-
ملاك التيدا زادوا واحد
السلام عليكم
الحمد لله النهاردة استلمت عربيتي التيدا ٢٠١٣ زيرو تقفيل مكسيكي الفئة الثانية من أوتو ايجيبت مدينة نصر. العربية لونها أزرق وشكلها ولونها ع الحقيقة اكتر من رائع.. انطباعي كالآتي:
- العربية عزلها فوق الممتاز.. صوت الموتور عمرك ماتحس بيه
- كماليات فوق الرائعة. صوت الكاسيت تحفة.. الزجاج كهربا والأنوار والفرش وتبطين الأبواب حكاية
- عفشة فوق الممتازة ناعمة جدا
- كاوتش بريدجستون ممتاز. مليته نيتروجين أول ما استلمت العربية
- الفرامل مش حاقدر أقول عليها غير انها فوق الممتازة
- الشنطة واسعة جدا بعد زق الكراسي لقدام والصالون مريح جدا ورا وقدام واسعة جدا جدا من جوة
- العربية ذكية جدا.. مثلا بتقفل الابواب اوتوماتيك ومابترضاش تشتغل طول مانت فاتح باب وجاجات تانية كتير
- الفتيس اوتوماتيك سلس جدا
- معاملة اوتو ايجيبت فوق الممتازة خدمة بيع ممتازة و استلام فوق الاحترافي. استاذ محمود الرشيدي مسئول المبيعات شخص محترم جدا وفي قمة الاحترافية والذوق.
- أمنت مع آليانز من خلال اوتو ايجيبت بحيث اودي العربية للتوكيل وهم يتحاسبوا بمعرفتهم
- حكيت حكة بسيطة مع سواق غبي وانا راجع البيت بس الحمد لله مابانش حاجة. الدهان بتاعها شكله نضيف جدا.
- عرفت معلومتين جداد من اوتو ايجيبت النهاردة. اولها انهم بيشتروا التيدا مستعمل بسعر السوق وبيعيدوا بيعها فلو حد عايز يجيب تيدا مستعملة مضمونة يتصل باوتو ايجيبت. كمان ده بيخلي مافيش شكوك من اعادة البيع وبطء بيع العربية
- المعلومة التانية من مهندسين الصيانة وخلال استاذ محمود ان الموتور بييجي متلين جاهز فمافيش داعي للمشي بحذر قوي. بالعكس قال انك لما تقرص شوية بعقل بتفوق مكنة العربية وبتخليها تسحب معاك بعدين
دي صورة العربية قبل استلامها وحارفع صور تانية للتابلوه والشكل الخارجي لاحقا.
وتحت أمركم في أي سؤال
http://sphotos-h.ak.fbcdn.net/hphoto...53347468_n.jpg
-
الف الف مبروك هيثم باشا علي العربية الجميلة تيدا و حقا انها عربية محترمة .. ربنا يديك خيرها علي طول .. و شكرا علي التقرير الرائع و منتظرين تقاريرك المميزة
و اهلا بيك في عائلة نيسان نايل موتورز
-
الف مبروك سيادتك و ربنا يديك خيرها و يبعد عنك شرها
-
ألف مبرووووووك، ربنا يباكلك فيها
-
الف مبروك ياستاذ هيثم
واختيار موفق إن شاء الله
موضوع الحكة فمعلش لازم في حاجة تاخد العين وياما حصلت مع ناس كتير
وربنا يبعد عنك شر العين
نصيحة لحضرتك راجع مكتبة المعلم أحمد مصطفى
وإقرا التوبيكات الخاصة بالتيدا وخلافه
بجد القسم ده أسطورة في عالم السيارات
تحياتي ليك والف ألف مبروك
-
الف مليون مبروك
و ربنا يعطيك خيرها و يكفيك شرها
و لا تنسي التصدق بشئ لله
-
بسم الله ماشاء الله
ربنا يعطيك خيرها يارب ويكيفك شر الطريق
التيدا عربية محترمة بجد من نيسان
حتى لما اخدوا نفس الموتور وعملوه على الصنى .. بردوا مقربتش زى التيدا
الفرق الوحيد بينها وبين الصنى القديمة او الصنى الجديدة الثبات فقط
والهاتش باك فى التيدا ثابتة عن السيدان
الف مليون مبروك
ومنورنا دايما
ودايما كايدة العزال حتى فى نيسان
-
الف مبروك ربنا يباركلك فيها ويكفيك شرها اهم حاجه لازم تطلع حاجه لله ومتنساش دعاء الركوب والف مبروك
-
مبروك عليك ان شاء الله. ربنا يديك خيرها و يكفيك شرها..
و ان شاء الله صيانة ال ١٠٠٠ في أوتو ايجيبت، متغلطشي غلطة زوجتي و تروح مودرن موتورز لأسباب كثيرة من غير ما طول عليك.
تحياتي
-
ألف مبروك يا باشا وربنا يطعمك خيرها ويكفيك شرها وبصراحه من كتر كلام الاستاذ Ahmed TV علي التيدا حبيت العربيه دي اوي ونفسي فعلا ربنا يكرمني وأقتنيها بعد الاوبترا بس ربنا يكرم
Content Relevant URLs by
vBSEO 3.6.0 PL2