قدر الله وما شاء فعل.. انا لسة جايب العربية زيرو مش عارف لسة حاجة عن قطع الغيار هل البلاستيكية الشفافة بتاعت اشارة المراية الجابية بتباع لوحدها؟ موتسيكل ربنا يسامحة كسرهالي
عرض للطباعة
قدر الله وما شاء فعل.. انا لسة جايب العربية زيرو مش عارف لسة حاجة عن قطع الغيار هل البلاستيكية الشفافة بتاعت اشارة المراية الجابية بتباع لوحدها؟ موتسيكل ربنا يسامحة كسرهالي
السلام عليكم
قدر الله وما شاء فعل، وربنا يعوضك خير.
خلي بالك، واحدة واحدة مع العربية لحد ما تتصاحب عليها، وتحفظ أبعادها.
بص يا سيدي مش عارف إذا كانت الغطاء الخارجي بما فيه الإشارة (Cover) للمرآة الجانبية يُباع على نحو منفصل ولا لأ.
على العموم، المرآة الجانبية كلها على بعضها في التوكيل برقم خزعبلي 1300 جنيه تقريبًا أو أكتر شوية!
هتلاقيها عن محل مكة في شارع دمشق بمصر الجديدة، وسعرها 550 جنيه، ولا أعلم: هل أصلية أم لا؟
وربنا ييسر الحال، وتلاقي الغلاف الخارجي، ولا تحتاج إلى شراء المرآة بأكملها.
في واحد عندنا في اسكندرية قريب من محطة مصر فشارع ازيس اسمه خيري متخصص انه يصنعلك فواانيس حتى لو مش موجودة اي فانوس اي حتة باغة مكسورة فيه اي شرخ ففناوس
ربنا يحفظهالك ويباركلك فيها
بس رأيى سيبها كده شويه - يعنى عشان العين
يا باشا منصحكش تجيب غبر الاصليه رغم غلوها المبالغ فيه انا حصل معايا نفس المشكله من شهرين واستغليت الاصليه وجبت التقليد من محل مكه ب 550 ج ولكنها مختلفه كل الاختلاف عن الاصليه من حيث زاويه الفتح والرؤيه وحتى صوت الموتور عالى قوى أما مساله اللون دى سهله ممكن تعملهم الاثنين كربون مش هيبانو وهيبقى شكلهم كويس