الموضوع: استيكر نايل موتورز مين حيدفع مخالفته؟؟؟؟؟؟؟

السلام عليكم ورحمه الله وبركاته
انا اشتركت معاكم في المنتدي ده من شهر يناير ومن قبل حتي ما اجيب عربيه من اساسه وبدات ادخل بصفه مستمره من كام يوم
وبصراحه عاوز اقولكم اني بدات اسيب المنتديات الخاصه بشغلي (سوفت وير للتليفون المحمول ) وبقيت بدخل هنا علطول ومشاء الله عليكم وعلي مجهوداتكم الجميله
بس كنت عاوز اشتري الاستيكر الخاص بالمنتدي وعاوز توضيح في حاجه
المخالفه اللي حتتاخد بسبب الاستيكر مين حيدفعها
1: عضو المنتدي بسبب حرصه علي اظهار حقيقته
2: حنعمل صندوق اعانه امتضرري القانون مع الاستيكر
3: حنغير تصميم الاستيكر بما ستناسب مع قوانين المرور
4: ولا نعمل كلمه سر زي الجواسيس علشان نعرف بعض علي الطريق
5: او نعمل تيشيرتات او كابات نايل موتورز بس برضه فيه مشكله لو انا رايح فرح حلبس الكاب علي البدله ازاي
طبعا يا ريت محدش يزعل مني انا عرضت الموضوع بنوع من التهريج بس يا ريت يكون فعلا فيه حل للموضوع ده من قبل اداره المنتدي الكريمه

مع خالص احترامي وتقديري للمنتدي ولكل اعضائه

المشاركة الأصلية كتبت بواسطة Dr Ahmed

كريم منير هو اللى هيدفع المخالفة طبعا وجايز يستلف من محمود حفناوى

وبخصوص لو الاستيكر معرفناش نستخدمه للتعارف ممكن نتفق على علامة مميزة ثابتة فى العربيات مثلا : نقطة بيضة على الكاوتش اليمين ،ظلطة فى الكاوتش الشمال ، ورقة شجر تحت المساحة ، فتلة مدلدلة من الاكصدام الخلفى ، وهكذا بحيث منتوهش عن بعض

وبخصوص كلمة السر: الأول يسأل: إنت شربت من النيل؟
التانى يجاوب: الحداية مبتحدفش كتاكيت

بجد يا دكتور احمد اوجزت وانجزت
وانا بحييك علي تفكيرك بس ليا اضافه صغيره
ممكن كريم بيك منير يعملنا حساب مصرفي في المرور من جيبه الخاص دعما امنتداه (نص مليون جنيه بس)
ولما ظابط يوقف حد مننا نطلعله كارنيه العضويه ذي العلامات المستحيله التزوير (دا حيتطبع بره مصر علي حساب كيرم بيه منير طبعا )
ونقوله الحساب عند كريم بيه يا حيوان ونعمل فيه اللي يقدرنا عليه ربنا من قله ادب وشتيمه وممكن كمان ندغدغله الموتوسيكل بتاعه ونقطعله البدله الميري
دا احنا تبع كريم بيه منير ونربطه في العربيه ونسحله علي الاسفلت علشان يبقي عبره لمن يعتبر ممن تسول لهم نفسهم من انهم يعترضوا طريق اتباع كريم بيه منير (ماهو كله علي حسابه )
ثانيا
ممكن نعمل اشارات سمعيه او بصريه بدل كلمه السر او تكون للتعارف من بعيد زي اننا مثلا
نشغل اغنيه واطيه بيئه زباله في الكاسيت طول النهار والليل واحنا ماشيين زي (عملت كل الذنوب وقلبي كان قاسي -التوء التوء التوء حبيبي كله بق التدن التدن التدن حبيبي عنده ودن )ودي حتخلينا نعرف بعض حتي لو مش شايفين بعض علي الطريق
او ممكن وسائل بصريه (تحط ربطه توم -ربطه بصل ) وكده حنشوف ونشم ونستمتع بريحه بعض
وييجي بعد كل ده كلمه السر علشان تتاكد تمام التاكد انه عضو نايل موتورز
ومستني اقتراحاتكم
وتدخل كريم بيك منير لحل الموضوع والموافقه علي كل ما زكر في هذا الموضوع