الموضوع: هعمل جريمه سامحنى يارب

[/QUOTE][/QUOTE]

يا نهار اسود؟هيا وصلت لل self defence ؟قال جنس لطيف قال؟ والله مامتك عندها حق تاخد المفاتيح.هدي شويه please
bemo,ire

بص حضرتك مش قصه جنس لطيف ولا جنس خشن لما يبقى واحد متخرج ويوقف يزعق بصوت عالى وهو مش من حقه اصلا يرفع صوته يبقى يتقبل رده فعل اللى قدامه وانا عارفه انها جريمه بس لما تتنرفز ممكن تتصرف اى تصرف واكيد هيكون غلط

اللي عملتيه لو عملتيه مع ضابط قليل الادب كان زمانه اخد رخصتك انما الضابط دا شكله خواف و قال انك مسنوده علشان كده بتتكلمي بقلب جامد

معاك حق يا حازم انا كنت متنرفزه جدا لانه وقفنى وانا متاخره جدا
والاصعب لما حسيت انه بيستعرض سلطته عليا وكان منتظر اقوله اسفه يا سعاده اللواء وانا مش غلط

جربي المواصلات شوية علشان تعرفي إزاي تتحكمي في أعصابك

انت شششششمتان فيا يا اكــــــــــرم ماشى بكره نسمع ونشوف عنك سمع خير

طيب شوفوا الموقف ده امبارح كنت مروح من الرحاب من طريق التجمع المهم لقيت بوكس بيلف عكسى و كمان زنق عليا المهم انا اتنرفزن قمت مزمرله جامد و حدفدت عليه حدفه بسيطه و قولت كده خد جزاته و الطريق مشى عادى و البوكس عدى و مشى قدامى بعديها بشويه كنت عايز اجرى شويه الاقى البوكس مش عايز يعدينى خالص اجى يمين يجى يمين اجى شمال يجي شمال المهم لقيت طريق فرعى على جانب الطريق دخلت فيه و قرصت شويه و هوب فجاه لاقانى قدامه و كمان معرض عربيتى قدامه سيبته و مشيت و انا هاطق قولت لازم اعمل حاجه اعرف الظابط ده مقامه اه بالمنسبه كان ظابط برتبه نقيب قومت وافق مره واحده على جنب و نزلت من العربيه علشان اشوف اخره لقيته بيبصلى و مشى قولتله انت مجنون

المشاركة الأصلية كتبت بواسطة M_HaFeZ

وليه الغلط ... اللوح وكلام مش كويس ومقولتيش له فى وشه ليه يالوح !!!!

ده مش غلط لو سعادتك حصل معاك موقف تحس القصد منه بس استفذاك هيبقى ردك غير كده اكيد

وبمــــــا ان القاعده فى مصــــــر ان الشرطه مش بتحترم الشعب يبقى الشعب مش بيحترم الشرطه

حضرتك ممكن تشوف ظباط المرور فى اى دوله عربيه لو وقفوا واحده غلطانه او غيره بيتكلموا بمنتهى الذوق والاخلاق ا معاها وعمرى ما شفت بره حد وقف شخص لمخالفه او للتاكد من تراخيصه وووورفع صوته بزعيق احنا عايشين فى مهزله
ده مش اعتراض على قانون المرور لا اعتراض على قانون البلطجه و سلوكيات ممثلى القانون ماهو القانون يعنى نظام مش استعباد للناس من وراء ستار القانون وفرض القوه عليهم لاذلالهم وكل واحد بقى يوقف يستعرض عضلاته

اللوح وكلام مش كويس

ما اعتقدش انى كتبت لفظ مش كويس ياريت لو حضرتك شايف كلامه خارجه عن سياق الادب تنبهنى

انا تقريبا مستبيعه مش عشان عندى واسطه ولا غيره بس لان اللى يهين نفسه يستحق الناس تهينه

المشاركة الأصلية كتبت بواسطة ahmed_su

امر ضبط واحضار

العقيد / مش عارف مين رئيس وحدة مكافحة جرائم الانترنت

بعد ماورد الينا من السيد العميد /مش عارف ايه رئيس قطاع المرور فى منطقة الهرم وبخصوص شكاوى السيد الضابط /مؤدب الغلبان وانه اثناء تأديته للخدمة المكلف بها تعدت عليه المواطنة /دموع التلج بالقول رغم محاولته اثنائها عن ذلك ومحاولة تطبيق القانون

تم تكليفنا بتتبع اعترافات المواطنة المذكورة على صفحات النيل موتورز بمحاولة الشروع فى استخدام (السلف ديفنس )المجرم استخدامه بنص القانون ضد الضابط /مؤدب الغلبان

وقد تم تتبع الا اى بى الخاص بها ورصده من خلال مزود خدمة الدى اس ال والتوصل لرقم تليفون المذكورة وبالتالى عنونها وهذا امر ضبط واحضار ويكلف به القسم التابع لمحل اقامتها .


خلى بالك بأه وادارى اليومين دول انتى بقيتى (wanted)

ههههههههههههههههههههه ضحكتنى والله

طب مانت عارف اهوه وانا عارفه ان كل حرف بيتكتب على الكيبورد بتشوفه اجهزه الداخليه ماهو النت فى بلدنا نزيه ومش متراقب خالص:nerd:
انا استخبيت خلاص ممعندكش مفاتيح ياريس سلف :p

على كده بقى انا اعمل ايه دنا زنقت على الظابط و قولتله انت مجنون

اعتقد ان الناس ده لازم الواحد يتعامل معاهم بهدوء لان السلطه الى فى ايديهم بتديلهم صلاحيات كتير و ربنا يستر علينا جمعيا و خاصة البنات

معاااااااك حق ربنا قال والكاظمين الغيظ

ربنا يدينى طوله البال والصبر وكظم الغيظ عشان اموت وملفى فى الداخليه نظيف