عرض للطباعة
السلام عليكم.
نحن جروب Alexandria Scooter Riders Club - ASRC و نقوم بتشجيع الناس على استخدام الاسكوتر في حياتنا اليومية لتخفيف الزحام و توفير استهلاك الوقود و الوقت
اعتقد الصورة التالية توصح رسالتنا:
http://nileup.com/up/uploads/nilemotors_13626008041.png
و دي صفجة الجروب برجاء Like and Share لنشر ثقافة الاسكوتر
http://www.facebook.com/#!/Alexscooters
فكرة جبارة بس مش شرط اسكوتر يعنى
هو بصراحة عملى أكتر من الموتوسيكل وبيحمى الرجلين من الهواء أكتر لكن مش شبابى خالص و شكله بايخ بالنسبة لى
يعنى الموتسكل والسكوتر والفسبا يبقى حل متكامل عشان اللى ميعجبوش دا يركب دا
وأخص بالذكر ست الكل العجلة بتاعتى مفيش أمتع من أنك تجيب عجلة سوستة وتروح بيها مشاويرك بلا عربيات بلا موتسكلات بلا بايكات بلا سكوترات :)
بالنسبة للشكل طبعا دي ازواق بس شكل الاسكوتر مش ثابت يعني في اكتر من شكل و ماركة و سعة لتريةاقتباس:
المشاركة الأصلية كتبت بواسطة MohammedAladel
الموتسكل مش عملي خالص, انا بتكلم على الموتسكلات الياباني سواء race او custom هتواجة مشكلة الحجم و الحراره ده غير الاسعار العالية
الاسكوترز اسعارها تبدأ من 6500 جنية حتى 96000 جنية
العجلة طبعا جميلة بس صعب تبقى daily use عشان مرهقة و الكرسي غير مريح و لازم مشوار يكون قصير
انا بروح كل يوم بالأسكوتر بتاعي الشغل و ركنت العربية و بحط بنزين في الشهر اقل من 30 جنية و بروح اسرع يعني صفقة رابحة من كل المقايس
المشكلة الوحيده للأسكوتر (في مصر) الركنة و سواقين العربيات اللي مش مقتنعين ان لينا حق نمشي معاهم :breakpc2:
فكره عبقريه و الله... و موجوده فى دول كتير
ياريت تفاصيل اكتر عن الموضوع ده و خصوصا الأسعار و اماكن البيع و المواصفات
معلش سؤال كمان .... انا لما دخلت على الجروب لقيت الأسكوتر ده شبه الفيزبا و الموتوسيكلات ... هوا ايه الفرق بين السكوتر و الفيزبا او الموتوسيكل ؟
فكره ممتازه طبعا و هنبقى مجبرين عليها كلنا قريب اول ما الدعم يتشال على البنزين
يا ريت توضحلنا ايه خطوات الحصول على رخصه ليه الاسكوتر المعقول ( موتور يستحمل - ليه قطع غيار - بيشم بنزين - ليه ناس بتفهم فيه - صياناته قليله او سهله لو كتيره ) نوعه ايه و تمنه كام تقريبا
بالنسبة للأسعار فبيبدأ من 6500 جنية تقريبا لحد 96000 جنية (BMW)اقتباس:
المشاركة الأصلية كتبت بواسطة Mohamed.Fawzy
اماكن البيع معرفش اوي في القاهرة بس بدأ ينتشر و في جروب برضو في القاهرة لما اروح البيت هبعت اللينك عشان كعنديش facebook في الشغل.
الاسكوتر: موتور صغير نسبيا بيبدأ من 50 سي سي لحد 650 سي سي و وواحد سيلندر و اوتوماتيك (CVT) و دي الميزة المهمة فية.اقتباس:
المشاركة الأصلية كتبت بواسطة Mohamed.Fawzy
الفيسبا: دي ماركة اسكوترز (زي هوندا) بس قديمة فبقى الناس تسمس الاسكوتر فيسبا.
الموتسيكل: بيبقى مانيوال و شكلة مختلف و مابيبقاش واحد سلندر و يعتبر مش و سيلة مواصلات اوي نظرا لحجمة و انة بيسخن من الزحمة. طبعا الكلام ده على الموتسكلات الكبيرة مش الحاجات الصيني الموجوده دلوقتي.
