تالت مرة ؟؟ ايه رائيكم فى البوت السيفتى من اكتف ؟؟

**iwantes350** · 06-03-2013 11:49 PM

السلام عليكم ورحمة الله وبركاته
انا تالت مرة اعمل موضوع عن الكوتشيات والجزم
بس المرة دى اخر مرة ان شاء الله ..
وهو محصور فى حاجتين بس
الاولى ايه رائيكم فى الجزمة السيفتى زى الكات دى بالظبط

بس مش كات هى من اكتف ... هل هى كويسة وبتعيش ؟؟ ولا لآ
مع العلم انها ب 300 جنيه والسيفتي منها ب 350 جنيه

تانى حاجة نزلت مركز النصر ولقيت كوتش من Anta هو كان Runner بس شكلة عبيط شوية بس مريح وكان ب 280 و Made in China
هل شركة Anta كويسة ولا اجيب البوت بتاع اكتف حد جربه حاجة اكتف
بالمناسبة ميزانيتي 300 اقصي حاجة
معلش طولت عليكو وتعبتكو

**AlGazar2** · 07-03-2013 12:50 AM

الكوتشى السيف ممتاز من اكتيف عن تجربه فى كوتشيهين منهم و الاتنين حاليا مبلبسهومش خالص و هما جداد لسه و من فتره كمان و السبب انى رجلى كبرت + انى زهقت منهم و مكنتش بعرف اسوق العربيه القديمه بيهم نهائيا

بس كخامات و استحمال و راحه فى المشى حلو جدا و تشوط بيه الحديد ميقولش لا - لو السيف ضرورى بالنسبالك يبقى هاته طبعا لو مش ضرورى اوى يبقى هات حاجة باسكيت او رانر اريح فى المشى بكتير

**dedi** · 07-03-2013 02:34 PM

موش عارف الذى هاقولة لحضرتك مفيد و لا لا
من فترة نزلت شارع الجمهورية منطقة تجار طفايات الحريق و معى اخى وجدنا احذية ماركات عالمية و سيفتى و قالوا لنا انة محلات كتير بتاخذها منهم ب 100 و 150 جنية و يبيعوها باسعار مبالغة يعنى ممكن تبص عليها انا حبيت اشارك بمعلومة اعرفها