هل رأى التانك سولارا

**kimotop** · 07-03-2013 02:48 PM

هل تعتقد ان مشكلة البنزين و السولار و الغاز شارفت على الحل ام شارفت على الانفجار ؟

الحكومة خلاص هتنزل البطايق الذكية بنت ام ذكية الفترة الجاية و بتقول ان دا هيحل المشكلة فايه رأيك و لا نستنى نجرب ؟

طيب دا بالنسبة للعربيات الملاكي طيب الي بيركب مواصلات خصوصا الميكروباصات الي بتمشي بالسولار ايه نظامها ؟ هل هتغلى و المواطن المطحون - بتاع قصص فلاش - هيفضل مطحون و لا ايه نظامة .

لك الله يا مصر

**speed_magnum** · 07-03-2013 03:05 PM

بناء علي الوعود الكثيره اللتي سمعناها عن حل أزمات السولار والبنزين والغاز واسترجاع الأمن في خلال 100 يوم …
احب اقلك : أبشر يا تيموووور …

**MohammedAladel** · 07-03-2013 03:18 PM

المشكلة فى عدم الرقابة والبلطجة والاحتيال ف البنزينات أنا عندى الحل :
مفتشين تموين واقفين عل راسهم وقدم عند البنزينات ومتابعينها باستمرار

العمال اللى فى البنزينة ياخدوا رواتبهم من صاحب البنزينة المفترى ومفيش حاجة اسمها تبس من هنا ورايح

ممنوع استخدام الجراكن فى نقل البنزين وممنوع الاتجار فى البنزين وقيام حملات من الشرطة بالقبض على تجار البنزين ومعاقبتهم بأقصى العقوبات
حملة لمسك الموتسكلات واتكاتك الل مش مرخصة
بذمتكم فيه أبسط من انهم يعملوا كدا ؟
الضباط والعساكر موجودين
مفتشين التموين موجودين
والاتنين مرتباتهم ماشية فيها ايه لما ازودله حافز لما ألاقيه بينجز ويجمعلى قضايا أكتر حتى ولو حافز بسيط جدا ؟

أو أشدد عليه الرقابة هو كمان

فيها أيه لما أعمل أعلان على التليفزيون ... لو شفت حد بيتاجر فى البنزين بلغ على الرقم الساخن كذا

أنا ممكن فى اعلان واحد على كل قناة من القنوات الفكسانة الفاشلة اللى استولت على عقول الكثير من الشعب أحط اعلان زى دا

والعيار اللى ميصبش يدوووووووووووووووش

أنا قرفان بصراحة من اللى بيحصل فى البلد دى

**hossam_elwani** · 07-03-2013 03:30 PM

ياجماعه لازم نكون منصفين الى الان ومنذ عصر مبارك مفيش داتا حقيقيه عن اماكن وكميات السولار والبنزين المطروحه فى السوق وبتروح فين بالتحديد من الى

وجارى الان انشاء داتا من الاساس وحيتم الاستعانه بتكنولجيا المعلومات فى تتبع شحنات السولار والبنزين من الى عشان نعرف مين الى بيسرق ومين الى بيبيع سوق سودا

**salah_86** · 07-03-2013 04:12 PM

طيب حد يفهمنى انا من شبين الكوم وشغلى فى القاهرة اعمل انا ايه بقى يعنى اصلا انا مش ملاحق على العربية بنزين وزيت وبقول اهى ماشية

**kimotop** · 07-03-2013 09:36 PM

متفائلين ليه كدا ههههههههههههههههههههههههه

**طاهر** · 08-03-2013 08:36 AM

هى أزمة مصطنعة من وجهة نظرى وأعتقد أن الحكومة ستقلل الكميات وستصعب الأزمة أكثر و أكثر ليقتنع الناس بضرورة رفع الدعم عم المحروقات

وسلملى على النهضة

**EngAhmedSayed** · 09-03-2013 03:23 PM

ياجماعه انا احب
اعرف ايه اسباب المشكله قبل ما افكر احلها بمعنى ايه انا اتعلمت من خياتى فى العمل

لما اعرف اسباب المشكله يبقى انا كده حليتها بنسبة 50%
لما اعرف احل المشكله يبقى انا كده حليتها بنسبة 30%
لما اابداء فى تنفيذ و اتخاذ الاجراءات يبقى انا كده حليتها بنسبة 20 %
يبقى انا كده حلييت المشكله بنسبة 100 %

طيب مشكلة السولار
اسباب المشكله
1- السوق السوادء
2- تهريب السولار لغزة
3- تهريب السولار ليبيا
4-تهريب السولار للسفن فى ميناء الاسكندريه و السويس و بور سعيد
5- ذيادة سعة خزنات السولار الموجوده فى العربيات النقل

دى الاسباب
الحل عاوزين معجزة من عند ربنا

ربك المستعان