الموضوع: اللى عربيته بتنقط مياه وبتنقص

المشاركة الأصلية كتبت بواسطة dr.hazem

تقصد الخراطيم اللي داخله لسربنتينة السخن؟؟
عادي لو اتلغو بس كده مش هينفع تشغل الدفايه...
تحياتي

sent from my se arc s using forum runner

مش مشكلة الدفاية فى الشتاء المهم نعرف لو كان دا مكان التسريب لان عربية كذا واحد معانا فى القسم كده

دى كانت نفس مشكلتى مع اللانوس و هاقولك اللى حصل معايا

علبة المياه عندى كانت بتسرب لسببين أولهم انى كنت جايب غطاء جديد من كام شهر بس حصل مشكلة في الجلدة الصغيرة اللى جواه فغيرته

والسبب التانى ان علبة المياه نفسها كان فيها أكتر من خرم صغيرين جدا مش بيبانوا إلا لما أمشى فترة بالعربية و المياه تسخن جدا و تغلى وأقف بالعربية و هى لسه الموتور شغال و أفتح غطاء الموتور وأشوف علبة المياه وهى مقفولة ألاقى من بره فيها فقاعات مياه بتتكون فى كذا مكان و دا بسبب ان الخرم صغير جدا لكن ضغط المياه و البخار بيعمل الفقاعات دى

فطبعا غيرت قربة المياه و الغطاء

اتفضلت مشكلة واحدة انى اكتشفت خرم تانى فى ماسورة صغيرة بالعرض تحت الماتور من ورا والميكانيكى هو اللى خد باله منها هى بيدخلها من ناحية سير الكاتينة علشان تتغير بس أنا كنت مستعجل فجاب عبوتين صغيرين كده شبه السيلكون الحرارى و خلطهم ببعض و قفل على الخرم ده

ودى كانت مشكلتى مع تنقيط المياه ونقصها فى القربة

وطبعا أثناء القصة لازم تخلى بالك و تكشف على المياه كل يوم و ممكن مع كل مشوار طويل

وكمان حط مياه عادية علشان حرام تحط مياه خضراء و هى فى الآخر هتسربهم

وربنا يوفقك

.