أكبر عملية نصب فى حياتى (الرجاء القراءة للعبرة)
الاخوة اعضاء منتدى نايل موتورز
انا كتبت الموضوع دة تقريبا فى شهر ديسمبر 2006 لما كان الاعضاء القدامة يستخدموا موقع كونتكنت وانا بقلب فيى افتكرت الموضوع دة وحبيت انقلة هنا فى نايل موتوز لان فية موقف كل مفتكرة ......................
نبدا
النهارة الحمد الله يوم مر عليا عمرى فى حياتى ماهنسى اليوم دة
كنت بغسل العربيه بالكامل برة وجوة بسبب المطرة اليومين الى فاتوا
بعد مخلصت الغسيل زرت معهد ناصر على كورنيش النيل لتخليص بعض الاشياء
ركنت العربية فى الخارج الزيارة لم تتعدى النصف ساعة
خرجت دورت العربية وانا ماشى فى امان الله طالع كبرى المظلات بدوس بنزين ملاقتش بنزين ادوس مفيش والعربية فيها بنزين على الاخر وبعدين العربية بطلت منى ووقفت على مطلع الكوبرى يادى الحوسة موقف زباله واول مرة تحصل ادور فى العربية العربية تدور بس متشتغلش فضلت على كدة كتير خفت على المرش بتاع العربيه وفجاة ظهر انسان عليه ملامحة الطيبة سالنى مالك يا استاذ قلتله مش عارف العربية بدور بس مش بتشتغل يمكن عشان لسة مغسولة قالى لا الغسيل ميعملش كدة طيب اية المشكلة انا على الكوبرى وخايف على العربية فتح الكبوت وبص على العربية وقالى دور وبعد شوية العربية دارت قلت الحمد الله قالى فى مشكلة فى اتوماتك الكاربرتير (انا معرفش حاجة فى الميكانيكا خالص) طيب مش ممكن نعمل اية حاجة لحد مروح للميكانيكى ونشوف فيها اية قالى صعب قوى انها تمشى مسافة قلت اتصل بيه اتارى الموبيل مش موجود ونسيتة فى البيت يانهار ابيض طيب انت معاك موبيل لا طيب احنا على الكوبرى وبدات الزحمة على الكوبرى
قالى خلاص المهم ان احنا ننزلها من على الكوبرى وربنا يحلها قلت صح لحسن تتخبط وتبقى مصيبة
المهم العربية دارت ومشيت مسافة 50 متر وماشية بالعافية تحس انها بتطلع فى الروح اول منزلت ركنها على جنب فى منطقة انا مش شايف فيها اى محل او سوبر ماركت عشان اتصل بيه مبقتش عارف اعمل اية
وبعدين صاحبنا بقى قالى انه هو اصلا ميكانيكى وبيفهم فى التويوتا وعندهم عربييات كتيرفى الشركة من عربيتى كورولا 2000
وبعدين شاف احد صاحبة قاله تعالى بص على العربية دى لحسن صاحبها مستعجل وعايز يمشى
صاحبة قالى نفس الكلام العربية عايزة تغير الاتوماتك بتاع الكربراتير ومينفعش تتحرك طيب ادور على
بنى ادم مش لاقى قالى احسن حاجة تروح التوكيل يظبطها قلت ازاى وانا مش عرف امشى حتى 5 متر بالعربية
قالى خلاص لاتقلق احنا هنشوفك قطعة غيار فى الشركة الى شغلين فيها بس لازم تعرض العربية على التوكيل
واحد منهم غاب فترة وبعدين رجع معاة الاتوماتك الكربراتير فك بتاعى وخلانى بصيت في الجديد كويس جدا
وعملت مقارنة وتاكدت انة يابانى جديدة من الكلام المطبوع علية والقديمة قالى انفخ فيها لاقتها مسدودة تماما وقالى نركب وربنا يكرمك ركبها ودورت العربية العربية اصبحت تمام زى الاول عايز كام ياعم قالى القطعة دى 640 قلت كام لية ياعنى لاقيت الناس وشها جاب الوان وبدا الغضب على وشهم وقالوا احنا الحق علينا انت ملكش فى الطيب نصيب كان زمانك مرمى فى الشارع على الكوبرى والعربية اتبهدلت الصراحة كلامهم كان موثر جدا وانا انكسفت بس انا قلت انا مش معايا المبلغ دة دلوقتى قالى خلاص شوف معاك كام واحنا نعمل خصم كانها خارجة لينا احنا قولت انا مش معايا غير 300 جنيه خدوهم قالوا هنعمل خصم 200 يبقى السعر اصبح 450 ويبقالنا حوالى عندك 150 جنيه بصراحة بدات اقلق خصم 200 جنية كتير قوى وفى نفس الوقت خفت على العربية وقلت شكل الموضع ممكن يكون اكبر من كدة والحق امشى بالعربية طلبت القطعة القديمة طبعا مرديش وثبتنى وقالى يعنى انا عملك خصم وسيبلك 150 وانت بدور على قطعة خردة المهم ركبت وقالى انا منتظرك هنا تجبلى 150 جنية وياريت متتاخرش عليا مشيت وانا مقلق مش مرتاح للقصة كلها بس حمت ربنا انى خرجت باقل خسائر ممكنة قلت اطلع على الميكانيكى رحت للميكانيكى