و هل الاسكوتر يستحمل حد من الوزن التقيل +150 لانى جبت عجله سوست و يارتنى ما جبتها
متابع
الاسكوتر شبه الفيسبا بس على أحلى شوية فى الشكل
الموتسكل يعيبه سعره الغالى لى زيرو بس فيه حاجة زى الباجاج كويس نوعا ما وناس كتير بتشكر فيه
بس معتقدش انه هيبقى مريح زى السكوتر والفزبا عشان رجليك بتبقى جوا ومحمية بأكبر قدر من الهواء
العجلة السوستة العادية مش هتستحمل الوزن دا طبعا بس ممكن يكون فيه عجلة سوستة أوزان تقيلةاقتباس:
المشاركة الأصلية كتبت بواسطة algazar2
بالنسبة للسكوتر أعتقد أنه يستحمل طبعا
طب ما تظبطونا بشوية تقارير و اسعار و مواصفات
انا بصراحة لما دخلت القسم لقيت كمية المعلومات الموجودة قليلة اوي
انا حتى مؤخرا دخلت معرض في التجمع الخامس لقيت فيه ماركة اسمها zenen تقريبا , بكذا شكل , ولا اعرف عنها اي حاجة
المشكله مش فى السوسته خالص المشكله فى السرعات و الكرسى شويه مع انى لما جربتها كانت حلوه و مريحه و بتمشى كويس بس دلوقتى السرعات فيها حاجة غريبه جدا ( لما بتتحط على العربيه و امشى بسرعه لما اجى اسوقها بعد كده بيبقى الجنزير و السرعات بيعلقوا مش عارف ليه و الجنزير بيفكاقتباس:
المشاركة الأصلية كتبت بواسطة mohammedaladel
طبعا يستحمل بس هتحتاج اسكوتر سعه اعلى شوية من 150 سي سي يعني من 250 سي سي و انت طالع عشان تعرف تستمتع بية و يبقى مريح و سحبة كويساقتباس:
المشاركة الأصلية كتبت بواسطة AlGazar2
خطوات ترخيص الاسكوتر زي العربية السنة تقريبا ب 150 جنية + التأمين الاجبري 70 جنية تقريبا.اقتباس:
المشاركة الأصلية كتبت بواسطة AlGazar2
رخصة قيادة دراجة نارية: سهلة بس المشكلة في امتحان الكمبيوتر لكن السواقة بتاخد لفة قدام المهندس و دي سهلة.
موتور بيستحمل و معانا ناس عاملين اكتر من 20 الف كم بال SYM Fiddle 2 و وي الفل
قطع الغيار على حسب النوع يعني متجبيش نوع مش منتشر اكيد مش هتلاقيلو حاجة لكن نوع منتشر و لية مستورد محترم بيبقى الموضوع سهل و قطع الغيار بتبقى رخيصة.
استهلاك بنزين ولا في الاحلام :)
في ميكنيكية بيشتغلو فية كتير و هو اساسا سهل الصيانة و مش مكلفة.
الانواع كتير بس اشهرهم SYM Fiddle 2 و ده صيني بس محترم اوي ب 7000 جنية تقريبا في القاهرة عندنا في اسكندرية 6500 جنية
في انواع تانية و اسعار مختلفة على حسب الميزانية.
تامر باشا انا عامل تقريرين بالأسكوترت بتاعتي لكن في ناس جابت و معملتش تقاريراقتباس:
المشاركة الأصلية كتبت بواسطة تامر.محمد
http://www.nilemotors.net/Nile/29183...lux-150cc.html
الموضوع ده داخل دماغي بقاله فترة...و شوفت امبارح الTGB 150cc عجبني جداً...كان عامل 13500 زيرو
قلقي الوحيد و محدش يتريق عليا اني بخاف من سرقته..أعتقد مافيش أسهل من ان واحد يجي بعربية ربع نقل و يرفعه عليها و يجري...ايه اللي يضمن انه مايسرقش؟
اقتباس:
المشاركة الأصلية كتبت بواسطة nadernabil
tgb محترم جدا و خصوصا ال 300 سي سي حاو اوي و أ/شريف عبد العزيز محترم و متعاون جداااا
مفيش حاجة تضمن عدم السرقة, عشان كده كنت بقول ده عيبة الوحيد لازم يكون عندك جراج و المكان اللي رايحة يكون في جراج او أمن
في اجهزه انذار كويسة كمان دلوقتي و فوق كل ده ربنا هو الحافظ
طبعا ياجماعة اهم حاجة السيفتي على الاقل خوذه و جونتي محترمين (مش الخوذه اللي ب 35 جنية بتاعت الديلفري)
انا قريت التقرير بتاع حضرتك فعلا و عجبني اوي , بس مافيش غيره , حتى الناس بتتكلم على الموديلات و بابقى مش عارف ده شكله ايه :))))))))))))))اقتباس:
المشاركة الأصلية كتبت بواسطة MohssenRashed
