ما وصلناش لحاجه برضه
عرض للطباعة
ما وصلناش لحاجه برضه
المصريين مع الوقت بيتحولوا لضباع......لاحول ولاقوة إلا بالله العلي العظيم.
اللي بيحصل دا قسما بالله انه عار علينا كمصريين....انت بتستغل واحدة ظروفها منيلة بنيلة على أساس ال ايه تتجوزها وتعفها وتساعدها، عايز تساعدها ؟ متديلها فلوس تعيش؟ وهي حرة تتجوز وقت ماتحب ممن تحب؟ هو مزاد؟ بنات في مكان عام وتروحوا تنقوا اللي يعجبكم وتدفعوا مهر الف ولا الفين جنيه وتمشوا؟ هو دا اللي ربنا قالكم عليه؟
موضوع يحرق الدم أستغفر الله العلي العظيم، ترضاها لاختك؟ لو مصر حصل فيها حرب انك تروح الاردن والرجالة تتلم تشوف اختــــــك ويدولك 1000 دولار ويقولك عادي مهو جواز؟ أترضاها لأمك؟ أترضاها لأختك؟
أين شيم الرجال يا مصريين؟
ياباشا هو حد قالك اننا هنتجوزهم بالعافيه لاء طبعا لازما يكون برضاها وانا لو حسيت
في وجهها انها وافقت اضطراري انا اللي هلغي موضوع الجواز منها والمهر زي ما يحبوا
لاحظ ان مفيش استغلال ولا حاجه وان العمليه متوازنه بين زواج السوريه او المصريه
لان المصريه عليها حاجات بتجيبها للشقه وبتكتب قايمه وكده
السوريه بتدفع مهر قليل وهي مش بتجيب حاجه خالص زي المصريه
يعني الامر يعود بخسارة ع المصري بس كله يهون في سبيل ان الواحد ياخد اللي بيتمناها
انا حاسس الموضوع قلب لشراء سيارة فابريقة متهربة من سوريا مش رشة بابخس الاسعار !!
شكلها حتقلب دعارة مقننة تحت مسمي السترة والزواج الشرعي
لو قلبك عليهم
اكفل عائله منهم
على الاقل ادفعلهم ايجار شقه , بدل ما يباتوا فى الشارع
تذكرت فترة الحرب و التهجير للمقيمين بمدن القناه ,حيث انتشروا فى معظم انحاء مصر
كل من عاشوا تلك الفتره يقولوا لى كانت فتره صعبه جدا و كنا بنسكن فى مدارس , فى الفصول لحد ما نعرف ندبر امورنا
و كانوا بيحكوا كيف ان الناس كانت بتتعاطف معاهم و تشيلهم ( مش تنتهزها فرصه و تعمل عليهم حفله )
فين احنا الايام دى من كده
و خلى بالك ربنا قال فى ما معناه ان الايان نداولها بين الناس
انا حاسس ان ممكن قصدك شريف و لكن هناك الاشرف لك و لسمعه من تمثلهم
اتقوا الله فى بنات العرب
بفرض حسن النية .... اللي بيفكر فالموضوع ده وبيقول مش هغصبها او قصدي خير. يحط نفسه كدة مكان ولي امرها ولو هو وعيلته اللي لاجئين وهاربين من بلدهم لبلد تانية وناس من اهلهم ماتو وهما مش لاقيين لا ياكلو ولا يشربو ولقي رجالة وشباب البلد اللي هو هربان فيها كل همهم هو الجواز من بناته بحجة الستر والايواء.
لو رضاها لنفسه يبقي يتوكل علي الله ... لو مرضهاش يبقي يستغفر ربه ويساعدهم بطريقة تانية اكثر كرامة ليه قبل ماتكون ليهم.
للرفع ........
ياجماعه حد يروح يسأل في مسجد الحصري من الناس اللي ساكنه في اكتوبر بدل ما ندب مشوار ع الفاضي