حكايتى معا الهوندا سيفيك 92-95 سامح باشا ضرورى

**midomero2510** · 07-03-2013 01:01 AM

السلام عليكم ورحمة الله وبركاته
بدور على هوندا سيفيك لانى هموت واركبها ولقيت عربيه 92 استيراد اليابان على كلام صاحبها وعاوز 46 واخره 44 من ارض اللواء واتفقت معاه هنتقابل فى وسط البلد ثم اتصلت ب سامح بااشا وقولتله علشان يشوفها والراجل متاخرش عنى بصراحه قمه الزوق اتصلت بصاحب العربيه وقولتله هستناك فى وسط البلد طلعت حرب وروحت ونزلت سامح من الشغل ونستنى الراجل مجاش اتصل بيه ميردش اتصلت من موبيل سامح مردش معنى قايله اوعى متجيش علشان مش اتحرج معا سامح باشا ومجاش برده وقفت معا سامح نكلم شويه عن الوندا

عاوزين نعمل موضوع هنا عن المواقع اللى فيها هوندات 92-95 للبيع ونقول التجربه فى الذهاب للكشف عن العربيه المعلن عنها فى مواقع البيع حتى نستفيد كلنا ونبقى عارفين العربيه بتاعت فلان اللى فى موقع كذا كويسه او وحشة او ... طالب كتير او مش تستاهل او مش اتفقتواا

شكراااااااااااااا خاص لاستاذ سامح

**matrix_it** · 07-03-2013 01:35 AM

بعيدا عن اى حاجة !! تحية لسامح باشا اللى عمره ما اتاخر عن حد

**mahmoud_anwar** · 07-03-2013 08:47 AM

انا بعشق العربية دي جدآآآ
بس امنيه حياتي علشان انزل من الدايو وزوجتي ووالدتي ميقعدوش يقطموني ويقولولي انتا نزلت من 2005 علشان تركب عربيه 90 وعمال تصرف عليها فا امنية حياتي القي هوندا سيفك من اول موديل 92 الي 95 sir اورجينال وتكون برة وجوة وكل زرار فيها شغال وتكون عدد كيلوهات معقول بجد مش هفكر هاجبها وش بس يكون صحبها بيتكلم معقول
لو لقيت ابقا لغيني مع اني دخت عليها السبع دوخات وملقتش خالص حالة نظيفة

**ahmed_hanafi** · 07-03-2013 09:13 AM

فكرة كويسة .....ربنا يوفقك

**SAMEH_FOUAD** · 07-03-2013 10:18 AM

يامحمد لا شكر على واجب يابنى احنا اخوات , واللى يقدر يساعد بحاجة يعملها

وعموما ربنا يوفقك فى عربية كويسة تريحك ان شاء الله وتكون هونداوى معانا

**midomero2510** · 07-03-2013 03:27 PM

طيب ايه رايكووو فى موضوع اللى يشوف عربيه يكتب هنا ويقول عمل ايه علشان غيره لو راح شافها يبقى عارف حكايتها

**Dr.killer** · 12-03-2013 02:19 PM

يا جماعة انا عضو جديد وعايز مساعدتكم
معايا 43000 وعايز هوند سيفيك انجيكشن اتوماتيك1992
وهل الهوندا افضل ولا الجولف 2 1991؟

**khaledfox** · 12-03-2013 09:40 PM

احنا بنحاول ندور مع الناس اللى بدور
يعنى مثلا انا لما بلاقى عربيه مهما ان كانت بكتب عنها على شان الناس تستفيد
و الحمد لله ان سمسم وشباب الهوندا موجودين معانا
ههههه دا كان زمان الواحد اتجنن