عربيات مش محبوبة....انت بتحبها

**dr_abooody** · 04-08-2008 12:13 PM

بحب الهوندا سيفيك موديل 95 بالذات جدا جدا و بفكر جديا اشتري واحدة استعمال نضيف

العربية دة اي حاجة بتحطها فيها بيبان عليها القيمة بجد

تجيب 4 جنوط من اللي بيلمعوا كروم يعني
و تغير الفوانين اللي ورا بكريستالية
و تجيب اكصدام عريض من ادام اسبور فية شبكة
تتجيب دواير في الكشاف الامامي زي بتاعة ال بي ام و تركب لمبتين من اللي بينوروا ابيض مش زينزن عشان التكاليف
وكدا حصلت على عربية تحففففففة اويي

بصراحة انا بستظرف شكلها عن اي موديل هوندا تاني

**Defender** · 13-08-2008 09:11 AM

انا اكتر عربيه عجباني استون مارتن ان شاءالله اجبها اذا سفرت في دول اوربيه وربنا اكرمني بالمال الحلال

**SaLM!Na** · 14-08-2008 01:11 AM

انا بعشق حاجة اسمها بيجو بكل موديلاتها
بس 206 بالذات لدرجة اني بقص الصور بتاعتها من الجرنال و الزقها على الحيطة في الاوضة عندي
شفتو عشق اكتر من كده؟؟

**MomoMedo** · 14-08-2008 01:44 AM

جراند بونتو

**Noha.M** · 14-08-2008 01:54 AM

الماتيريا

مع ان كتيييييييييير قافشين عليها بس بموت فيها و المشكلة ان لاعبة فى دماغى اوى ابدل مع اى حد معاه ماتيريا لكن المشكلة ان كل اللى جابوها بيختفوا فى ظروف غامضة و كمااان مش بيقولو مثلا عيوبها او مميزتها فلحد دلوقتى مش فاهملها حلوة ولا وحشة

بس زى ما بيقولو مراية الحب عامية و انا بحبها و خلاص :)

**limo** · 14-08-2008 02:07 AM

الرومستر
بجد العربيه ده جميله جدا اولا وواسعه جدا من جوه شكلها شيك جدا وسعرها حلو برضو

انا كنت رايح توكيل سكودا علشان كنت بفكر اجيب اوكتافيا مندوب المبيعات قالى انهم معندهوش اوكتافيا دلوقتى واخذنى اتفرج على الرومستر بجد انا لاول وهله قولت ايه التابوت الى رايح اتفرج عليه ده؟
بس لما اعدت جواها واعدت اتفرج عليها من بره تانى حسيت انها عربيه جميله جدا لدرجه انى كان طالع فى دماغى انى اخلص فيها
بس للاسف لما دققت عليها فى الشارع لقيتها قليله جدا يمكن الى شوفتوا منها فى حياتى عربيتين فى الشارع بس
بس هيه عربيبه محترمه للاسف ملهاش خظ فى مصر ومش عارف ايه السبب

تانى عربيه هيه الرينو كليو 2007 2008
على فكره انا معايا ال2003 منها بجد عربيه تحفه
بس انا هتكلم عن ال2007 و 2008
اولا فى ممييزات كتير جدا مش موجوده فى عربيات الفئه بتاعتها الى همه (لانوس - فرنا )
متور فرنساوى ناعم جدا -سحب تحفه - تكيف رائع -تجميع تركى نظيف جدا -اير باج - امكانيه عدم دوران المحرك الا بالمفتاح الاصلى للسياره -ثبات ممتاز وطبعا العربيه جميع الكماليات -شنطه واسعه جدا بس على حساب الكنبه -استهلاك بنزين ممتاز
يمكن قطع غيارها غاليه شويه بس هيه ركوبه تستاهل فلوسها .

**hazem_khidr** · 14-08-2008 05:37 AM

الكورولا 98 (عيون)
الناس مش عاجبها شكلها بس شكلها بيعجبني جدا و الفوانيس الدائريه شكلها عصري.
البيجو 404
برضه ما بتعجبش ناس كتير بس من التصاميم اللي عاجباني اوي و يمكن اكتر من ال 504 كمان كشكل!!

**MOHAMED ABD EL SHAFY** · 14-08-2008 02:01 PM

الوميستر عربية جميلة اوى
شفتها فى معرض سيارات من عامين تقريبا اول مانزلت وكانت قنبلة
بصيت على تارة الدركسيون اتوهمت من شكلة التحفة ومن الخامات المتكلفة اوى
التابلوة رائع والشكل الخارجى جديد جدا ومبتكر
شنطة لا تفكر فى كمية الاشياء اللى ممكن تشيلها فيها واسععععععة اوى
تابلو تحفة وخامات راقيه جدا وبلاستيمكات وفيبرات عالية الجودة وخامات عالية الدقة والتقفيل
بس بصراحة الواحد يخاف يجازف ويمشى بيها فى مصر مش هيقدر يستحمل عليها خربوش او خبطة

**todolist** · 03-09-2008 08:53 PM

الماتيريا سيارة رائعة

**hotboja** · 03-09-2008 09:17 PM

بحب قوى البيتلز الجديدة ومش على شان تامر حسنى غنلها عنية بتحبك فا حبتة لا بحبة من اول لم شوفتة وهى على الطريق بحس انة ست العربيات

http://www.autoclub.com.au/uploaded_...007-717470.jpg

http://www.autoclub.com.au/uploaded_...007-764063.jpg

الموضوع: عربيات مش محبوبة....انت بتحبها

LinkBack

أدوات الموضوع

عرض

-

-

-

-

-

-

المواضيع المتشابهه

كيا سول معدله فى 8 فيديوهات , بتحبها معدله ولا بالشكل الأصلى ؟

ترضى تتجوز انسانه بتحبها وحماتك طبعها وحش اوي ؟؟

. . . تقرير صيانة محبوبة 20000 كيلو . . .

ا ب عربيات

ايه أكتر حاجه بتحبها فى عربيتك

الكلمات الدلالية لهذا الموضوع

المفضلات

المفضلات

ضوابط المشاركة