موسو vs جالوبر

**Lord of the flies** · 06-03-2013 10:46 PM

السلام عليكم و رحمه الله و بركاته

يا شباب انا عاوز مساعده فى اختيار عربيه جيب ديزل اعتماديه و قطع غيارها متوفره و سهله التصليح و كبيره و استخدامى كله فى الطرق الممهده و ممكن احمل عليها فى الاوزان شويه و السعر فى حدود ال75000.

انا محتار بين:
1-الجالوبر 2500 تربو ديزل و دي المفروض موتور باجيرو.
2-الموسو 2900 ديزل و دى موتور مرسيدس .

المطلوب بقى ان اى حد اتعامل مع اى عربيه فيهم يدينى انطباعه الشامل الكامل عنها و شكرااااااااا

**chiko** · 17-03-2013 08:51 PM

الجالوبر افضل .. لكنه مشكلتها قطع غيارها .. لو ماتور بنزين ماشي قطع غياره موجوده ..لكن الديزل نادر .. و مشاكل ماتوره كتيره .. خصوصآ لان المكانيكيه في مصر معندهمش فكره بالعربيات ده .. الديزل مصمم للدول الاروبيه و تحديدآ فرنسا .. و منتشره هناك بكثره .. لكن عندنا في مصر اغلب اللي موجود منها بنزين و بيعتمد علي قطع غيار الباجيرو .. لو عايز نصيحتي خليك في تويوتا او ايسوزو تروبر .. علي فكره ان مسئول عن صيانة اكتر من 20 عربيه جالوبر بتاعت سفاره .. و بقولك الكلام ده عن معرفه

**Lord of the flies** · 18-03-2013 01:22 PM

انا متشكر لرد حضرتك يا استاذ شيكو بس انا اخرى 75 الف و التويوتا اغلى من كده و موديلات قديمه و التروبر مش موجود منها كتير مع الاسف وانا برضه مش عاوز اجيب امكانيات و مستعملهاش يعنى انا هعمل ايه بموتور بنزين 3000 سى سى او اكتر و انا معظم تحرقاتى مزنوق فى المرور جوه القاهره ومش بطلع اوف رود او الكلام ده انا كل احتياجى عربيه تستحمل السفر و ممكن من وقت للتانى احملها اوزان فقط لا غير

طب هى مش الجالوبر الديزل موتور باجيرو ديزل برضه؟ ولا الباجيرو القديم الى فى مصر بنزين و يا ريت لو حضرتك تدينى فكره عن مشاكلها المشهوره(كهرباء,انظمه تعليق,قطع غيار)؟
انا مستحيل افكر فى بنزين عشان الضريبه و رفع الدعم الى الحكومه ناويه تعمله.

**Lord of the flies** · 18-03-2013 01:33 PM

انا متشكر لرد حضرتك يا استاذ شيكو بس انا اخرى 75 الف و التويوتا اغلى من كده و موديلات قديمه و التروبر مش موجود منها كتير مع الاسف وانا برضه مش عاوز اجيب امكانيات و مستعملهاش يعنى انا هعمل ايه بموتور بنزين 3000 سى سى او اكتر و انا معظم تحرقاتى مزنوق فى المرور جوه القاهره ومش بطلع اوف رود او الكلام ده انا كل احتياجى عربيه تستحمل السفر و ممكن من وقت للتانى احملها اوزان فقط لا غير

طب هى مش الجالوبر الديزل موتور باجيرو ديزل برضه؟ ولا الباجيرو القديم الى فى مصر بنزين و يا ريت لو حضرتك تدينى فكره عن مشاكلها المشهوره(كهرباء,انظمه تعليق,قطع غيار)؟
انا مستحيل افكر فى بنزين عشان الضريبه و رفع الدعم الى الحكومه ناويه تعمله.

