الحقوني عملت حادثة

**p r i n c e** · 06-03-2013 02:59 AM

قبل ما احكي اللي حصل الحمدلله على كل حاجة و الحمدلله ان انا او اي حد غيري محصلوش حاجة و متأذاش
كنت ماشي ف شارع 3 حارات
كنت ف الحارة ال ف النص و على اليمين عربيات راكنة و الشارع شغال حارتين بس.كنت ماشي و جنبي على شمالي ماتريكس
مرة واحدة لقيت ال ماتريكس كسرت عليا و هدت سرعة جامد و انا ماشي ب سرعتي كنت هلبس فيها
مكنش قدامي حل غير ادخل يمين ف الحارة اللي بيبقى فيه عربيات راكنة..هيا ركنة ف المخالف بس يلا مش مشكلة.ال مهم ال شارع دا العربيات مش راكنة فيه بطول الطريق.يعني في حتت بتكون عربيات راكنة و حتت شغالة عادي عربيات بتمشي فيها
أنا بعد ما ال ماتريكس الله يسامحها كسرت عليا دخلت يمين كان في عربية راكنة الله يسامحها بردو عشان راكنة ف المخالف
جبت آخر ال فرامل بس طبعا كنت بسرعتي ف لبست فيها
عربية بي إم موديل 2005 تقريبا.طبعا ال بي إم محصلهاش حاجة خالص يا دوبك الإكصدام اتخربش
و انا عربيتي ال كبوت اتطبق من قدام طبعا و قعدت تنزل ماية غالبا دا الرادياتير اطبق
انا دلوقتي رجالة مخنوق جدا
قدر الله ما شاء فعل
بس عاوز اعرف ال حوار دا هيكلفني كام و هرش حاجة ف الاساسيات ولا لأ؟
العربية اتبهدلت من قدام بس غالبا موصلش للموتور

**aldesha989** · 06-03-2013 04:04 AM

قدر الله وما شاء فعل

معلش الحمد لله انك بخير

غالبآ الردياتير دخل لجوا فريح على مسمار خرمه زى اللى حصل معايا برضه او ممكن تكون الكوعه فكت من الردياتير

والاكصدام يتعدل سهله ان شاء الله وربنا يعوض عليك خير ان شاء الله

**khaled_1263** · 06-03-2013 04:51 AM

يلا الحمد لله

**p r i n c e** · 06-03-2013 07:39 AM

المشاركة الأصلية كتبت بواسطة aldesha989

قدر الله وما شاء فعل

معلش الحمد لله انك بخير

غالبآ الردياتير دخل لجوا فريح على مسمار خرمه زى اللى حصل معايا برضه او ممكن تكون الكوعه فكت من الردياتير

والاكصدام يتعدل سهله ان شاء الله وربنا يعوض عليك خير ان شاء الله

الردياتير دخل ل جوا و اتبهدل.حضرتك غيرتو ب كام؟
اما الإكصدام بقى اتكسر و اكيد هجيب واحد جديد
قولي يا باشا حوارك خد فلوس و وقت قد ايه لحد ما اتصلح؟

**mohammedabdallh** · 06-03-2013 10:03 AM

الحمد لله على كل شىء
وكفايه انك سليم
متخفشى الموضوع مش كبير
وان شاء الله خير

**MohammedAladel** · 06-03-2013 10:06 AM

قدر الله وما شاء فعل سهلة أن شاء الله وفعلا شوارع المنيا مينفعش تجرى فيها برغم أنى بشوف عربيات بتبقى طايرة فى طه حسين
وكويس إنك سليم وبخير
طالما مياه نازلة يبقى الرادياتير اتخرم بالتأكيد لو مياه خضراء وأن شاء الله بسيطة واى ميكانيكى فى المنيا هيضبطهالك متخفش مفيش اكتر من فيرنا فى المنيا

وفيه سمكرية برضه بس أسمع ان الحرفيين فى المنيا الجديدة فيها سمكرية كويسين بس خد حد معرفة عشان ميشوكش فى الأسعار

**p r i n c e** · 06-03-2013 10:23 AM

المشاركة الأصلية كتبت بواسطة mohammedaladel

قدر الله وما شاء فعل سهلة أن شاء الله وفعلا شوارع المنيا مينفعش تجرى فيها برغم أنى بشوف عربيات بتبقى طايرة فى طه حسين
وكويس إنك سليم وبخير
طالما مياه نازلة يبقى الرادياتير اتخرم بالتأكيد لو مياه خضراء وأن شاء الله بسيطة واى ميكانيكى فى المنيا هيضبطهالك متخفش مفيش اكتر من فيرنا فى المنيا

وفيه سمكرية برضه بس أسمع ان الحرفيين فى المنيا الجديدة فيها سمكرية كويسين بس خد حد معرفة عشان ميشوكش فى الأسعار

والله يا أستاذ محمد مكنتش بجري كنت ماشي على الغيار التالت بس واحد كسر عليا لبسني ف العربية ال خبطتها

**MohammedAladel** · 06-03-2013 10:34 AM

فداك وبسيطة ان شاء الله يعنى شفت البى ام اللى خبطتها أيوة هو واقف غلط بس أهو الخبطة جاتله لحد عنده الحمد لله بسيطة
ومتستهونش ب الخبطة دى على البى أم أكيد قواعد الفوانيس من جوا اتكسرت او اتشرخت على الأقل بس هو اكسدامها فبره قوى وحمال أسية شوية عشان فبر لو صاج كان اتبهدل

أنا مرة كان والدى واقف بالعربية وعربية جت تطلع حكتله الأكسدام من تحت حكة بايخة قوى

ومرة أنا فى البيت بتدور بالعربية وحكيت العربية فى رجل كرسى خشب فعصلى جزء فى الباب الخلفى

وموتسكل نزل تحت العربية خدلى العتبة اليمين شكلها بقى بايخ جدا وبهدلت العربية من تحت وصاحب الموتسكل عليه رحمة الله

واهو من يومين خبطت العربية وأنا داخل أفول

فمفيش عربية مبتتخبطش وبسيطة ان شاء الله

**p r i n c e** · 06-03-2013 05:43 PM

الحمدلله قدر الله ما شاء فعل

-

الموضوع: الحقوني عملت حادثة

LinkBack

أدوات الموضوع

عرض

-

-

-

-

المواضيع المتشابهه

عملت حادثة .....

الحقوني الفرامل هربت و كنت هعمل حادثة

أنا عملت حادثة!

الحقوني حادثة

انا عملت حادثة

الكلمات الدلالية لهذا الموضوع

المفضلات

المفضلات

ضوابط المشاركة