و ماشفتش اللوكس دي في القاهرة خالص
و فيه الtgb ال300 عامل 24 الفاقتباس:
المشاركة الأصلية كتبت بواسطة NaderNabil
و فيه ماركة اسمها زينين كنت لسه باتكلم عليها , ال250 (نفس شكل التي جي بي ال300 بالظبط) عامل 17 الف
دى مشاكل بسيطة ... الجنزير لو بيفلت وتحس بطقة كدا والحمل يخف من عل رجلك مرة واحدة دا ممكن يكون الميكانيزم الخلفى بتاع التروس من جوا ابتدى يبوظ لأن هو نظام بنزاقتباس:
المشاركة الأصلية كتبت بواسطة AlGazar2
لو قصدك ان الجنزير بيتقطع دى سهلة برضه شوف مكان القطع واعمله بيبقى نظام برشام
لو السرعات بتعلق فى ايدك من فوق فيه اكتر من احتمال
السلك مش مش مشدود كويس
البكرة او الدراع اللى بتغير منه التروس ابتدى يبوظ أو بايظ
المكنة اللى ورا اللى بتنقل التروس او اللى قدام بايظة وياريت تستعمل معاها wd40
بالنسبة للسوستة العجلة مبتستحملش حد تقيل فعلا
أنا كنت باخد ناس قدامى اصحابى ههههههه
وف مرة واحد خدها منى ( الله يرحمه) جابهالى السوستة هرشت بيبقى ليها بكرة بتلف عل قلاووظ القلاووظ دا بيتهرى مع التحميل عليه ومن خلال البكرة دى بتفكها شوية أو تربطها شوية عشان تتحكم فى قوة رد فعل السوستة ( يعن تخلى العفشة ناشفة أو طرية )
العجلة حاليا أنا مفككها بالمسمار وحاططها فى أكياس والكاوتش باظ والجنوط صدت بس عايز أصلحها لأن ليها معايا أجمل ذكريات
عملت بيها حادثة قبل كدا الفورش الأمامى اتعوج لورا محدش عرف يعمله رحت لواحد مزارع عندنا عنده مكنة بتسخن جامد سخن الفورش وعدله
بس مرجعش زى الأول لو سبت الدركسيون ( قصدى الجادون هههه ) العجلة بتحدف شمال
مش عارف مين يقدر يضبطهولى ؟ ( أروح لحد بتاع ضبط زوايا ؟ )
ممكن تغيرلها الفورش ده خالصاقتباس:
المشاركة الأصلية كتبت بواسطة mohammedaladel
هيه العجله عندى لسه جديده جبتها فى العيد الى فات و جربتها مرتين تلاته
ساعات بتبقى حلوه جدا بس لو لعبت فى السرعات يبتدى الهطل و التقل و الاصوات و احس انى هكسر العجله برجلى - فى الصيف ان شاء الله يا انا يا هيه فى الموضوع ده مش جايبها اركنها انا بس فعلا مفيده جدا و حلوه
كان عندى واحده زمان لسه موجوده بس بقت تقيله جدا و مش مظبطه حتى بعد ما صلحتها و غيرت فيها حاجات قد كده فيها حاجات مش مظبطه بس كانت هندى تقريبا و كفاءه
عملت بيها حادثه مره نزلت تحت عربيه نقل و داست على الطاسه بتاعتها - اتشرخ فيها حته و فضلت شغاله فتره لغايه ما غيرت الطاسه كلها و الكاوتش بتاعها فى فرده من الاصلى الى جايه بيه لسه موجوده ما اتخرمتش حتى
أنا عملت الحادثة بيها بعد ما اشترتها باسبوع كانت عجلة مزة قوى بصراحة :)
الجنط برضه عندى اتعوج كنت فى 2 اعدادى مقدرش أوصف لك البكاء اللى بكيته كنت ماشى وسط الزرارعة وبحككى أنا وابن عمى هو راكب عجلة وأنا راكب عجلتى وأنا باصص عليه وماشى فى نص الطريق فجأة لقيت نفسى لابس فى عربية شيفورليه دبابة هو كان وقف وأنا دخلت فيه
تخيل انت الموقف وبرغم ذلك بهدلته ووقال لى أصلحهالك وشغل بقى وأنا أعيط ورجعت بيها جاررها البيت كنت منهار جدا بصراحة
الفرش دا بتاع عجلة سوستة االلى هو الجزء الحديد اللى فوق
بس انا عايز أستعدله بس يبقى بالمللى ممكن أعمله فين ؟
أنا ملقتش فرش جديد ليها للأسف أو حتى مستعمل
ممكن ألاقيه فين وبكام
أنا بإذن الله لازم أصلحها دى حتة منى :)
أنا بفكها حتة حتة
وأعطال العجلة مهما كان سهلة مش زى العربية التهمة دى
الموضوع قلب بعجل :Ka_che1[1]: يلا مش مهم اهو اي حاجة غير العربيات و الزحمة.
بالنسبة ليا العجل شيء مستحيييييييييل عشان الكرسي مع ان عندي عجلة بس راكنة دلوقتي.