**chiko** · 18-03-2013 05:22 PM

هقول لحضرتك .. الجالوبر الديزل .. هي هي الباجيرو الديزل .. و الاتنين مشكلتهم واحده و هي قطع الغيار ... مش موجوده بكثره و سعرها مرتفع .. يعني لو حضرتك سالت عن قطعة غيار باجيرو بنزين و سالت عن نفس القطعه ديزل هتلقي فرق بشع في السعر و سهولة البحث عنها .. الديزل في مصر محصور في النص نقل و العربيات المكروباص و بسبب كثرتهم .. بقت قطع غيارهم متوفر .. انا عارف ان حضرتك مش عايز تشتري قديم .. لكن انا كا واحد مبيركبش غير جيب .. راكب تروبر 85 .. و مش ممكن افرض فيها .. و للعلم ناس كتير عايزه تدخلها في تروبر اواخر التسعين .. لكن انا رافض ..و هقول لحضرتك ليه .. انا لما اركب عربيه بعمل حساب حاجات معينه .. قطع الغيار و سعرها و مدي تحمل السياره لشوارع بلدنا الجميله .. انا لو ركبت تروبر تسعينات .. هركب عربيهتحفه تفوق عن عربيتي الف مره في الرفاهيه و الامكانيات و الشكل العام .. لكن قصاد اول مشكله .. و هنزل ادور علي قطع غيارها هكرهها .. لاني هتعب عشان القيها .. و لو ربنا كرمني هلقي سعرها نار .. يعني لو احتاجت طرومبة مايه .. هلقي نفسي دفعت تمن الضريبه السنوية لعربيه بنزين و يمكن اكتر .. هتي لحضرتك مثال .. انا لو نزلت اجيب ماتور لعربيتي .. جيبته بي 1600 بالتكيف و موديل احدث بي 10 سنين من موديل العربيه .. و بعدها لما نزلت اجيب ماتور لي تروبر 95 جبناه بي 7000 ده بعد حرب و كفاح مع الراجل و السعر ده خدمه كمان ليا عشان ديمآ بتعامل معاه .. لو حضرتك لقيت عربيه موديل قديم لكن حالتها حلوه .. نصيحة اخ خدها .. و انا انصح بي باجيرو لحد 91 الماتور الصغير 2000 سي سي ضريبتها 210 ج و قطع غيارها حلوه و عربيه متقلش عن الحديث في حاجه و سعرها بحد اقصي 60 الف ده لو كانت ايه عربيه فوره مفهاش غلطه

**kokowasfy** · 20-03-2013 11:18 AM

السلام عليكم بس نصيحة لو انت طرقق عادية و غير ممهدة هات الموسو عربية ممتازة و قطع الغيار معمرة جدا احنا معنا الموسو 2007 واللة عربية ممتازة و التوكل فى كل قطع الغيار بكل انوعها و تكويل محمترم جدا بس الاسف العربية غالية عليك انت بتقول اخرك 75 لا العربية تعمل 120 الف دلوقت و نمصيحة بلاش الموسو الى تحت 2000 بجد هتندم

