بسم الله الرحمن الرحيم وبه نستعين
اولا قبل كل شيء وحشتوني جدا جدا
الموضوع مش طويل الموضع عباره عن فكره صح وتنفيذ صح واختيار الضحيه صح
اولا الراجل النصاب ده اختار الضحيه بذكاء ورسم وخطط بكل سهوله ويسر والتنفيذ كان سهل جدا
نطلع من الغموض ده للشرح السريع
اولا انا عندي صديق يعمل في مجال التجاره من خلال الانترنت بيشتري صفحات فيس بوك وبيبيع صفحات ومواقع وكده
صديقي ده عنده حساب الفيس بوك بتاعه فيه صفحات مجموعها ما يقارب 45 مليون مشترك وطبعا بيشتغل اعلانات عليها وكده وبتدخل دخل كويس كل شهر المهم في يوم جاله تليفون من شخص غريب
السلام عليكم -وعليكم السلام حضرتك مين -انا من شركه مارسيليا للعقارات وعايز اعمل اعلان عندك
المهم اتفقوا علي 6000 جنيه في الشهر وبعدها طلب منه طلب غريب
طلب منه صوره بطاقه علشان يكوده عميل عندهم ويبعت المبلغ المتفق عليه من خلال ويسترن يونيو
طبعا صاحبنا ما صدق 6000 جنيه شهري وكل ده بصوره بطاقه
المهم صاحبنا بعت صوره البطاقه وبعد كده كانت اصيع حركه ممكن اتخيلها في حياتي
البيه النصاب اخد الصوره وراح محل موبيلات وسحب الخط بتاع التليفون وحطه في عده تاني وعمل استرجاع للباسوورد من خلال الموبايل وفي 3 دقائق كان الاكونت بتاع الفيس مع النصاب سرق معظم الصفحات اللي علي الحساب
الحمد لله صديقي كان بيتكلم في التليفون لما اتسحب الخط وقدر يرجع الخط في اقل من 30 دقيقه وقدر يفهم ايه اللي حصل وتدارك الموقف وقدر يغير الباسوورد بتاعه الحساب والحمد لله انقذ ما يمكن انقاذه بس مع الاسف مكانش كتير الواد شبه فضي الاكونت من الصفحات
صديقي كان عنده ما يعادل 120 الف جنيه حاليا اللي عنده اقل من 20 الف
وحاليا احنا بنشد في شعرنا بسبب القصه دي ومش عارفين نلاقي حل قلت انا اتكلم مع اخواتي هنا بدل مااطق من جنابي
برغم اني عرفت الشخص ده حاليا بس مش عارف اعمل معاه ايه