انا روحت سألت علي فرش جلد للنويبرا عند محالات السلام الي علي الكورنيش قبل on the run و قلي فرش جلد تفصيل + تركيب 460 جنية .....أية رأيكم ده كويس و لا في حد تاني أروح له
عرض للطباعة
انا روحت سألت علي فرش جلد للنويبرا عند محالات السلام الي علي الكورنيش قبل on the run و قلي فرش جلد تفصيل + تركيب 460 جنية .....أية رأيكم ده كويس و لا في حد تاني أروح له
da nafs se3r masna3 el ostaz fil mansora, bas '3er shamel etarkeeb
فى الحقيقه أنا ليا تجربه مع السلام خلتنى أفقد الثقه فيهم.
اشتريت فرش جلد من عندهم و كان سعره 320 جنيه المهم بعد إسبوع رحت أشترى فرش تانى لعربيه تانيه , المهم اللى وقف معايا كان واحد تانى و كانت الأسعار غريبه فقلت أجرب كده و أسأل عن سعر الفرش اللى لسه شاريه , المهم الولد قال 450 و قعد يحلف إن ده أحسن سعر الخ الخ , المهم سبته يتكلم و حاولت أفاصل لكن مفيش فايده , مفيش لحظات إلا و شفت الولد اللى إشتريت منه , المهم الولد إفتكرنى , سألته سعر الفرش كام؟ لقيته بيقول نفس السعر ( 450 ) قمت قلتله أمال أنت إزاى بعتلى ب 320 ؟؟؟؟ فرد الولد و قال كنت عامل معاك واجب !!!! مع ملاحظه أنى ساعه ماشتريت ما فاصلتش حالص .
طبعا الموقف غريب و لكنه يكفى أنه يفقدنى الثقه فى المحل لأن الواضح أن السعر يتوقف على البياع مش على المصنع أو بتشترى أيه .
و دى كانت أخر مره أروح هناك
ياريت لو حد ليه تجربة معاهم يقولنا لاني بفكر اتعامل معاهم
سبير كار الناس بتشكر فيه جدا .
منصحكش بالسلام
شوفلك سروجى محترم وانزلوا اختارو الجلد احسن بس اهم حاجة يكون شغلة عالى
سبير كار ناس في منتهى الاخلاق والخامات في غاية الروعة و الاسعار ارخص + التركيب عليهم و بيديك ضمان لمدة سنة