نفسى اعتر فى بتاع شكمانات نظيف قبل ماموت

بجد بتوع الشكمانات دول مالهمش حل .. ينزلك تحت العربية و انت مش شايف حاجة و يعيشك الوهم .. يقولك الصوت ده من السوستة .. تغير السوستة .. تلاقى الصوت موجود لسة .. يقولك لا الصوت كده اقل .. بس انت عندك البيئة بايظة و فاضية .. هركبلك ليها ماسورة متخرمة (اختراع ابن ستين فى سبعين بيخلى صوت العربية كانها ميكروباص) .. و فى الاخر يقولك المنافول مخروم ؟؟!!!
محتاج يا جدعان بتاع شكمانات مهندس ... و يكون فى مدينة نصر - صقر قريش - المقطم لان العربية بقت مخنوقة و صوتها عالى و فى زنة فى الدواسة وحاجة تكسف و الله .. فاقلت اضبط الشكمان عشان اعرف ادخل على الباقى
و بالمرة هو سعر علبة البيئة للنوبيرا كام عشان انا هغيرها خلاص و اركب واحدة سليمة
و شكرا

محمد لطفي في جسر السويس

راجل محترم وامين وشغله نضيف

01005843049

اقتباس:

---

المشاركة الأصلية كتبت بواسطة mtc_46

بجد بتوع الشكمانات دول مالهمش حل .. ينزلك تحت العربية و انت مش شايف حاجة و يعيشك الوهم .. يقولك الصوت ده من السوستة .. تغير السوستة .. تلاقى الصوت موجود لسة .. يقولك لا الصوت كده اقل .. بس انت عندك البيئة بايظة و فاضية .. هركبلك ليها ماسورة متخرمة (اختراع ابن ستين فى سبعين بيخلى صوت العربية كانها ميكروباص) .. و فى الاخر يقولك المنافول مخروم ؟؟!!!
محتاج يا جدعان بتاع شكمانات مهندس ... و يكون فى مدينة نصر - صقر قريش - المقطم لان العربية بقت مخنوقة و صوتها عالى و فى زنة فى الدواسة وحاجة تكسف و الله .. فاقلت اضبط الشكمان عشان اعرف ادخل على الباقى
و بالمرة هو سعر علبة البيئة للنوبيرا كام عشان انا هغيرها خلاص و اركب واحدة سليمة
و شكرا

---

مفيش غير ابو اليزيد ده هو اللى بيعمل الشكمانات بتاع الانوس اصلا ولو حتى هتغير حاجه هتبقى الاصليه بتاعه العربيه بدل مل تصرف كذا مره

فيه واحد في مدينة نصر عند الوفاء والامل كويس جدا وصريح انا غيرت عنده الحته اللي في النص وعلبة البيئه اسمه جمعه
01008532887

ابو اليزيد ملوش حل وزى الفل ودور وعندة مراكز كتير

متلفش هو ابو اليزيد في شارع احمد سعيد هو اصلا عنده مصنع شكمانات والنوبيرا شكمانها بتاعه

اي حد تاني حيعك ويفتي

السلام عليكم
ابو اليزيد مفيش كلام
بس اهم حاجة ان مكونات الشكمان فى منها مجلف مقاوم اكتر للصد ا وعمرة الافتراضى اطول وفى عادى عمر اقل وبياخد وقتة وانت وامكانياتك

اقتباس:

---

المشاركة الأصلية كتبت بواسطة hany essa

مفيش غير ابو اليزيد ده هو اللى بيعمل الشكمانات بتاع الانوس اصلا ولو حتى هتغير حاجه هتبقى الاصليه بتاعه العربيه بدل مل تصرف كذا مره

---

+1 :S_thum1[1]::S_thum1[1]:

مكانة فين ؟؟؟

اذن فهو ابو اليزيد .... فى احمد سعيد
متشكر جدا يا جماعة .. هاطلع عليه بكره و ابلغكم بالجديد

بس انا سمعت انه بيبيع بس ... طب انا عايز صنايعى يكشف و يركب؟؟
ومعلش برده حد يعرف المنافول و علبة البيئة اسعارهم كام؟؟