بقولة انا حاسس انى اتعرض لعملية نصب
والله العظيم مقلتش غير كدة ولقيت الراجل حكى الموقف بالكامل بكل تفاصيلة وكانة كان موجود معانا خطوة بخطوة وقالى العربية اتلعب فيها وهى واقفة بجوار معهد ناصر وهما راقبوك وانت طالع الكوبرى وعارفين انت هتقف بالعربية فين وامتى ومجهزين كل حاجة انا بيجلى حالات زى كدة كتير واحمد ربنا انها جت فى 300 جنيه وبعديها انا الدم سخن فى تفوخى وحسيت فعلا بالنصب الرهيب الى وقعت فية
قلتلة هو سعر البتاعة دى كام قالى فى حدود 250 جنية بس القديمة كويسة مش وحشة واصلية بتاعت العربية وبعدين دى اسمها طرمبة البنزين قالى هات القديمة قولتلة اخدها وحسيت بالم شديد والله فى صدرى قالى لوموجودة كان الامور هتكون اسهل عليك على العموم روح اشترى وحدة تانية جديدة عشان انا مش عارف الموجودة دى اصلا اية
قلت لاجديدة ولا قديمة انا معيش حتى ولا مليم وثبته ومشيت وانا بغلى
روحت البيت اخدت المهمبب الموبيل وجمعت اتنين من اصحابى وقالوا نروح نفس المكان ندور على الناس يمكن نعطر فيهم ندور وندور مفيش حد واصبح اصحابى ضدى وبيضحكوا على زى مانتم بتضكوا دلوقتى
وندور على الورشة مفيش ورش فى المنطقة اصلا وقالولى ربنا يعوض عليك ومشيت
ودى كانت اكبر عملية نصب فى حياتى
انا طولت عليكم فى الكلام عشان الموضوع حصل بعد الظهر وان بكتب الموضع دلوقتى على المغرب
ودماغى هتتفرتك متغاظ جدا وحاسس بارف من نفسى ومن الناس معقولة انزل مصر اجازة اسبوعين يحصل فيا كدة
معقولة درجة النصب توصل لهذة الدرجة الحمد الله انى خرجت بالعربيه سليمة ولوكان معايا اى فلوس تانى كنت دفعتها فوق 300 الحمد الله
الموضوع دة للعبرة لكل الاعضاء والدروس المستفادة هى
1- ان متصدقش حد خالص على الطريق
2- ومتخليش حد يلعبك فى العربية
3- اوعى تنسى الموبيل مكالمة منه ممكن تنقذ كتير وياريت لو فى شاحن بلاسيارة على طول
4- تصليح الطريق يجب ان يكون فى حدود انك تمشى بس مش لازم تصليح كلى
5- لازم يكون معاك رقم الميكانيكى الى انت بتتعامل معاة على طول فى لاعربية لاى سوال او استفسار فى الطريق
6- قسم فلوسك دايما مش كلة فى المحفظة
7- لو ركنت العربية فى مكان وبعدين مشيت بيها وعطلت بعد حوالى 100 متر افتكرنى على طول
8- اوعى تحكى الموضوع لمراتك
طارق
ابو اسلام
استنى استنى الموضوع مخلص لسة فى جز تانى للحكاية
نبدا
فى البدايه كل سنه وكل الناس الحلويين طيبين
فاكرين قصتى مع النصاب الى غيرلى طرمبه البنزين
لما لعب فى العربيه من تحت لما كانت مركونه فى امان الله
الموضع انى بعد لما ركبت الطرمبه بتاعت النصاب ورحت للميكانيكى الى اعرفه قالى غير الطرمبه انا مش ضامنها وطبعا انا قلت لا لازم اشوف اخرها
من يومين بفتح كبوت العربيه وكنت مفتحتوش من ساعة الواقعة السابقه واذ بى اجد ان الماتور عايم فى بحر من الزيت بركة بمعنى الكلمه زيت فى كل مكان
المهم قمت بقياس الزيت لاقيته اقل من علامه low
كلمت الاخ سبعاوى (جزاء الله خير---
وقالى ممكن تكون حاجة فى التركيب من ولاد الحرام بتوع الطرمبه )
انا كنت خايف الصراحة لتكون حاجه فى الماتور شرخ او تسريب
المهم رحت للميكانيكى واول مشفنى فهم وضحك وقالى طرمبه البنزين عامله ايه
قلتله شوف انت
بعد خمس دقايق دفعت 400 جنيه حق طرمبه جديدة
وزيت جديد بالرغم ان القديم مكملش 200كم
وروحت البيت بعد عمليه النصب مكلفتنى 700 جنيه (300+400)
بس الحمد الله قدر الله وماشاء فعل
انا الحمد الله مش زعلان بالعكس انا بضحك على الموضوع
بس عايز الناس كلها تستفيد وتاخد عبرة فى الموضوع
وكل سنه وانتم طيبين
طارق
ابو اسلام