عربيات مش محبوبة....انت بتحبها

**shery103** · 03-09-2008 09:17 PM

الماتيريا ، لو شفت واحدة فى الشارع حتى لو انا سايقة ، رقبتى بتلف وراها اوتوماتيك

بجد العربية دى معرفش انا ليه بحبها كده ، و ناس كتير اوى لما اقولهم كده يقولولى ان شكلها وحش اوى بس انا بشوف شكلها تحفففففففففففففة ، نفسى اجيب واحدة

**mokhtar** · 03-09-2008 09:48 PM

حبيبه قلبى شيفروليه كابريس كلاسيك موديل85 موتور5700 CC عربيه جباره بكل معنى الكلمه بشوف فيها الشموخ والعظمه والقوه والغطرسه الامريكيه ..موتور جبار بمجرد لمسه للبنزين تبقى فى المريخ دى العربيه اللى بتمناها مع انها مش غاليه بس عايزه بنزينه ليها لوحدها ودى صورها

..mokhtar..

**mtema99** · 13-09-2008 01:56 PM

daihatsu materia
toyota XA
toyota XD

**magomago** · 13-09-2008 05:28 PM

الرينوووووووووووووووووووو ووووو

شوفو كام رد ومحدش جاب سيرتها

انا بعشق الرينو وخطوطها وتصميمها
والله كل موديل عبارة عن تحفة فنية

**MoToRiZeR** · 13-09-2008 05:32 PM

الماتيريا و الفورد كا و الرانجلر

**magdy_momo** · 13-09-2008 05:57 PM

يا جماعه الكيا شوما مظلومة جدا مع انها تحفه فنيه

**limo** · 13-09-2008 06:32 PM

المشاركة الأصلية كتبت بواسطة magomago

الرينوووووووووووووووووووو ووووو

شوفو كام رد ومحدش جاب سيرتها

انا بعشق الرينو وخطوطها وتصميمها
والله كل موديل عبارة عن تحفة فنية

ليه يا باشا منا جايب سيرتها اهو :)

المشاركة الأصلية كتبت بواسطة limo

الرومستر
بجد العربيه ده جميله جدا اولا وواسعه جدا من جوه شكلها شيك جدا وسعرها حلو برضو

انا كنت رايح توكيل سكودا علشان كنت بفكر اجيب اوكتافيا مندوب المبيعات قالى انهم معندهوش اوكتافيا دلوقتى واخذنى اتفرج على الرومستر بجد انا لاول وهله قولت ايه التابوت الى رايح اتفرج عليه ده؟
بس لما اعدت جواها واعدت اتفرج عليها من بره تانى حسيت انها عربيه جميله جدا لدرجه انى كان طالع فى دماغى انى اخلص فيها
بس للاسف لما دققت عليها فى الشارع لقيتها قليله جدا يمكن الى شوفتوا منها فى حياتى عربيتين فى الشارع بس
بس هيه عربيبه محترمه للاسف ملهاش خظ فى مصر ومش عارف ايه السبب

تانى عربيه هيه الرينو كليو 2007 2008
على فكره انا معايا ال2003 منها بجد عربيه تحفه
بس انا هتكلم عن ال2007 و 2008
اولا فى ممييزات كتير جدا مش موجوده فى عربيات الفئه بتاعتها الى همه (لانوس - فرنا )
متور فرنساوى ناعم جدا -سحب تحفه - تكيف رائع -تجميع تركى نظيف جدا -اير باج - امكانيه عدم دوران المحرك الا بالمفتاح الاصلى للسياره -ثبات ممتاز وطبعا العربيه جميع الكماليات -شنطه واسعه جدا بس على حساب الكنبه -استهلاك بنزين ممتاز
يمكن قطع غيارها غاليه شويه بس هيه ركوبه تستاهل فلوسها .

**fahd_628** · 13-09-2008 06:40 PM

الرينو ميجان ( ناس كتيير بيقعدو يطلعو فيها عيوب مع انها والله مفيهاش حاجة )
الجيب رانجلر و بالزات موديل 2006 Rubicon لأن فيها فتيس غرز بنسبة تخفيض 4:1 و Diff lock طبعا عربية جبارة نفسى اجيب واحدة و اطلع بيها سفارى او فى غابة بس مش اى رانجلر رانجلر 2006 Rubicon

**MoToRiZeR** · 13-09-2008 06:44 PM

المشاركة الأصلية كتبت بواسطة fahd_628

الرينو ميجان ( ناس كتيير بيقعدو يطلعو فيها عيوب مع انها والله مفيهاش حاجة )
الجيب رانجلر و بالزات موديل 2006 Rubicon لأن فيها فتيس غرز بنسبة تخفيض 4:1 و Diff lock طبعا عربية جبارة نفسى اجيب واحدة و اطلع بيها سفارى او فى غابة بس مش اى رانجلر رانجلر 2006 Rubicon

فهد باشا .. أحييك علي حبك للرانجلر انا بحبها برضه

انا كنت هموت و أجيب رانجلر و أزبطها بس الوالد قاللي يبني إيه اللي هتجيبه ده

و الحمد لله إني مجبتهاش لأني كنت بخلص في واحدة 3800 سي سي قبل ما البنزين يغلي واحد صاحبي وقعلي عليها

اسيبك مع الرانجلر

**mohamed_mohsen** · 13-09-2008 06:45 PM

بعشق الجين 2 بصراحه كل ما اشوفها في الشارع اقعد اتفرج عليها و ابص علي التابلوه بتاعها
بعشق العربيه دي جدا مع ان في ناس كتير مابتحبهاش معرفش ليه

الموضوع: عربيات مش محبوبة....انت بتحبها

LinkBack

أدوات الموضوع

عرض

-

-

-

-

-

المواضيع المتشابهه

كيا سول معدله فى 8 فيديوهات , بتحبها معدله ولا بالشكل الأصلى ؟

ترضى تتجوز انسانه بتحبها وحماتك طبعها وحش اوي ؟؟

. . . تقرير صيانة محبوبة 20000 كيلو . . .

ا ب عربيات

ايه أكتر حاجه بتحبها فى عربيتك

الكلمات الدلالية لهذا الموضوع

المفضلات

المفضلات

ضوابط المشاركة