الموضوع: الحليه النيكل و علامة بروتون برسونا الخلفيه

ربنا يعوض عليك يا ريس.

أنا مستغرب العربية أصلاً مش منتشرة، ولا معروفة - يعني ناس كتير تظن أنها صيني. فعلى خيبة إيه الحرامي يغامر ويقعد يفور في العلامة، ومحتمل جدًا أنها تنكسر في إيده؟!

من كام شهر كده، شوفت عربية ميكروباص، كانت واقفة، صاحبها بيغسل فيها، وعليها علامة البرسونا بالكامل، وكذلك علامة تويوتا، وهي أصلاً ميكروباص صيني ماركة كينج لونج!

حاجة مستفزة يعني، إيه وجه الشياكة والأناقة أن الميكروباص يتحول لوحة عرض عليها مختلف علامات العربيات؟!

بص بصراحة العلامة الخلفية لبرسونا بارزة كده، وتحس أنها بتقول للحرامي تعالى اسرقني!

وربنا يبعد عنا الحرامية واللصوص وقطاع الطرق ويحفظنا من شرورهم، ويتوب عليهم ويهديهم، ويصلح أحوال البلاد والعباد...آمين.

ربنا ينتقم من اللى عمل كده وربنا يوفقك وتعرف تشترى غيرها ان شاء الله
بس كده انا شكلى هغير حجز البرسونا واجيب الجين تو بسبب الموضوع ولا رأيكوا ايه

المشاركة الأصلية كتبت بواسطة sabregas2010

ربنا ينتقم من اللى عمل كده وربنا يوفقك وتعرف تشترى غيرها ان شاء الله
بس كده انا شكلى هغير حجز البرسونا واجيب الجين تو بسبب الموضوع ولا رأيكوا ايه

لا يا باشا مش للدرجادى وبعدين الجين حاجه والبيرسونا حاجه من حيث الطبع
دى رياضيه جدا ودى عائليه شويه
وما تقلقش من الموضوع ده ممكن يسرقوا علامه المرسيدس لو الظروف سمحت وفى حاجات تانيه ممكن تتسرق زى ما قولت فى موضوع مزراب المياه فى اللانسر بتاعه صاحبى
ربنا هو الستار وحسبى الله وتعم لوكيل فى الحراميه الى بيعملوا كده منهم لله

المشاركة الأصلية كتبت بواسطة sabregas2010

ربنا ينتقم من اللى عمل كده وربنا يوفقك وتعرف تشترى غيرها ان شاء الله
بس كده انا شكلى هغير حجز البرسونا واجيب الجين تو بسبب الموضوع ولا رأيكوا ايه

دي حاجة بسيطة، وكل العربيات معرضة - خصوصًا في هذه الأيام دي - لسرقة علاماتها، أو بعض إكسسواراتها، بل سرقتها كلها على بعضها.

فربنا يعافينا ويعافيك، ويحفظ علينا عافيتنا وأولادنا وأموالنا.

بعبارة أخرى، مش دي الحاجة إللي تخليك تغير رأيك بسهولة كده...

انا مش هغير رأيى طبعا يا جماعة انا بس بفضفض معاكوا من اللى انا خايف منه خصوصا انى حابب العربية دى جدا وهى من العربيات اللى لو حصل فيها حاجة صغيرة بتغير شكلها فالمشكلة ان الواحد مننا يحاول يحافظ على قد ما يقدر ويلاقى حيوان ملهوش اى لازمة ينكد عليه وربنا يسترها معانا جميعا

دنا قايم نايم بحلم بيها....... 480 جنيـــــــــــــه

حسبى الله و نعم الوكيل ..
شفتها على توكتوك النهارده و إستحرمت أشتريها لتكون مسروقه و أكون بشجعه على كده!!

هشتريها و امرى لله

للاسف اول ما اشتريت البيرسونا اتسرقت العلامتين في الشبكه الاماميه و العلامه الخلفيه , المشكله ان شكل العربيه بيكون بايخ من غيرها , و سألت عليها في التوكيل الواحده ب 700 جنيه
طبعا اشتريت واحده تقليد من محل اكسسوار تمنها 65 جنيه و حطيتها على الشنطه بس مشكلتها انها بتكون مش لازقه من الطرف و في الاخر لقيت الحل انى اخرمها قصاد خرم من اللي في الشنطه بتوع تثبيت العلامه الاصليه و حطيت مسمار 8 و علشان متتسرقش بسهوله بربط المسمار بصامولتين و بعد ما يتربط بحرك الصامولتيم عكس بعض وكدا اللي بيسرق حتى لو معاه مفك مش هيعرف يفك المسمار و الحمد لله من وقتها مفيش محاولات لسرقتها .
المشكله كانت في العلامه بتاعت الشبكه الاماميه خصوصا انها في موديلات 2012 مختلفه عن الموديلات القديمه كان الحل انى اشتري واحده من التقليد زى الخلفيه و قصيتها علي مقاس الشبكه و ثبتتها زى الخلفيه بمسمار , طبعا العلامات التقليد شكلها مش زى الاصليه و مش مكتوب عليها بروتون مكتوب عليها اسم منهاتن , لكن حل مؤقت لحد ما ربنا يسهل و تبقي العلامات الاصليه متوفره عند محلات الاستيراد و يكون سعرها معقول .
و ربنا ينتقم من الناس اللى بتسرق العلامات و بتشوه شكل العربيه , الحاجه اللى تضايق ان اللي بيسرق اكيد مش عارف قيمة و سعر العلامه دى و بيبيعها لاى سواق تكتك او ميكروباص او ربع نقل باى سعر , و المشكله الاكبر ان مفيش اى وجه استفاده بالنسبه للسواق اللى بيشتريها ( مثلا العربيه بتاعته مش هتزيد سرعتها لما يعلق عليها العلامه ) ربنا يخلصنا منهم و البلد تنضف بقى .