علبه البيئه للنوبيرا سعرها 800 جنيه

المنافولد مفتكرش فيه منه جديد ده غير انه نظريا ما بيبوظش ممكن البوابه عندك تبقى بتنفد و دى هتجيبها استيراد تمنها حوالى 250 تقريبا او اقل شويه

فك المنافولد الاول و نضفه بالكارب كلينر و البنزين بره العربيه عشان العربيه تفوق شويه - زنه الموتور ممكن يبقى الشكمان قريب من الماتور شويه او فى علبه مخرومه او القواعد بايظه ( التلاته عندى و مجننى شويه) لما ريحت الشكمان شويه الموضوع بقى احسن من الاول بكتيييييير خصوصا ان القواعد عندى مش مقطوعه بس ناشفه شويه كتر خير الدنيا بقالهم 11 سنه لقاعدتين و 4 سنين لقاعده

800 جنيه ؟؟!!:penguin4:
قلبى ؟!!!:beat1:
طب مفيش حل تانى ... مش مهم احافظ على البيئة .. المهم صوت العربية يهدى و الكتمة تروح ... فى بديل غير الاختراع الفاشل بتاع الماسورة المخرمة ده؟؟

لو مش عايز علبة البيئة ممكن تركب وصلة امامية كاملة بالسوستة و ماسورة فاضية من غير علبة بيئة, بس الصوت هيعلى سنة, او فيه علبة قاللى عليها فى ابو اليزيد اسمها العلبة الرنانة بديل لعلبة البيئة بتهدى الصوت بس ملهاش علاقة بالبيئة
و احسنلك من دة كله لو عندك علبة البيئة سليمة و ما فضيتهاش فكها من العربية و اغسلها
فرع احمد سعيد بيع بس, اسأله هناك على الفروع اللى فيها مراكز خدمة

ابو اليزيد فرع المنيل فوق نفق الملك الصالح بيبيع و يغير فى نفس الوقت

اقتباس:

---

المشاركة الأصلية كتبت بواسطة truss

لو مش عايز علبة البيئة ممكن تركب وصلة امامية كاملة بالسوستة و ماسورة فاضية من غير علبة بيئة, بس الصوت هيعلى سنة, او فيه علبة قاللى عليها فى ابو اليزيد اسمها العلبة الرنانة بديل لعلبة البيئة بتهدى الصوت بس ملهاش علاقة بالبيئة
و احسنلك من دة كله لو عندك علبة البيئة سليمة و ما فضيتهاش فكها من العربية و اغسلها

---

+1111111111111111111111111

و ممكن تشوف علبه البيئه استيراد - انا بصراحه كنت فاكر صوت الشكمان عندى منها و لما عرفت الملبغ قولت اعتبره ديفيل يا اخى

بس طلع من العلبه الخلفيه جبتها نوعها ابو اليزيد من بتاع شكمانات بيع بس فى باب الشعريه ب 165 بس لسه مركبتهاش طبعا لازم الى فيها تسلم نمر تماما الاول مش عارف ليه ( الى بيدفع عايز كده )

بس ايه حوار تنضيف علبه البيئه ده يا باشا

و سؤال معلش هو الكاوتش الى بيثبت الشكمان فى العربيه بيتجاب جديد نضيف منين و تمنه تقريبا كام للنوبيرا

اقتباس:

---

المشاركة الأصلية كتبت بواسطة truss

لو مش عايز علبة البيئة ممكن تركب وصلة امامية كاملة بالسوستة و ماسورة فاضية من غير علبة بيئة, بس الصوت هيعلى سنة, او فيه علبة قاللى عليها فى ابو اليزيد اسمها العلبة الرنانة بديل لعلبة البيئة بتهدى الصوت بس ملهاش علاقة بالبيئة
و احسنلك من دة كله لو عندك علبة البيئة سليمة و ما فضيتهاش فكها من العربية و اغسلها
فرع احمد سعيد بيع بس, اسأله هناك على الفروع اللى فيها مراكز خدمة

---

اقتباس:

