الموضوع: عايز اسافر المغرب اسبوع سياحه (فسحه يعني)

[SIZE="4"][COLOR="Purple"]انا كنت هناك من 6 شهور بس قعدت اسبوع في الرباط شغل

الطيران هيبقي لمطار الدار البيضاء لان لو رحت الرباط مش هتلاقي رحلات مباشرة هتعمل ترانزيت في اوروبا و هيتكلف في حدود من 3500-4000 حسب الوقت ادخل علي الموقع دة و شوف مواعيدك

KAYAK – Günstige Flüge, Hotels, Flugtickets, günstige Tickets, günstige Reiseangebote – Hunderte Reise-Websites auf einmal vergleichen

و بعدين من الدار البيضاء هتاخد قطار لاغادير - القطارات هناك نضيفه جدااااااااااا و متوفرة و محطة القطار جوة مطار الدار البيضاء و مش غاليه في حدود 10 دولار مثلا ( العمله هناك الدرهم - بحوالي 75 درهم ) خش علي
XE - The World's Favorite Currency and Foreign Exchange Site و شوف عامل كام هو ارخص من الجنيه حاجة بسيطه

لو اسبوع قسمه بين الدار البيضاء و اغادير
خش علي المنتدي دة هتلاقي مواضيع تحفه عن المغرب

WWW.TRAVEL.MAKTOOB.COM/VB


التاشيرة في حدود 150 جنيه

الموضوع دة حلو اوي برضه
[url=http://travel.maktoob.com/vb/travel153205/]

طب المغرب ايه الحلوه فيها ؟ دا حتى مش هتفهم لغتهم
لو حد سافر بقى يقولنا البلد دى تتسافر ولا لأ

المشاركة الأصلية كتبت بواسطة hussein

طب المغرب ايه الحلوه فيها ؟ دا حتى مش هتفهم لغتهم
لو حد سافر بقى يقولنا البلد دى تتسافر ولا لأ

انا هكلمك عن الرباط لاني قعدت فيها اسبوع
في المغرب بتحس بسحر الشرق فعلا بلد لسة محتفظة بهويتها يعني بتلاقي ناس ماشية بالزي التقليدي المغربي - بتلاقي اسماء الشوارع جميله جدااااااااااا ( طارق بن زياد - عقبة بن نافع .... الخ )
طبعا مش بنضافه اوروبا بس للاسف الشديد البلد و الناس طباعهم احسن مننا كتير - كل واحد في حاله اللي للابسة شورت ماشية جنب المنتقبه

رائحه النعناع في كل مكان و الخضرة و الجو تحفه طول السنه
بس طبعا للسياحه الدار البيضاء و اغادير و فاس و اسمع ان الناس فيها طباعهم مختلفه عن الرباط - الرباط هي العاصمه السياسيه و اللي بيحب الهدوء برضة

بالنسبة للتفاهم مفيش مشكله الناس بتفهم عربيه فصحي كويس يعني هتبقي مشكلتك انت انك تتكلم عربيه فصحي

التاكسيات رخيصه - الاكل جميل جدااااااااا و المخبوزات روعه

يعني من الاخر رحله سياحيه حلوة اكيد هتبقي ارخص من اوروبا نظرا لاختلاف العمله و جو شرقي صميم هيفكرك بالافلام الابيض و اسود القديمه

التسوق مش اد كدة مفيش حاجة شدتني عندهم غير الشاي الاخضر و طبعا البنات هيهتموا بحاجات الحمامات المغربي

اللي عايز يعرف يعني ايه مغرب ... يدخل ع النت ويتفرج
الاسعار مظنش انها غاليه كده
بيتهيألي 10 الاف يظبطوك اوي هناك (بخمن لان الدرهم المغربي بيساوي 80 قرش مصري)
ياريت اللي يعرف معلومه يقولنا وميبخلش علينا