الموضوع: نصاب سرق 100 الف جنيه في اقل من 30 دقيقه

المشاركة الأصلية كتبت بواسطة ehab

انا فاكر في مرة كنت في فودافون بادفع فاتورة و كانت واققة جانبي واحدة عايزة ترجع الخط بتاعها عشان الشريحة اتسرقت تقريبا
المهم ادوها ورق كدا تملاه
فيه حاجات زي 3 ارقام من الي يتتصل بيهم كتير
و 3 ارقام تم تحويل رصيد ليهم
او السريال بتاع 3 كروت شحن تقريبا او تواريخ اخر 3 مرات شحن حاجة زي كدا
اعتقد اصدار شريحة دا مش سهل
هل المحلات العادبة تقدر تتطلعها ؟

الخط لو متسيف على السيستيم باسم كل المطلوب ان حضرتك بتعطيهم " خمسه جنية تقريبا " والبطاقه ده لو كان فى فرع من فروع الشركة وهما بيصورها عندهم وبيعطيك وانت واقف شريحه ويقولك بعد ساعه هتكون اتكتفت ( ده حصل فى فرع فودافون )

لو محل موبيلات بيطلب منك انه يطلع على البطاقة ويطلب منك انك تصورها وبعدين بيتصل هو بخدمة عملاء ويمليهم بيانات صاحب الخط اسمه وعنوانه ورقم بطاقته ورقم الشريحه الى بتكون بلانك او جديده عنده عشان يأكتفو عليها الخط بعد ساعه او اتنين
وساعات كمان موظف الشركه بيطلب من محل الموبيلات انه يعطي السماعه او التليفون لصاحب الخط ويكلمه يتأكد منه بنفسه تاني ( ده حصل فى محل موبيلات مع خط موبينيل )

الى حضرتك بتقول عليه ده فعلا كان بيحصل لو كان الخط بدون اسم ( زي ارقام كتير جدا بدون اسماء )
او صاحب الخط معاه الخط من فترة طويله لكن مش بأسمه وعايز يحوله لاسمه ( كانت مفتوحه لفتره مش عارف دلوقتى قفلوها ولا لأ )

المشاركة الأصلية كتبت بواسطة ابوحبيبة2010

بصراحة فلم هندى ممتاز

المشاركة الأصلية كتبت بواسطة ابوحبيبة2010

[overline][/overline]

ماهو كده علشان انا بقول انه فلم هندى ممتاز لسنة 2013

المشاركة الأصلية كتبت بواسطة ابوحبيبة2010

انا لا اقصد الاهانه اخى لكن الموضوع به غموض
ولا يصدقه عقل وانا اسف لو كنت زعلتك

يعنى بدل ما تحاول تساعد صاحب الموضوع داخل تشكك في كلامه ؟
اولا : صاحب الموضوع برغم اني معرفوش شخصيا لكن هو معروف فى المنتدي كله باحترامه
ثانيا : مفيش حد كبير على النصب مهما كان الانسان ذكي وبيحاول انه يكون محتاط ممكن برضو يتنصب عليه وده ومش عيب او كبيرة لكن العيب ان الانسان يسيب حقه
لان ده الى بيطمع النصاب ويخلي الموضوع سهل بالنسبه له انه ينصب بعديه على واحد واتنين وتلاته وميه طول مالناس بتسيب حقها وتسكت
لكن لو كل واحد اتنصب عليه حاول انه يرجع حقه تاني " حتى لو هيصرف قد تمن الى اتاخد منه " والناس حاولت تساعده ساعتها النصاب هيراجع نفسه قبل حتي ما يفكر فى طريقة ينصب بيها على حد

داخلين على كوميسة وليلة