الموضوع: محتاج مساعدة ضروري بخصوص إهتزاز و رجرجة ف العربية

السلام عليكم .. يا جماعة انا عندي مشكلة ومش عارف أبدأ أحلها منين بالظبط !!!! العربية عندي بتتهز بطريقة غريبة جدااا وأنا ماشي ع السلانسيه أو سرعات منخفضة ... يعني تخيلوا كده إن فى فردة مقاسها مختلف وتلاقي العربية وهي ماشية بيحصل فيها إهتزاز نتيجة الإختلاف ده وبتترجرج رجرجة خفيفة يمين وشمال كده .. طبعا الإحساس ده بيظهر كويس جدااااا لما أكون ماشي ع أسفلت نضيف ومستقيم - حتى اللى بيركب معايا بيلاحظ الموضوع ده وبيلفت نظري ليه ..
طبعا أنا كنت بحاول أوصف الإهتزاز بشكل يقدر أى حد يتخيله .. لكن بالنسبة للعربية عندي فأنا مغير مساعدين أمامي جداد ومظبط زوايا والكاوتش كله مقاس واحد ومفيهوش اى إختلاف ولكن عندي فردة خلفية محتاجة تتغير حسب نصيحة الراجل بتاع الزوايا ومساعد خلفى ..
عاوز بقى أعرف فين المشكلة بالظبط ؟؟؟ المشكلة ف المساعدين اللى ورا ؟؟ ولا المشكلة فى تغيير الكاوتش ؟؟ ولا المشكلة فى العفشة الخلفية بصفة عامة ؟؟ ولا ايه الموضوع بالتحديد ؟؟؟
أنا مش عاوز أصرف ع الفاضي من غير ما أحط أيدي ع اساس المشكلة .. ومش عاوز حد يشتغلني ف مصاريف أنا ف غنى عنها .. الرجاء المساعدة

لو عربيتك على قنطره اماميه لازم تنظبط