**Lord of the flies** · 24-03-2013 02:15 AM

المشاركة الأصلية كتبت بواسطة chiko

هقول لحضرتك .. الجالوبر الديزل .. هي هي الباجيرو الديزل .. و الاتنين مشكلتهم واحده و هي قطع الغيار ... مش موجوده بكثره و سعرها مرتفع .. يعني لو حضرتك سالت عن قطعة غيار باجيرو بنزين و سالت عن نفس القطعه ديزل هتلقي فرق بشع في السعر و سهولة البحث عنها .. الديزل في مصر محصور في النص نقل و العربيات المكروباص و بسبب كثرتهم .. بقت قطع غيارهم متوفر .. انا عارف ان حضرتك مش عايز تشتري قديم .. لكن انا كا واحد مبيركبش غير جيب .. راكب تروبر 85 .. و مش ممكن افرض فيها .. و للعلم ناس كتير عايزه تدخلها في تروبر اواخر التسعين .. لكن انا رافض ..و هقول لحضرتك ليه .. انا لما اركب عربيه بعمل حساب حاجات معينه .. قطع الغيار و سعرها و مدي تحمل السياره لشوارع بلدنا الجميله .. انا لو ركبت تروبر تسعينات .. هركب عربيهتحفه تفوق عن عربيتي الف مره في الرفاهيه و الامكانيات و الشكل العام .. لكن قصاد اول مشكله .. و هنزل ادور علي قطع غيارها هكرهها .. لاني هتعب عشان القيها .. و لو ربنا كرمني هلقي سعرها نار .. يعني لو احتاجت طرومبة مايه .. هلقي نفسي دفعت تمن الضريبه السنوية لعربيه بنزين و يمكن اكتر .. هتي لحضرتك مثال .. انا لو نزلت اجيب ماتور لعربيتي .. جيبته بي 1600 بالتكيف و موديل احدث بي 10 سنين من موديل العربيه .. و بعدها لما نزلت اجيب ماتور لي تروبر 95 جبناه بي 7000 ده بعد حرب و كفاح مع الراجل و السعر ده خدمه كمان ليا عشان ديمآ بتعامل معاه .. لو حضرتك لقيت عربيه موديل قديم لكن حالتها حلوه .. نصيحة اخ خدها .. و انا انصح بي باجيرو لحد 91 الماتور الصغير 2000 سي سي ضريبتها 210 ج و قطع غيارها حلوه و عربيه متقلش عن الحديث في حاجه و سعرها بحد اقصي 60 الف ده لو كانت ايه عربيه فوره مفهاش غلطه

رأى حضرتك فادنى جدا يا استاذ شيكو بس للاسف التروبر موديل 1985و الباجيرو 1991 و دول بالنسبه لى عربيات قديمه جدا و عاوزه اهتمام خاص و انا مش مستعد للمغامره دى فى المرواح للصنايعيه و اللف على قطع الغيار .

انا العربيه ممكن تتحرك مره واحده فى الاسبوع فى حدود ال50كيلو و تسافر مره فى الشهر و كل الطرق اسفلت فعاوز موديل قريب و كبير و طبعا على قد فلوسى و هنا بقى المعادله الصعبه.

**Lord of the flies** · 24-03-2013 02:19 AM

المشاركة الأصلية كتبت بواسطة kokowasfy

السلام عليكم بس نصيحة لو انت طرقق عادية و غير ممهدة هات الموسو عربية ممتازة و قطع الغيار معمرة جدا احنا معنا الموسو 2007 والله عربية ممتازة و التوكل فى كل قطع الغيار بكل انوعها و تكويل محمترم جدا بس الاسف العربية غالية عليك انت بتقول اخرك 75 لا العربية تعمل 120 الف دلوقت و نمصيحة بلاش الموسو الى تحت 2000 بجد هتندم

طب كويس ان حضرتك طمنتنى بخصوص العربيه و التوكيل و ياريت تقولى بلاش تحت ال2000 ليه دى ضريبتها هتكون بسيطه و العربيه نفسها 1995-2008 مفرقتش حاجه غير انها متقفله فى مصر.

**amirz** · 10-11-2013 10:56 AM

ارجو قبولي بالموضوع
انا عندي نفس المشكلة محتار برضه بين الجالوبر واللاند روفر التسعينات لان اسعارهم مناسبة لي بس مش عارف ايه نظام قطع الغيار وتواجدها واسعارها و كمان المواتير الديزل معنديش اي فكرة عنها

**amirz** · 19-11-2013 10:12 AM

المشاركة الأصلية كتبت بواسطة amirz

ارجو قبولي بالموضوع
انا عندي نفس المشكلة محتار برضه بين الجالوبر واللاند روفر التسعينات لان اسعارهم مناسبة لي بس مش عارف ايه نظام قطع الغيار وتواجدها واسعارها و كمان المواتير الديزل معنديش اي فكرة عنها

منتظر الرد