الفرش الجلد

**hic** · 03-08-2008 09:43 PM

اخوانى الاعزاء
سلام عليكم
انا عاوز نصحيتكم بخصوص تركيب فرش جلد كنت عاوز اسال هل فى نوع جلد معين علشان اشتريه و كنت عاوز اعرف ممكن يكون بكام المتر منه و كنت باشوف عربيات الفرش الداخلى بتاعها بيبقى منقوش عليه شعار العربيه (بيجو) هل ده السروجى اللى بيعمله و لا بيتباع كمان مصنعية السروجى ممكن تكون كام؟
و الف شكر و اسف للاطاله

**Hosam_Optrawy** · 04-08-2008 05:32 AM

هقولك عاللى اعرفه
اخر مره ركبت فرش جلد كان من حوالى 3 سنين عملته فى الحرفيين
كان ب 3 الاف وده احسن حاجه جلد طبيعى طبعا
بس طبعا فى اطقم جلد بتبدأ من 300 جنيه بيبقى شكله حلو وشيك برضه
بس نصيحتى ليك بلاش تركب فرش عشان بيخلعو الكراسى والكنبه من مكانها ويركبوها تانى فشئ مش ظريف لانهم اكيد مش هايركبوها زى الاول
رأيى تجيب فرش من اللى بيتلبس فى الكراسى هايكون ارخص ويتشال ويتحط بسهوله انت وراحتك بقى

**amagdy** · 06-08-2008 01:43 PM

في عربيات كتير بيركبولها فرش جلد و مفيش حد اشتكي من حكايت فك وتركيب الكراسي دي , انا رايح أركب فرش اليوم للعربية و لما أرجع هأولكو اية الأخبار

**AlmAhAtmA** · 06-08-2008 01:52 PM

الفرش الجاهز
انا كنت استلمت فرش جلد جاهز من اللي عليه شعار كهديه من الفطيم مع العربيه
و رحت ركبته عند هاني في الشاطبي
و فعلا تم فك الكراسي و الكنب و انتهزت الفرصه و ركبت ارضيه جلد للعربيه و للشنطه
لكن ما فيش مشاكل من فك و تركيب الكراسي شيئ بسيط و مش معقد

الفرش التفصيل
كان لي الشرف اني اشوف شغل دوس في مصر الجديده و فعلا شغل محترم جدا
لو دورت في المنتدي حتلاقي صور لشغله و ارقام تليفوناته

ان شاء الله ربنا يوفقك للخير كله

**amagdy** · 06-08-2008 11:37 PM

المشاركة الأصلية كتبت بواسطة amagdy

في عربيات كتير بيركبولها فرش جلد و مفيش حد اشتكي من حكايت فك وتركيب الكراسي دي , انا رايح أركب فرش اليوم للعربية و لما أرجع هأولكو اية الأخبار

انا ركبت الفرش الجلد الحمد لله و فعلاً فكوا الكراسي و ركبوها مافيهاش مشاكل , بس في حاجة مش عجباني ... مسند اليد الي في الكنبة الخلفية راكب في مفصل حديد و ظاهر مش متغطي بالجلد ... هل ده طبيعي و لا كان المفروض يحوط المفصل تحت الجلد؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟

**AlmAhAtmA** · 07-08-2008 08:54 AM

الحاجات البسيطه دي ما فيش فيها مشاكل
بس لو مش مريحاك روح قول له يعملهالك

يا ريت لو تعمل فرش الارضيه و الشنطه

**VIRUS** · 16-08-2008 06:53 PM

انا جبت من الأسكندريه قبل ما ارجع على السعوديه من اسبوعين فرش جلد كان جاهز ب 115 جنيه
ولحد دلوقتي هوا حلو ومطرقع ومستحمل جو هنا الزباله بس المقاس بيفرق جدا ممكن بتاعي يكون كبير على البيجو لان انا معايا صني