بسم الله الرحمن الرحيم
السلام عليكم و رحمة الله و بركاته

زي ما عنوان الموضوع بيوضح بتستخدم تيل فرامل نوعه ايه لعربيتك السوزوكي ؟

1 - سوزوكي الأصلي
2 - fbk الماليزي
3 - ليتل الهندي
4 - صيني او تيواني
5 - نوع اخر


يا ريت كل واحد يدخل يصوت في الاستطلاع و يكتب في مشاركة
موديل عربيته و النوع اللي بيستخدمه
انطباعه عن التيل و بيقعد اد ايه مع ذكر طريقة سواقته
و بيجيب التيل منين و بكام



و هبدأ بنفسي

سوزوكي التو 2008

النوع اللي بستخدمه هو fbk الماليزي

بصراحة تيل محترم و ما شاء الله بيعيش فترة طويلة تترواح بين 15-20 الف ك و سواقتي ع حسب بس اوقات كتيير بدوس فرامل بعنف بسبب البشوات اللي ماشيين فاكرين نفسهم في كوكب لوحدهم
لكن قبل كده التيل ما شاء الله دخل في 30 الف ك و رجلي كانت خفيفة ع الفرامل و غيرته لما زهقت منه D: عشان التصفير و كانت فيه مشكلة ان واحد اتاكل اكتر من الباقيين بسبب مشكلة بسيطة بالرغم ان باقي الـ3 لسه حالتهم تكمل حوالي 5000 ك ع الاقل
يعيب التيل حاجة واحدة انه بينزل بودرة و طبعا منظر الجنط بيبقي عار من البودرة لكن طبعا حنين ع الطنابير

بجيب التيل من محل عصام فراج في ميدان ابن الحكم و سعره 60 ج

و ده تقرير كنت عاملة قبل كده عن التيل
http://www.nilemotors.net/Nile/276409-a.html


طبعا الناس هتقولي ليه مجربتش تيل سوزوكي الاصلي ديه الخطة الخمسية الجاية ان شاء الله بفكر انزل اجيبه و خاصة ان الفبريكة ما شاء الله دخل في 40 الف و معانا عضو اتخدمه و بيشكر فيه جدااااا
و السبب اني مكنتش بجيبه ان عشان انزل الدقي اجيب من منفذ بيع قطع غيار التوكيل ديه قصة لوحدها فكنت بكسل


في انتظار تصويتكم يا شباب
عشان نقدر نوصل لأفضل تيول للجميع