حد عمل صيانه 80 الف للياريس قريب

**Yarisawy** · 07-03-2013 11:40 AM

السلام عليكم ,

مفيش ياجماعه حد عمل صيانه ال 80 الف للياريس قريب ... اصل انا لسه مكلم التوكيل عشان اعمل احجز وبسأل عن السعر فالراجل بيقولى هاتتكلف من 2800 ج الى 3500ج تقريبا

يعنى الصيانه هاتتكلف 3 الآف جنيه مع ان هيا ذى صيانه ال 40 الف وكانت كلفتنى 1300 بس

هو ايه الفرق ولا هو فى ايه اصلا لزياده الاسعار اللى مش طبيعيه دى ؟؟

**Ahmod** · 07-03-2013 02:13 PM

صيانة ال 80 الاف بيزيد فيها التالي

1- فلتر بنزين وده سعره داخل في حدود 470 جنيه
2- لو عربيتك اتوماتيك غالبا ماهيغيرلك زيت الفتيس وده بالجوان في حدود 250 جنيه للزيت + 70 جنيه جوان

ده فقط الفرق مابين صيانة ال 80 وال 40 !!

لو فعلا هتدخل في 3000 !! اعملها برة التوكيل احسنلك

**احمد فهمى** · 09-03-2013 02:07 PM

صيانة الياريس فى اول الصفحه فى تيوتا هتاخد الاعمال وتعملها بره ولا تقلق مفيش فتح فى العربيه لأن سير الكاتينه حديد ومش بيتغير الباقى فلاتر وبوجيهات وكشف على تيل وفر فلوسك

**Y a r i s** · 09-03-2013 07:40 PM

اولاً حمدالله على السلامة يا يرساوي باشا
طبعاً برغم غيابك الا انك سايب اعمال تاريخيه في القسم هنا جميلة وبنتابعها وبصماتك في القسم لاتزال ولا يزال كل موضوع. يشهد على مشاركاتك الجميلة :)

بالنسبة لصيانة ال ٨٠ رحت عملتها قبل كده في اليارس وقالولي هتتكلف ٢٥٠٠ وبعدين دفعوني حوالي ١٨٠٠ ولمن شفت هما غيروا ايه لقيت. شوية حجات عبيطة. زي زيت الفتيس. ... سير المجموعة. البوجيهات زيت متور. فلتر هوا. تغير مكان الكويتشات الي قدام ورى والي ورى قدام وكشف على الفرامل وغسيل دورة رديترا وتغير زيت فرامل وخلاص.

رغم ان المفروض مثلاً يغيروا تيل الفرامل. بس ده مبيحصلش. المفروض يغيروا فلتر بانزين بس ده كمان مابيحصلش ... وبيختلف الي بيحصل من عميل لعميل وتحياتي وحمدالله على السلامة كمان مرة

**محمد يوسف** · 09-03-2013 08:00 PM

ياباشا فيه مراكز خدمة معتمدة من تويوتا برضه تعمل لك نفس الصيانة بنص التمن..أنا من 6 أشهر اتصلت بالتوكيل عشان صيانة 40 ألف قالولى 1600 جنيه رحت عملتها فى مركز خدمة معتمد لتويوتا فى 6 أكتوبر بقطع غيار أصلية فى كراتينها وعملوا كل اللى التوكيل قال عليه حايتعمل و خدوا 900 جنيه بس..اتكل على الله واسأل عن مركز خدمة معتمد واعملها عنده ووفر فلوسك

**Y a r i s** · 11-03-2013 10:33 AM

المشاركة الأصلية كتبت بواسطة محمد يوسف

ياباشا فيه مراكز خدمة معتمدة من تويوتا برضه تعمل لك نفس الصيانة بنص التمن..أنا من 6 أشهر اتصلت بالتوكيل عشان صيانة 40 ألف قالولى 1600 جنيه رحت عملتها فى مركز خدمة معتمد لتويوتا فى 6 أكتوبر بقطع غيار أصلية فى كراتينها وعملوا كل اللى التوكيل قال عليه حايتعمل و خدوا 900 جنيه بس..اتكل على الله واسأل عن مركز خدمة معتمد واعملها عنده ووفر فلوسك

حبيبي يا يوسف باشا
قلي ياباشا المركز الي بتقول عليه الي هو في المدينة الصناعية بتاع المتحددة ولا حد تاني

**محمد يوسف** · 11-03-2013 10:42 AM

المشاركة الأصلية كتبت بواسطة y a r i s

حبيبي يا يوسف باشا
قلي ياباشا المركز الي بتقول عليه الي هو في المدينة الصناعية بتاع المتحددة ولا حد تاني

أيوه ياباشا هو .. اللى عند مصنع نيسان

**Y a r i s** · 11-03-2013 10:44 AM

المشاركة الأصلية كتبت بواسطة محمد يوسف

أيوه ياباشا هو .. اللى عند مصنع نيسان

حبيبي يا يوسف
حتى انتا طلعت جاري في اكتوبر برضو :) وانا بقول اكتوبر منورة ليه

**محمد يوسف** · 11-03-2013 10:51 AM

المشاركة الأصلية كتبت بواسطة y a r i s

حبيبي يا يوسف
حتى انتا طلعت جاري في اكتوبر برضو :) وانا بقول اكتوبر منورة ليه

منورة بأهلها ياكبير .. بس انا جارك من الهرم

-

الموضوع: حد عمل صيانه 80 الف للياريس قريب

LinkBack

أدوات الموضوع

عرض

حد عمل صيانه 80 الف للياريس قريب - انشر الموضوع فى :

-

-

-

-

المواضيع المتشابهه

مكان مركز صيانه قريب من الدقي - مدينه نصر

النهاردة رحت صيانه ال5000 للياريس

عيش مع كيا واتدرب معاهم واعمل صيانه وصلح بنفسك وكانك توكيل صيانه ؟؟!!!

تفاصيل صيانه 45000 كم للياريس

الكلمات الدلالية لهذا الموضوع

المفضلات

المفضلات

ضوابط المشاركة