سؤال يغضب السوريين في مصر: عندك عروسة للجواز؟
سؤال يغضب السوريين في مصر: عندك عروسة للجواز؟
نقلاً عن الوطن !! مع تعليقاتي الشخصية هههه
http://t1.gstatic.com/images?q=tbn:A...F9j9CV4TqFJqJk
شهدت الآونة الأخيرة عن زواج السوريات من مصريين، الذى أصبح من القضايا التى بدأت تتلمس طريقها لتصل إلى حجم الظاهرة.. البعض يتعامل معها كتجارة وسلعة يحصلون من ورائها على مبالغ مالية، وآخرون يرون أنها تنتشر فى المناطق التى يقطن بها السوريون فى مصر، «الصباح» التقت عددا من الأسر السورية، وفيما كشف بعضها أن الظاهرة حقيقية، استنكرت أسر أخرى بشدة، بينما يتساءلون كيف لهم أن يزوجوا بناتهم تحت هذه الظروف؟ وأن يتركوهن فى بلد ليس ببلدهن؟
محمود السورى أكد أنه لا يمر يوم دون أن يأتى مصريون ويسألونهم عن الزواج من سوريات، حتى أصبح هذا هو السؤال المعتاد، وهو الأمر الذى يثير استياء العديد من السوريين، لكثرة الحديث عن هذا الموضوع، وأضاف: لو جاء لى شخص وسألنى عن الزواج من سورية سوف أقتله.
ههههه هدي اعصابك يا حووودة ... طول ما انتا في مصر يا ما هتقابل الي عوزين عرايس
أما خالد فقد اعتاد يوميا أن يأتيه 4 أو 5 أشخاص يسألونه عن وجود سوريات للزواج،
هههههه يعني كل يوم على الصبح خلودة يتصبح بخمس ست مصرين عوزين عرايس :) أما أم محمد فيوميا هاتفها يتصل عليه مصريون ويطلبون فتيات من سوريا للزواج.
هه نمرتك كام يا امو محمد هههههه
ورافقت «الصباح» بعض السوريين الذين كانوا يقومون بالتحقيق حول هذا الموضوع للوصول إلى حقيقة ما تردد عن زواج قاصرات سوريات وغيرهن، وقام الشباب بالحديث إلى بعض المصريين الذين تقدموا للزواج من سوريات، من بينهم دكتور مصرى، تقدم لعائلة سورية ليتزوج ابنتهم، فتفاجأ بالرفض، وحينما سئل عن الأسباب قال لا أعلم، فسأله أحد السوريين كيف ذهبت لتطلب العروس؟، فقال الدكتور: ذهبت وحدى وإن وجدت القبول أخذتها معى فى زيارة لأعرفها على والدى ويقوم والدى بعدها بزيارتهم.
ياسلالالام. بالبساطة كدة. !!
وفى حالة أخرى تقدم «ب.ل» طالب مصرى فى كلية الهندسة للزواج بفتاة سورية أكثر من مرة، وفى كل مرة يقابل بالرفض، وحينما رآها فى إحدى المظاهرات، حاول أن يعلم منها سبب الرفض لجأت الفتاة إلى حشود من السوريين، لتتخلص منه فواجه الشاب مشكلة كبيرة.
احسن ويستاهل
يعني وحدة رفضتك وانتهينا ... ضروري بقه تبقه لزقة. وتجري وراها من هنا وهناك عاوز تعرف اسباب الرفض
هيا استقالة يا حبيبي. ولازم تكون مسببة ههههه ... يعني هوا مستني البت تقولوا علشان انتا شكلك وحش ... ولا مستني البت تقولوا علشان انتا لسه طالب وبتاخود مصروفك من ابوك ولا مساني البت تقولوا ايه بالزبط مش فاهم انا. ... يا اخي يا اخي. ده الاحساس نعمة. ... والناس الجبلة بقو كتير قوووي
وفى حالة أخرى يتقدم أصدقاء أحد الشيوخ فى الجمعيات الشرعية، التى تقع فى 6 أكتوبر، للزواج من سورية كانت الجمعية قد أحضرتها لتتسلم شيئا من المعونات، الأمر الذى أحدث بلبلة كبيرة بين السوريين.
يا عيني. على مشايخ الحصري ... كان زمان الشباب يجو يسئلوهم بعد الصلاة اسئلة شرعية. زي ما حكم الربا او قرض البنوك او حلمت بمش عارف ايه ياشيخنا ... النهردة الشيخ يقول السلام عليكم ورحمة الله السلام عليكم ورحمت الله من هنا ويادوبك لسه مسلم ويلاقي المصليين تجري عليه ملقيش عندك عروسة يا شيخنا
لذلك انا اعتقد بعد كده من الممكن نلاقي المشايخ بتقول استووو اعتدلوا ساوو بين المناكب وسودوا الفرج برجاء اغلاق اجهزة المحمول. ومحدش يجيني بعد الصلاة يسئلني عن عروسة هههههههه
لاحول ولا قوة الا بالله هو للدرجادي الشباب تعبان
بعض السوريين لا يرفضون الفكرة طالما تتم على دين الإسلام وفق الشريعة، إلا أنهم يرون أن المشاكل تنبع من اختلاف بعض العادات والتقاليد مثل مراعاة أركان الزواج، كذلك مراعاة الحالة النفسية التى يعيشها السوريون التى تسببت بها مشاهد القتل والدمار.