---

المشاركة الأصلية كتبت بواسطة AlGazar2

+1111111111111111111111111

و بس ايه حوار تنضيف علبه البيئه ده يا باشا

---

نفس السؤال

تنضيف علبة البيئة لما بيكون فيه سدد فى المصفاه اللى جوة علبة البيئة (بتشوف المصفاة دى لو فكيت العلبة من العربية و بصيت جواها), لأن مع الوقت المصفاه دى بيتجمع عليها رواسب بتكتم العربية شوية و ممكن تتسبب فى سخونية علبة البيئة
الطريقة دى شوفتها فى فيديوهات و منتديات اجنبية لأن علبة البيئة دى مهمة جدا عندهم و ماينفعش يعدوا من الفحص من غيرها و فى نفس الوقت سعرها عالى
خلى بالك الطريقة دى تنفع لو مشكلة علبة البيئة بسبب الانسداد, لكن لو المشكلة فى المواد الداخلية اللى بتتفاعل مع العادم عشان تنقيه .. انسى
ببساطة بتفك العلبة و بتحطها فى جردل مياه بصابون لمدة كام ساعة لحد ما تلاقى المصفاه اللى جواها سلكت
و انا ناوى اعمل الحوار دة و انا بغير العلبة الخلفية اللى بايظة عندى عشان حاسس بكتمة فى العربية بسببها

لحد دلوقت انا ما جربتش الطريقة دى, لو حد جربها على مسئوليته الشخصية, انا بس شوفت طريقة للتنضيف و اقتنعت بيها و ناوى انفذها قريب

اقتباس:

---

المشاركة الأصلية كتبت بواسطة truss

تنضيف علبة البيئة لما بيكون فيه سدد فى المصفاه اللى جوة علبة البيئة (بتشوف المصفاة دى لو فكيت العلبة من العربية و بصيت جواها), لأن مع الوقت المصفاه دى بيتجمع عليها رواسب بتكتم العربية شوية و ممكن تتسبب فى سخونية علبة البيئة
الطريقة دى شوفتها فى فيديوهات و منتديات اجنبية لأن علبة البيئة دى مهمة جدا عندهم و ماينفعش يعدوا من الفحص من غيرها و فى نفس الوقت سعرها عالى
خلى بالك الطريقة دى تنفع لو مشكلة علبة البيئة بسبب الانسداد, لكن لو المشكلة فى المواد الداخلية اللى بتتفاعل مع العادم عشان تنقيه .. انسى
ببساطة بتفك العلبة و بتحطها فى جردل مياه بصابون لمدة كام ساعة لحد ما تلاقى المصفاه اللى جواها سلكت
و انا ناوى اعمل الحوار دة و انا بغير العلبة الخلفية اللى بايظة عندى عشان حاسس بكتمة فى العربية بسببها

لحد دلوقت انا ما جربتش الطريقة دى, لو حد جربها على مسئوليته الشخصية, انا بس شوفت طريقة للتنضيف و اقتنعت بيها و ناوى انفذها قريب

---

ألف شكر على التوضيح يا باشا

طيب و الموضوع ده بيتعمل ازاى و علبه البيئه بتبقى مربوطه بمسامير ولا لحام يعنى ممكن الواحد يعملها بنفسه ولا لازم عند بتاع شكمانات و نستنى بقى لغايه لما تنضف و المياه تنشف و كده

اقتباس:

---

المشاركة الأصلية كتبت بواسطة truss

تنضيف علبة البيئة لما بيكون فيه سدد فى المصفاه اللى جوة علبة البيئة (بتشوف المصفاة دى لو فكيت العلبة من العربية و بصيت جواها), لأن مع الوقت المصفاه دى بيتجمع عليها رواسب بتكتم العربية شوية و ممكن تتسبب فى سخونية علبة البيئة
الطريقة دى شوفتها فى فيديوهات و منتديات اجنبية لأن علبة البيئة دى مهمة جدا عندهم و ماينفعش يعدوا من الفحص من غيرها و فى نفس الوقت سعرها عالى
خلى بالك الطريقة دى تنفع لو مشكلة علبة البيئة بسبب الانسداد, لكن لو المشكلة فى المواد الداخلية اللى بتتفاعل مع العادم عشان تنقيه .. انسى
ببساطة بتفك العلبة و بتحطها فى جردل مياه بصابون لمدة كام ساعة لحد ما تلاقى المصفاه اللى جواها سلكت
و انا ناوى اعمل الحوار دة و انا بغير العلبة الخلفية اللى بايظة عندى عشان حاسس بكتمة فى العربية بسببها

