الموضوع: استفسار من مهندسين الكهرباء في المنتدي

اخى العزيز

انا ح اقولك نصايح من عندى و شوف بقى بعد كده رأيك فيها ايه

1- انا عامل عندى موضوع البطارية و الانفنتر و التونجر ده و لما النور بيروح بشغل عليه النور و المراوح عادى و زى الفل و اكتر وقت استخدمته فيه حوالى ساعتين و لما النور جه لقيت انى استهلكت حوالى نص البطارية و شحنتها تانى انا جايب انفنتر 1 ك وات و بطارية كلوريد 70 امبير و ده انت ممكن تستخدمه فى الانوار و المراوح بس

2- نيجى بقى لموضوع الكبوريسور بتاع الهوا انت ممكن تجيب اسطوانة هوا عاملة كده زى الخزان بتاع الكمبريسور بس اكبر او زى انبوبة البوتجاز بس اكبر برضه و الفكرة بتاعتها انك بتوصلها زى فكرة الخزان بتاع الكومبريسور و تخزن الهوا المضغوط فيها و ممكن تستخدمه لحد ما النور ما يجى يعنى ممكن بمنتهى البساطة تيجى قبل ميعاد العيادة تشغل الكومبيرسور و تملى الخزان و تسحب منه طول الوقت سواء النور موجود او راح و ده لو جبت خزان بالحجم المناسب و ده ممكن حسابه مثلا انت عندك خزان 25 لتر و شوف الكومبيرسور بيفصل كام مرة و تضرب عدد المرات فى 25 ح يطلع ليه حجم الخزان المطلوب و الطريقة دى كمان ح توفر عليك صوت الكومبيرسور وقت الشغل

الحاجات اللى بقولك عليه تعتمد على تخزين الحاجات اللى انت محتاجها سواء كانت هواء مضغوط او كهربا و استخدامهم وقت الحاجة

تحياتى