دائرة تحويل كهرباء 12 فولت من خلال بطاريةالسيارة الى 220 فولت 600وات

**A_H_M_A_D** · 07-03-2013 09:36 AM

طيب السؤال المهم , البطارية هاتتشحن ازاي ؟

انا اعرف ان بطارية العربية لو شغالة فترة من غير الموتور ما يدور الدينامو هاتنام و ممكن تنام متقومش :) , لكن في الحالة دي ايه اللي هايشحنها عشان تستحمل الحمل ده كله ؟؟

انا مش مهندس كهربا بس عايز افهم , البطارية في الحالة دي تستمر قد ايه؟

**Ahmed_selmy** · 08-03-2013 08:45 AM

المشاركة الأصلية كتبت بواسطة a_h_m_a_d

طيب السؤال المهم , البطارية هاتتشحن ازاي ؟

انا اعرف ان بطارية العربية لو شغالة فترة من غير الموتور ما يدور الدينامو هاتنام و ممكن تنام متقومش :) , لكن في الحالة دي ايه اللي هايشحنها عشان تستحمل الحمل ده كله ؟؟

انا مش مهندس كهربا بس عايز افهم , البطارية في الحالة دي تستمر قد ايه؟

هو لازم انك تشغل الدايرة والعربيه شغاله, مش وهى مطفيه, علشان زى محضرتك قولت لو مطفيه البطاريه حتنام.
هو المقصود من الدايره دى انك يكون عندك 220 فولت فى العربيه تقدر تشغل بيهم لاب توب مثلا , تحط شاحن فى العربيه مش لازم تجيب شاحن مخصوص يركب على مكان الولاعه....او تشغل اى حاجه 220 فولت بدل ما تجيبها مخصوص علشان تشتغل فى العربيه.

**velkouf** · 08-03-2013 11:52 AM

متابع

**dedi** · 08-03-2013 12:04 PM

انا كنت جايب بطارية تقريبا 70 امبير و هى بطارية كبيرة كانت تشتغل 15 الى 25 دقيقة على 4 لمبات 40 وات و بعد كدة تنام البطارية و طبعا الجهاز لما شوفتة من جوة عبارة عن نفس الدائرة و علية محول بلدى و مجموعة فيوزات و لكن كان بيسخن جداجدا لدرجة انى كنت مرات كتيرة اخاف من انفجارة و كنت حاطط جنبة طفاية كل 5 دقائق ابص علية يعنى موضوع موش عملى زى المولد
واحد قريبى كان بيقول لى انة شاف مولد صغير 400 جنية صغير بنزين اعتقد حاجة زى كدة سوف تكون عملية

**aboomar22** · 08-03-2013 01:26 PM

هى المشكلة ان مدة ال25 دقيقة مدة صغيرة لو كانت ساعة او اكثر كانت تبقى رائعة اما عن شحن البطارية كان فيه زميل هنا عامل فكرة شحنها بشاحن اللاب توب
http://www.nilemotors.net/Nile/99949...post3872095403

**MIVEC.A92** · 08-03-2013 01:48 PM

متابع عشان عايز اشغل برينتر في العربية

**aboomar22** · 08-03-2013 02:10 PM

المشاركة الأصلية كتبت بواسطة mivec.a92

متابع عشان عايز اشغل برينتر في العربية

لو على البرنتر فى العربية الامر سهل فيه انفيرار بيتباع فى باب اللوق النخيلى ومحلات كتير بتركب فى ولاعة العربية وبيخرج 220 فولت ممكن تشغل عليها برنتر او مروحة او ماشبة ذلك من الاجهزة الصغيرة

**MIVEC.A92** · 08-03-2013 03:12 PM

المشاركة الأصلية كتبت بواسطة aboomar22

لو على البرنتر فى العربية الامر سهل فيه انفيرار بيتباع فى باب اللوق النخيلى ومحلات كتير بتركب فى ولاعة العربية وبيخرج 220 فولت ممكن تشغل عليها برنتر او مروحة او ماشبة ذلك من الاجهزة الصغيرة

ايه الانفيرار ده يا باشا ممكن صورة ليه و سعره في حدود كام و ممكن الاقي منه في Radioshack ؟