتتجزأ.. إستحالة تلاقي حد قلبه على الحيوانات و مش بيساعد الفقرا.. :)