كيفية عمل ريسيت لكمبيوتر العربية نيسان صني سوبر صالون الشكل الجديد

**ahmed452003** · 06-03-2013 12:17 PM

برجاء الافادة لكيفية عمل ريسيت لكمبيوتر العربية نيسان صني سوبر صالون الشكل الجديد
لان استهلاك البنزين عالي عندي وكنت قريت في المنتدى ان موضوع الريست لكمبيوتر العربيه مفيد في حاجات كتير منها استهلاك البنزين .

**hatahet** · 06-03-2013 12:23 PM

اى حاجة فى كمبيوتر العربية و عاوز تعمل ريست ليها دوس على الدراع اليمين دا 3 ثوانى تقريبا ..... يعنى لو حضرتك جايب Trip A و العداد عامل اى رقم و عاوز تصفرة دوس على الدراع اليمين دا بتاع 3 ثوانى وزيها البنزبن و كل حاجة

**ahmed452003** · 06-03-2013 12:33 PM

المشاركة الأصلية كتبت بواسطة hatahet

اى حاجة فى كمبيوتر العربية و عاوز تعمل ريست ليها دوس على الدراع اليمين دا 3 ثوانى تقريبا ..... يعنى لو حضرتك جايب trip a و العداد عامل اى رقم و عاوز تصفرة دوس على الدراع اليمين دا بتاع 3 ثوانى وزيها البنزبن و كل حاجة

شكرا على الرد والاهتمام بس انا عاوز اعمل ريستارت لنظام كمبيوتر السيارة بالكامل .

**ahmedsrs** · 06-03-2013 12:47 PM

شيل كابل البطارية وبعدين رجعه تاني وعمل لرننج بعدها حط المفتاح في الكنتاك وفتح وقفل بدون تشغيل العربية اربع مرات وبعد كده دور العربية وشغل التكييف والكاست والنور العالي لمدة دقيقة وبطل بعد كده

**dodyam** · 06-03-2013 01:13 PM

رست كمبيوتر العربية حسب ما اعرف عن طريق شيل كابل البطارية فعلا

بس موضوع ايدل ليرن للكمبيوتر بتاع النيو صنى خطواته بالظبط إزاى ما أعرفش

وأساسا ملوش لزوم الموضوع ده انت عربيتك لسه جديدة مش محتاجة و الاستهلاك بيتحسن مع الوقت وعلى الأقل بعد أول 5 آلاف كيلو

**ahmed452003** · 06-03-2013 01:13 PM

المشاركة الأصلية كتبت بواسطة ahmedsrs

شيل كابل البطارية وبعدين رجعه تاني وعمل لرننج بعدها حط المفتاح في الكنتاك وفتح وقفل بدون تشغيل العربية اربع مرات وبعد كده دور العربية وشغل التكييف والكاست والنور العالي لمدة دقيقة وبطل بعد كده

شكرا على الرد بس اظن انوا فيه طريقه تانيه من غير ما اشيل كابل البطارية .. زي الطريقة الي في اللينك ده للصني الشكل القديم

http://www.nilemotors.net/Nile/331645-2011.html

بس انا عاوز الطريقة بتاعت عمل الريست للنيو صني سوبر صالون ؟

**HaNo_ELBeh** · 06-03-2013 01:14 PM

المشاركة الأصلية كتبت بواسطة hatahet

اى حاجة فى كمبيوتر العربية و عاوز تعمل ريست ليها دوس على الدراع اليمين دا 3 ثوانى تقريبا ..... يعنى لو حضرتك جايب trip a و العداد عامل اى رقم و عاوز تصفرة دوس على الدراع اليمين دا بتاع 3 ثوانى وزيها البنزبن و كل حاجة

المشاركة الأصلية كتبت بواسطة ahmed452003

شكرا على الرد والاهتمام بس انا عاوز اعمل ريستارت لنظام كمبيوتر السيارة بالكامل .

انتا لية يا باشا عايز تعمل ريستارت لكمبيوتر العربية كله
كفايه ريستارت لكمبيوتر استهلاك البنزين

**ahmed452003** · 06-03-2013 01:18 PM

المشاركة الأصلية كتبت بواسطة dodyam

رست كمبيوتر العربية حسب ما اعرف عن طريق شيل كابل البطارية فعلا

بس موضوع ايدل ليرن للكمبيوتر بتاع النيو صنى خطواته بالظبط إزاى ما أعرفش

وأساسا ملوش لزوم الموضوع ده انت عربيتك لسه جديدة مش محتاجة و الاستهلاك بيتحسن مع الوقت وعلى الأقل بعد أول 5 آلاف كيلو

شكرا على الرد ... انا عندي كمبيوتر العربيه مديني متوسط استهلاك البنزين عالي وثابت اديلوا 3 ايام مع اني غيرت طريقة القيادة ومشيت من جوه البلد للطريق الطوالي وعلى سرعات مختلفة وهو ثابت مبيتغيرش .

**ahmed452003** · 06-03-2013 01:20 PM

المشاركة الأصلية كتبت بواسطة hanyfarag

انتا لية يا باشا عايز تعمل ريستارت لكمبيوتر العربية كله
كفايه ريستارت لكمبيوتر استهلاك البنزين

على حسب معلوماتي المتواضعه انوا الريستارت بيتعمل لكلوا ( النظام بالكامل) مش حاجه وحده بس ..

**esam_ayad** · 06-03-2013 02:06 PM

بص يا باشا انا عندي كرولا وكان لمبة الماتور نورت.
ولما رحت اكشف عليها بالكمبيوتر ايدي جت علي دراع البطاريه ففصلت ولما شافني وانا بركب سلك البطاريه قالي" انت عملت ريست لكمبيوتر العربيه كده ".
وأعتقد ده يمشي مع كل العربيات