http://www.nilemotors.net/Nile/showthread.php?t=32397
بخصوص مقابلة شهر اغسطس في اللينك اللي فوق ده
استاذ محمد الطويل عزمنا كلنا في فيلتة في كينج مريوط بالاسكندرية
وطبعا هو تكفل بالعزومة واحنا هانقضيها كدة Dish Party
يعني كل واحد هايجيب نوع اكل معاه
يعني ممكن اتنين او تلاتة يجيبو حلويات
واتنين يجيبو مياه غازية وعصير
وناويين نشوي لحوم
فكل واحد هايجي ياكد حضورة عشان هانعمل حسابة في اللحمة اللي هاتتشوي
وممكن واحد فينا يكون جنبة جزار محترم نضيف نجيب منه عدد من الكيلو جرامات لحمة نضيفة وتتبل كويس قبلها بيومين وتتاخد معانا تتشوي هناك
وانا ممكن اقوم بموضوع اللحمة ده لاني معايا تلاجة صغيرة في العربية تكفي 10 كجم مثلا وممكن اي حد يعمل حلة رز بسمتي بالمكسرات او نعملها هناك
احنا رجالة وبنعرف نتصرف من غير حريم:p
وخاصة اني هاكون في اسكندرية في الوقت ده تقريبا من يوم 10 اغسطس تقريبا
ونبقي هناك نقسم ثمن الحمة على عدد الحضور وتدفع بالتساوي
بس اهم حاجة تاكيد الحضور هنا في الموضوع ده بمشاركة باسم الشخص ورقم تليفونة لسهولة التنسيق
بالنسبة للسفر مش عارف ممكن كل اتنين او تلاتة يعرفو بعض او ساكنين جنب بعض يتشاركو في السيارة وممكن كل 3 او كل 4 بحيث ان الركاب يدفعو حق البنزين وصاحب السيارة يكفية المشوار وما يدفعش معاهم حق البنزين عشان يكون فيه تشجيع لانه لو دفع معاهم هايقول ايه اللي يجبرني اخدهم معايا وحمل زيادة على عربيتي
معلش احنا بنتكلم بصراحة وبدون احراج واحنا عملنا الموضوع الظريف ده يوم مزارع دينا ويوم سفر العين السخنة
لو العدد زاد ومفيش عربيات ممكن ناجر ميكروباص ويتولي الموضوع واحد من اللي هايطلعو من غير عربية والتنسيق سهل عبر التليفونات اللي هاتتكتب في المشاركات
ولو ازمت على 3 او 4 افراد ممكن يركبو ميكروباصات من رمسيس وينزلو الكيلو 21 مدخل العجمي وده بينة وبين الفيلا حسبة 10 دقايق بالعربية
واحنا راجعين نركبهم برضه من الكيلو 21 اي حد يوصلهم
يعني محلولة للي معاه عربية والل معاهوش
مش عايزين حجج بايخة:coolgleamA:
الناس الاسكندرانية اللي ما بنشوفوهمش يا ريت نشوفهم واللعب هايكون على ارضكم ولا هانكون عندكم ومش عايزين تشوفونا
استاذ محمد الطويل اعلن واكد ان الدعوة عامة ويا ريت نشوف الناس كلها ونقضي وقت ظريف ان شاء الله
هانروح بدري من 10 مثلا يعني تتجمعو 8
نقضي اليوم ونصلي الجمعة ونكمل الييوم ونتغدي ونرجع على المغرب
واللي ليه شوق ينزل لغاية الكورنيش براحتة ويبقي بالتنسيق بقي
والفيلا فيها بسين حسب ما سمعت من محمد
الحضور رجاللي فقط ولا وجود للعائلات ونتمنى للاطفال يوما هنيئا في سرايرهم :Angel_anim:
كل سنة وانتم طيبين ونتمني نشوفكم جميعا
اخوكم في الله كريم منير