لحد دلوقت انا ما جربتش الطريقة دى, لو حد جربها على مسئوليته الشخصية, انا بس شوفت طريقة للتنضيف و اقتنعت بيها و ناوى انفذها قريب

---

الله ينور عليك

دة فيديو عن تنضيف علبة البيئة

Fixing Bad Catalytic Converters With Inefficiency Code P0420 - YouTube

متشكر جدا يا جماعة
انا للاسف العلبة عندى كانت فاضية اصلا .. و بالتلى ماكنش ينفع انضفها اصلا
بس انا رحت لابو اليزيد و الراجل قاللى هنفك الشكمان كله (بما فى ذلك السوستة اللى انا لسه مركبها من اسبوعينلانها مش بتاعة العربية) و هنحط شكمان جديد
و علبة البيءة حطيت مكانها علبة اسمها الرنان فيها شوية فلاتر و حركات عشان تمنع الصوت لكن مالهاش دعوة بالبيئة .. الصوت قل لكن مش زى البيئة بصراحة ( دى ب 260 و البيئة ب 780 !!)
الخلاصة دفعت 1260 جنيه شاملة التركيب

اقتباس:

---

المشاركة الأصلية كتبت بواسطة mtc_46

متشكر جدا يا جماعة
انا للاسف العلبة عندى كانت فاضية اصلا .. و بالتلى ماكنش ينفع انضفها اصلا
بس انا رحت لابو اليزيد و الراجل قاللى هنفك الشكمان كله (بما فى ذلك السوستة اللى انا لسه مركبها من اسبوعينلانها مش بتاعة العربية) و هنحط شكمان جديد
و علبة البيءة حطيت مكانها علبة اسمها الرنان فيها شوية فلاتر و حركات عشان تمنع الصوت لكن مالهاش دعوة بالبيئة .. الصوت قل لكن مش زى البيئة بصراحة ( دى ب 260 و البيئة ب 780 !!)
الخلاصة دفعت 1260 جنيه شاملة التركيب

---

الف مليون مبروك يا باشا ... ابو اليزيد ناس محترمين و شغلهم جميل ... ربنا يباركلك فيه

و بالنسبه لفرق الصوت اللى انتا حسه ... هيروح مع الوقت علشان الشكمان لسه جديد و معملش شربون

اقتباس:

---

المشاركة الأصلية كتبت بواسطة mohamed.fawzy

الف مليون مبروك يا باشا ... ابو اليزيد ناس محترمين و شغلهم جميل ... ربنا يباركلك فيه

و بالنسبه لفرق الصوت اللى انتا حسه ... هيروح مع الوقت علشان الشكمان لسه جديد و معملش شربون

---

يعنى الصوت ممكن يقل شوية و يظبط ؟؟
يا رييييت و الله

اقتباس:

---

المشاركة الأصلية كتبت بواسطة ahmod

محمد لطفي في جسر السويس

راجل محترم وامين وشغله نضيف

01005843049

---

السلام عليكم
انا كلمتوا اكتر من مره ا........غير متاح
معلش ممكن تقولى العنوان فين فى جسر السويس عاوز واصفه حلوه ومش هتعبك انا عارف جسر السويس كويس
شكرا

اعتقد هو ده اللى انت قصدك عليه كان حد سال قبل كده على مكانه

http://www.nilemotors.net/Nile/106441-a.html

اقتباس:

---

المشاركة الأصلية كتبت بواسطة mizo_zezo

اعتقد هو ده اللى انت قصدك عليه كان حد سال قبل كده على مكانه

http://www.nilemotors.net/Nile/106441-a.html

---

:satelite::satelite:

اقتباس:

---

المشاركة الأصلية كتبت بواسطة mtc_46

محتاج يا جدعان بتاع شكمانات مهندس ... و يكون فى مدينة نصر - صقر قريش - المقطم

---

ينفع فى القلعة؟

MMamdouh

فى واحد انا غيرت عنده العلبه الخلفيه بس فى المدبح

الى رشحهولى الميكانيكى بتاعى و والدى كان بيعمل عنده شغل زمان فى البيجو - هو كشف على الشكمان و قال العلبه بايظه جبتهاله و هو ركبها و العلبه فعلا طلعت مخرومه و مصديه و حالتها كرب

ابو اليزيد الملك الصالح