استفسار من مهندسين الكهرباء في المنتدي
طبعا في ظل ظروف انقطاع التيار الكهربائي الجميله كنت بفكر اجيب مكنة كهربا في العياده عندي بس لقيت نوع صيني كده 12 كيلو يصفي 6 من الاخر يشغل كمبرسور الهوا اللي عندي تلت حصان و النور و اليفط و الكرسي و التكييف 1.5 و مروحتين بالاضافه الي اللاب و التلفزيونين و الريسيفرين و البرينتر
المشكله ان صوت المكنة زي الرعد مينفعش تتحط في الشقه و ما عنديش بلكونات
واحد كهربائي قاللي كان عامل فكرة في بيته
\بطاريه عربيه امبير عالي
و تونجر شحن للبطاريه
و انفرتر بيحول ال 12 فولت ل 220 قدرة عاليه
طبعا انا سالت في السوق لقيت اقصي انفرتر كيلو ونص و ده مستحيل
قالولي الانفرتر ممكن يتعمل بالقدرة اللي انت عاوزها بس تجيب قلب الدايرة اللي بتقطع التيار و قلب المحول بيتباع و السلك النحاس بيتباع و تعمل انفرتر
الفكرة اللي انا مش مستوعبها ازاي الانفرتر بياخد ال 12 فولت بشده تيار 90 امبير و يحولها ل 220 بقدر 6 او 8 كيلو مش داخله دماغي
و النقطه التانيه الدايرة بتاعه تقطيع التيار دي فعلا بتتباع في المنصورة زي ما اتقاللي على اعتبار اني من دمياط
و النقطة التالته المفروض البطاريه ال90 امبير مكتوب عليها دي سي 130 دقيقه يعني ساعتين و 10 دقايق مش عارف ازاي الكهربائي بيقوللي انوا كان مشغل سخان و تلفزيون و دش و نور البيت و التلاجه و الغساله عليها لمده 8 ساعات و بيقول ان البطاريه كانت سائله و 60 امبير و مستعمله كمان
مش فاهم بالظبط دي اشتغاله ولا ايه
افيدوني افادكم الله