الموضوع: //\\__التصـــفيــات النــهائيــة على أجمــــل لـــوجو__//\\

طبعا رقم ( 6 ) لأن هو الوحيد اللي معترف إننا عرب أو على الأقل نسبة الكتابة العربية مساوية للإنجليزية

اللوجو رقم 14 لا يعترف بالعربي
اللوجو 3 الكلام العربي مكتوب فيه على إستحياء ومش جايب ربع حجم الإسم باللإنجليزي

وأشكر كل من ساهم في جميع اللوجوهات

مهندس أحمد ملحوظة صغيرة فى ودنك :)

إسم الموقع أساسا ---- nile motors ---- مش عربيات النيل -- أو منتدايات النيل :)

طبعا مع إحترامى لوجهة نظرك لكن للأسف هو ده الواقع و للأسف مره تانية مفيش على النت URL بالعربى يعنى مش ينفع أكتب بدل
www.nilemotors.net
أكتب
موقع.منتدى النيل.تجارى

-----
مش عايزك تفهم إنى بتهكم على رأيك خالص بالعكس أنا بحب العربى بس ده الواقع .... الحضارة الأقوى هى الأعلى

لو رجعت لتاريخنا كنت هاتلاقى إن الغرب أيام مجدنا كان بيستخدموا العربى ذى ما إحنا بنستخدم الإنجليزى دلوقت

و لو فضلنا على حالنا مش بعيد بعد 10 سنين تلاقينا بنستخدم الصينى .....

يا عالم العربى هايرجع على إمتى و هانلحقه ولا الأجيال التاليه ؟ طبعا العربى محفوظ لأنه لغة القرآن و ربنا تعهد بحفظه بس دى حاجة و دى حاجة -أنا بوضح عشان مش ندخل الأمور فى بعضها -

و شكرا ليك مره أخرى :)

رقم 6 هو أحسن واحد من ناحية الشكل ومناسب أكتر فى طباعة الستيكرز ، الباقيين حلوين برده لكن حاسس لو اطبعوا على ستيكرز مش هايبانوا قوى.
وشكرا لكل اللى المشاركين فى تصميم اللوجوهات.

memo_hefnawy كتب

إسم الموقع أساسا ---- nile motors ---- مش عربيات النيل -- أو منتدايات النيل

طبعا مع إحترامى لوجهة نظرك لكن للأسف هو ده الواقع و للأسف مره تانية مفيش على النت URL بالعربى يعنى مش ينفع أكتب بدل
www.nilemotors.net
أكتب
موقع.منتدى النيل.تجارى

يا باشا ده لوجو يعني صورة مش URL
إنت رحت بعيد أوي بكلامك
يعني لما يبقى فيه 50 % عربي يبقى معناه إن في عرب هنا
لكن URL لا أنا ولا حضرتك نقدر نكتبه عربي
لكن الصورة إحنا بنعملها بإيدينا

أحمد باشا كلامك صــح 100%

و لكـــــن إنت مش فهمتنى هاقولك قصدى إيه تانى جايز أنا فعلا روحت بعيد من غير ما أوضح :)

-----------

كلمـــــة نـــايـــل مـــوتــورز --- مش عربى --- ده المقصد بكل وضوح :)
يعنى مش ينفع أكتب كلمة إنجليزى بحروف عربى و أقول عليها عربى

ذى ما هو مش ينفع أكتب العربى بالإنجليزى (الفرانكو بتاع الشات) و أقول عليه إنجليزى

المعنى إيه هاقولك

فايدة الكلمة العربى إيه ؟ إن إللى مش فاهم إنجليزى يعرف يقرأ ؟ طب ما إللى مش فاهم إنجليزى ده مش هايقدر يفتح النت !!

طب فايدته تقصد إنه يدل على الهوية ؟ أعتقد كلمة Nile قامت بالواجب و زيادة :)

مش عايزك تفتكر إنى بدافع عن لوجو لصالح آخر بالعكس بس كنت عايز أوضح عشان محدش من المصممين يحس إنه إتظلم فى الإختيار :)