شيفوروليه افيو متعه القياده والراحه وقمه الشياكه (رأيى الشخصى)

**احمد عز** · 07-08-2008 12:32 AM

يا eng / AhmeD باشا انا فولت العربيه اول ما اول ما استلمتها وكان العداد عامل 25 كيلو متر وخدت 40 لتر والمؤشر وصل عند الشرطه الاولى عند330 كيلو متر فمش عارف كده كويس ولى ايه اما باتلنسبه للثبات انا حقلك بس لمى اعدى ال700 كيلو متر الاولى قريبا ان شاء الله
مستنى مزيد من الاسئله

**eng / AhmeD** · 07-08-2008 02:50 AM

ربنا يباركلك فيها و تعدي ال10000000 كيلو بيها
و هي بتحك في المطباط ولا لا و هي متحمله علي الاخر ؟
انت شاريها كاش ولا قسط؟؟

**mahamedaraby** · 07-08-2008 02:58 AM

ياريت بقى كده تقيم كامل بالصور فى كل جزء فى العربيه علشان يكون مرجع لكل اللى عايز يشترى الافيو

**احمد عز** · 07-08-2008 04:09 PM

صديقى eng / AhmeD وياريت تسمحلى نكون اصدقاء متشكر جدا
اما بالنسبه لموضوع المطباط ده والله اول مره اسوف عربيه جديده عمرها ما حكت فى المطباط المصريه انا كان معايا عربيه لادا موديل 2006 وجبتها على سمعتها على اساس انها حموله متستحمل والكلام الى كلانا عرفينه ده مافيش مطب مشيت من عليه الا وكانت بتحك فيه اما دى كنت راكب انا واخويا جنبى و4 اصحابنا فى الكنبه ومشينا على طريق المنصوريه لو تعرفه وطبعا الطريق ده مشهور بالمطباط وانا كنت ماشى فيه وخايف بس بسم الله ماشاء الله لا حك ولا تجريح من تحت ولا الهوى بس الى مضيقنى فيها الابشن يعنى انا شاريها فول اوبشن اولا الكاست شرايط مش CD ثانيا الزجاج الامامى فقط هو الى زجاج

**احمد عز** · 07-08-2008 04:11 PM

والله يا استاذ mahamedaraby انا كنت عاوز اعمل كده بس معرفتش ارفع الصور على الموقع لو تعرف الطريقه قلى وان شاء الله اظبط الموضوع

**mostafaghidan** · 07-08-2008 06:29 PM

الناس اللى اعرفهم وجايبيين افيو بيشتكو كتير من الصاج بتاعها انه خفيف وبيطبق بسرعة حتى من ابسط حاجة زى لو حد سند وتقل فى السندة شوية ممكن تفيدنا فى الموضوع دة والف مبروك

**eng / AhmeD** · 08-08-2008 02:24 AM

صديقى eng / AhmeD وياريت تسمحلى نكون اصدقاء متشكر جدا
اما بالنسبه لموضوع المطباط ده والله اول مره اسوف عربيه جديده عمرها ما حكت فى المطباط المصريه انا كان معايا عربيه لادا موديل 2006 وجبتها على سمعتها على اساس انها حموله متستحمل والكلام الى كلانا عرفينه ده مافيش مطب مشيت من عليه الا وكانت بتحك فيه اما دى كنت راكب انا واخويا جنبى و4 اصحابنا فى الكنبه ومشينا على طريق المنصوريه لو تعرفه وطبعا الطريق ده مشهور بالمطباط وانا كنت ماشى فيه وخايف بس بسم الله ماشاء الله لا حك ولا تجريح من تحت ولا الهوى بس الى مضيقنى فيها الابشن يعنى انا شاريها فول اوبشن اولا الكاست شرايط مش CD ثانيا الزجاج الامامى فقط هو الى زجاج

ياباشا انا اتشرف اني اكون صديقك
و موضوع الكماليات ده اعتبره نوع من العملية بدل ما تجيب كماليات كتير و تلاقيها مش شغالة كويس و هتقرفك
و بعدين في مقابل ان التابلوه شيك و العربية شيك و سمعتها كويسة

انا كنت عاوز اعمل كده بس معرفتش ارفع الصور على الموقع لو تعرف الطريقه قلى وان شاء الله اظبط الموضوع

انت ممكن ترفع الصور علي موقع www.0zz0.com
وتاخد نسخة للمنتديات و تحطها في المشاركة بتاعتك و الصورة هتظهر

**mohamed_88sk** · 08-08-2008 09:24 AM

بسم اللله ما شاء الله ربنا يباركلك فيها ويطرحلك فيها البركه وتسعى بيها في الخير دايما

ماتعرفش الأوتوماتك منها بكام ؟؟ في كوري أوتوماتك ؟؟ وبكام ؟؟

في منها خليجي ؟ يفرق عن اللي هنا ؟
معلش أسألتي كتر .

**احمد عز** · 08-08-2008 03:19 PM

المشاركة الأصلية كتبت بواسطة mohamed_88sk

بسم اللله ما شاء الله ربنا يباركلك فيها ويطرحلك فيها البركه وتسعى بيها في الخير دايما

ماتعرفش الأوتوماتك منها بكام ؟؟ في كوري أوتوماتك ؟؟ وبكام ؟؟

في منها خليجي ؟ يفرق عن اللي هنا ؟
معلش أسألتي كتر .

ربنا يخليك يا باشا
هى الافيو الاوتوماتك كلها كورى مافيش منها مصرى وسعرها 84000

وبعدين اسال كل الاسئله الى انت عاوزها احنا كلنا هنا اصدقاء فى منتدى واحد علشان كلنا نستفيد

**احمد عز** · 08-08-2008 03:23 PM

المشاركة الأصلية كتبت بواسطة mostafaghidan

الناس اللى اعرفهم وجايبيين افيو بيشتكو كتير من الصاج بتاعها انه خفيف وبيطبق بسرعة حتى من ابسط حاجة زى لو حد سند وتقل فى السندة شوية ممكن تفيدنا فى الموضوع دة والف مبروك

انا لحد دلوقتى مشفتش الموضوع ده انا نزلت اجرب الموضوع ده بعد ما شفت المشاركه بتعتك ملقتش الموضوع ده نهانى انا اعت على الشنطه والكابوت ومحصلت الكلام ده ممكن يكون الكلام ده فى الافيو القديمه انا سمعت انها كان فيها مشاكل كتير وعدلوها فى الشكل الجديد