على رئيك البت لسه مقتول ابوها واخوها مفقود
وبيتها اصبح رماد في رماد وانتا رايح لها ( تتجوزيين يا بطة )
ههههه. وتحياتي
مقالة قديمة ... كنت كاتبها وبعدين مسحتها ورغعت طبعتها من جديد
عاوزين الحق ولا ابن عموا
بيني وبينكم ومن غير زعل ولو كنا واقعين شوية مع نفسينا ... تقدروا تقولولي ايه الميزة الي في الشب المصري تخلي البت السورية تختاروا دوناً عن الشباب كلها ...
يعني انا مكنتش عاوز اتكلم. بس الحقيقة الحقيقة بلا خيييييييييبة ... ده احنا عندنا اشكال اجاركم الله ... ناس عمرها مابصيت على خلقيتها في المرايا وكل واحد فاكر نفسوا مهند ... ده انا مرات ابقى واقف في طابور في اي مكان ولا في اي حته او كده ولا كده واشم روايحه غريبة عجيبة ( صنااااااااان ) بعيد عنكمممم عمري ما بشمها في طوابير من طوابير بره ... تعاله خوش في حمام من الحمامات العامة تلاقي عيال خارجه من باب الحمام تجري على بره مفكرش ابداً انوا يغسل ايدو ولا حتى يبص على خلقتوا في المرااياا ... وكأن الاحواض دي محطوووطه ديكوووور تتفرج عليها بس من غير ما تغسل ايدك !!
عيال تلات تربعها بطونهم بايظة وقولون مفوووت وشكمانتوا مخرومة ويقلك اصلو قولوني عصبي حبتين هههههه وتلاقيهم ماشين بالغاز الطبيعي ولاتكسي العاصمة ولا ميكروباص التريماكو المفوت شكمانوا ... وكل ده وعاوزين يتجوزوا سورية حتت بفته رقيقة عصفورة كده وبنبوناية
هاتولي ميزة وحدة يخلي بنبوناية سورية تبص. لشب مصري هتقولي اصل الشب المصري فرعون صوغنطط هههه ، ياخويا بلا خيبة شباب زي الورد وموكوسة وادينا شايفين الادوية الي مغرقه دعايتها التلفزيون واخرة المتمه جيبلنا عشبة ابوعلي اليمني من اليمن ، ولسه النهردة شايف اعلان لشعبان عبدالرحيم وماسك علبة حمرة بيغنيلها. طيب لمن حد من عيالي يسئلني بابا دي بتاعت ايه هقولوا أيه ؟؟؟ ... انا فكرة. بسرعة ان لو حد سئل من العيال هقولوا دي لبانة بطعم البطيخ يا حبيبي ، ولا دكاترة ( الرجال ) الي بقو اكتر من دكاترة الاسنان والباطنة والنظر ... هتقولي اصل المصري دمو خفيف. يافرحتي ... يعني ده هيصبحها كل يوم بنوكته ويعشيها فزورة ولا هيعمل ايه !!
اي حد مكان السورية ... لو خلاص يعني ولازم تتجوز والظروف حكمت اخر واحد تفكر فيه. المصري مش لعيب فيه ... لكن لجنسيتوا بس عارف لو قطري ولا امراتي ولا لبناني ولا حتى كويتي ... هتتجوزوا وهيا مغمضة ... لان يوم ماتفكر تسافر ولا ترجع بلدها هتلاقي جوزها فوراً يقطعلها تذكرة رايح جي ذهاب وعودة بس المصري هيقولها طيب استني يا حبيبتي لمن اخوش اعملي جمعية. ... الكويتي يوم يحب يغير جو مع مراتوا. هيخودها لاندن ولا باريس ولا حتى سويسرا يفكوا عن نفسهم شوية ويرجعوا. بس المصري يوم ما يطنطط كبيروا مشورا على اسكندرية يوم صد رد ويرجع ... وقلة معدووووودة من المصرين الي ظروفهم مساعدهم احنا عندنا برضو نسبة كبيرة ربنا كرمهم ومسهل لهم ... لكن المصري المتوسط بنصحوا ينسى الموضوع. وميفكرش في السوريات لان نفسهم عزيزة ومش متعودين على حياة السبهلله الي عندنا ! والبؤوس الي احنا فيه. ده احنا شعب الفوضى عندنا منهج يدرس في المدارس ... هقول ايه ولا ايه خلونا ساكتين .
فهتولي ميزة وحدة تخلي السورية تفضل الشب المصري المعدم عن اي شاب عربي اخر مريش ومحدش يقلي المصرين احسن ناس وهما شعب الله المختار :) في الارض !!! والكلمتين الي دايماً بنسمعهم وبندحك بيهم على نفسينا ...
وارجوا تقبل كلامي بصدر رحب ، والمثل بيقولك. يابخت من بكاني ولادحكش الناس عليا ... وتحياتي
