الحليه النيكل و علامة بروتون برسونا الخلفيه

**Nistelrooy** · 22-03-2013 12:26 AM

يعني انا ماينفعش اطلبة من التوكيل وغالبا التامين مش هياخد حاجة ..

**D . a .\ AYMAN** · 22-03-2013 01:54 AM

جرب ياباشا ومش هاتخسر حاجة طبعا ... هم كدة كدة مش دافعين تمنه ومش من حقهم يحتفظوا به

والتأمين على فكرة بيطلب الحاجات دي بكل تفاصيلها .. لأن كل شركات التأمين بتعملها مزاد كل فترة على الكلام ده

**Motarjim** · 22-03-2013 03:49 PM

الحلية النيكل والعلامة الأصليين في الحرفيين بـ 400 جنيه...قابلة للتفاوض والفصال إلخ.

**shakshak2011** · 23-03-2013 07:24 PM

هو الى بيتباعوا عند محلات قطع الغيار مش بيكونوا أصليين؟؟؟؟ ولا أجيبهم من الحرفيين أحسن؟

**Motarjim** · 23-03-2013 07:34 PM

المشاركة الأصلية كتبت بواسطة shakshak2011

هو الى بيتباعوا عند محلات قطع الغيار مش بيكونوا أصليين؟؟؟؟ ولا أجيبهم من الحرفيين أحسن؟

اعتقد مش هيكونوا أصليين...بس دي الحلية والعلامة مش شيء جوهري في العربية، يعني مش هتفرق أصلي أو غير أصلي.

المشكلة بقى إذا لقيت الحاجة غير الأصلية مع مرور الوقت تقشرت وبهت لونها.

بالنسبة لموضوع الحرفيين، الحلية هتاخدها في كيس بلاستيك دون أي معالم أو ماركات، ولا حتى هي مختومة بختم برتون، وكذلك العلامة.

اقصد يعني لا يوجد ما يضمن أن الحاجة أصلية، سوى كلام التاجر الصدوق الذي يكون في أحيانًا كثيرة كذب صُراح بواح عشان يمشي بضاعته.

**D . a .\ AYMAN** · 23-03-2013 10:23 PM

أنا لسة شايف واحد راكبة على ميكروباص مش أصلية .... ولكنها نسخة طبق الأصل من الأصلية ... بس مش مكتوب عليها بروتون على اللوجو .... ولكن مكتوب عليها كلام غريب كدة مش مفهوم

ومش عايز أقولكوا إن الميكروباص ده كان لازق بتاعة الدودج رام وبتاعة الكورولا وباعة الكرايسلر وكام واحدة كمان كدة مش فاكرهم