إشتريت الريو بعد تفكير طويل بس عندى سؤال

**Nashaat Rady** · 08-03-2013 10:00 AM

من حيث الصوت البعيد، اغلب العربيات كده، حتي الالماني... و الإلنترا معايا نفس المشكله وده بيبقي ناتج عن مكان المايك اللي في الغالب ما بيكنشي في مستوي وجهك و كمان مش في اتجاه وجهك برده... في بعض السيارات بيراعوا الموضوع ده والاغلب بيرميه جانب الكاسيت ناحيتك و خلاص.

كمان فتحة المايك بيخشها تراب، و كمان ساعات سوائل التنظيف..

كيفية التنظيف: اسبراي هواء، بيتباع في راديو طلعت او راديو شاك ... أوعي الهوي بتاع المحطة، ضغطه يخرم المايك.

بالنسبة الزنة ماعرفشي، بس حاول تجرب توصل تليفون تاني، عشان ساعات اختلاف ڤيرجين البلوتوث بيعمل زنة حتي في السماعات العادية..

و الف مبروك و ربنا يديك خيرها و يكفيك شرها و ابوس أيدك ما تجريش، الشوارع ضايعة الناس اغلبها غشيم.

تحياتي