عربية مستعملة 200 الف كيلو

**Batman372** · 08-03-2013 02:02 PM

المشاركة الأصلية كتبت بواسطة monamize4

بص ياباشا انا مش هقوللك هو طالب كام لسبب واحد بس , انه هياخد حسنات كتييييييييير ع قفانا
انا بفكر احكى معاه ف 80 - 83 ع اساس انى اكيد هحتاج اغيرلها حاجات كتير و دا طبعا اقل من اللى هو بيحكى فيه ب اكتر من 10 الاف و لو رفض يبقى جت من عنده

نصيحه لو ميزنيتك 85 يبقى ابحث عن مو احدث و تكون عامله كم معقول افضل كثيرا ...

و للاسترشاد مشاركه 24 :
http://www.nilemotors.net/Nile/32913...post3874753889

تحياتى ...

**Dr/ P.K.Sh** · 08-03-2013 02:18 PM

مفيش حاجه اسمها راشه اكصدامين بس دي اكيد واخده خبطه و مرشوشه ومغير الاكصدامات. والكيلو متر الكبير دي ممكن تبقى شغاله سياحه
على فكره انا بلدياتك من اسيوط و عايش فى الهرم

**monamize4** · 08-03-2013 02:46 PM

المشاركة الأصلية كتبت بواسطة kar!m

واحد زميلي معاه لانسر 2005 .. سوبر أكشن برضه .. و عامله 201 ألف كيلو .. و ما شاء الله لما بسوقها كأنها زيرو .. و هو حتى لسه عامل لها الصيانه بتاعتها ب 3000 جنيه .. حتى كان جايب فلتر البنزين الأصلي ب 550 جنيه من التوكيل.

العربيات الياباني معمره جدا .. و طالما الصيانه في مواعيدها خلاص تبقى كويسه.

ده ميمنعش ان سعرها لازم يقل عن اللي زيها كيلومتر قليل .. سعر العربيه بيكون حسب الموديل و الحاله و الكيلومتر و كل العوامل دي بتأثر فيه.

و على فكره عربيته فابريكه بالكامل بره و جوه .. و كان بيفكر يبيعها .. لو مهتم .. أسألهولك .. هو كان بيتكلم في 78 ألف تقريبا .. لونها سماوي.

لو جاد ياريت تبعتلى رقم تليفونك و بالمناسبة هو فى اى محافظة ؟

**monamize4** · 08-03-2013 02:51 PM

المشاركة الأصلية كتبت بواسطة dr/ p.k.sh

مفيش حاجه اسمها راشه اكصدامين بس دي اكيد واخده خبطه و مرشوشه ومغير الاكصدامات. والكيلو متر الكبير دي ممكن تبقى شغاله سياحه
على فكره انا بلدياتك من اسيوط و عايش فى الهرم

منور يا بلديات :) انا فعلا خايف انه يكون الكيلو متر العالى دا لانه مشغلها ف شركة او تاجير للسفريات عموما متهيالى الوكيل هيفصل ف الموضوع دا