سؤال عن مقاس كاوتش مازدا929 مو83 سيدان

**mazdawy** · 04-08-2008 12:15 AM

المقاس اللى فى العربية وشاريها بيه 14/70/185 وهو ناقص فى السوق والمقاس اللى مكتوب على القايم 14/195/70 وأنا شاكك فى المقاس دة ولا أعرف هل البيان اللى عا القايم نازلة بيه العربية أم وضعه صاحبها لتأكيد أن الباب فابريقة . السؤال هل التعديل فى مقاس الكاوتش لة مشاكل على الثبات أو أى شىء آخر فى آداء السيارة مع مراعاة أنه لاأحد من تجار الكاوتش أفادنى وأفضل من فيهم يقول هاتلها زى اللى راكب . وبريدجستون حتى سألتهم عن الكاوتش المناسب الأصلى للسيارة قال أنه لا يعرف وعلى أنا طلب المقاس الذى أريده .برجاء الرد سريعاً لأنى أريد تغيير الكاوتش ومتوقف على هذا الرد.

**MMamdouh** · 04-08-2008 10:40 AM

طبعا مقاس الكاوتش يفرق فى الثبات و رد فعل العربية على الطريق

عرض الكاوتش حيفرق معاك فى تماسك العربية على الطريق فى السحب و الفرامل بس كل ما العرض زاد حياثر على سحب العربية نتيجة زيادة المقاومة و كمان ممكن الكاوتش العريض اوى يعمل صوت على الطريق السريع

ارتفاع الكاوتش عن الارض حيفرق معاك فى الثبات فى الملفات.. كل ما الارتفاع قل كل ما العربية بقت اكثر ثبات و اسهل فى التوجية على الملفات لكن الارتفاع القليل بيسبب دبدبة فى المطبات و بيعرض الجنط لمخاطر الكسر بسبب المطبات

للاسف عشان تغير مقاس الكاوتش و تحافظ على نفس مستوى الثبات و الراحة يبقى لازم تغير الجنط... يعنى فى حالتك دى لازم تجيب جنوط 15 و كاوتش 205/60/15

MMamdouh