إشتريت الريو بعد تفكير طويل بس عندى سؤال

السلام عليكم
بعد تفكير كتير وبحث ولف على المعارض اشتريت الريو وكيل الفئة اللى قبل الهاى لاين سيدان وبصراحة انا كنت هاشترى خليجى وكنت كل ما اروح معرض وأسأل يقولولى استقر على الفئة اللى انت عايزها وكل الألوان موجودة المهم لما اخترت الفئة وجهزت الفلوس ونزلت اشترى وقلتلهم ايه الألوان اللى عندكم ما لقيتش غير اللون الأبيض المهم فى الأخر جبت الوكيل والحمد لله العربية مريحة جدا وثابتة وسحبها ممتاز بس مشكلتها انك مستحيل تعرف أبعاد العربية, سؤالى بقى عن البلوتوث أنا بسمع الناس كويس جدا بس أى حد يكلمنى بيقولى صوتك بعيد وفيه زنة جامدة أوى ياترى حد واجهته نفس المشكلة وحلها ازاى؟ أسف على الإطالة وأرجو الإفادة

الف مبروك بس عندى سوئال اخبار التسارع بتعها اية و السحب

سحبها كويس بس وانت على سرعة عالية وعايز تحرق لازم تقلبها ستيبترونك عشان تشد معاك

الف مبروك و ربنا يباركلك فيها.

مبروك العربية
انت لسه فى الاول بلاش حرق

مبروك ال كيا ماركة محترمة واثبتت وجودها

واعتقد هى الماركة اللى بعد اليابانى مباشرة ان لم تكن بتنافسه بقوة

الف مبروك عليك

الف مبروك يا باشا

ألف مبروك بس بلاش حرق , يعنى امشى على مهلك و الأر بى ام يبقى اقصى حاجة على 4 ومتمشيش على سرعة ثابتة لمدة طويلة ومتعديش كسرعة 100 كيلو وبعد الالف كيلو متمشيهم غير زيت و فلتر وبعديها احرق براحتك

الله يبارك فيكم جميعا والف شكر على نصايحكم الغالية بس بردو ماحدش رد على سؤالى بتاع البلوتوث وجودة الصوت

من حيث الصوت البعيد، اغلب العربيات كده، حتي الالماني... و الإلنترا معايا نفس المشكله وده بيبقي ناتج عن مكان المايك اللي في الغالب ما بيكنشي في مستوي وجهك و كمان مش في اتجاه وجهك برده... في بعض السيارات بيراعوا الموضوع ده والاغلب بيرميه جانب الكاسيت ناحيتك و خلاص.

كمان فتحة المايك بيخشها تراب، و كمان ساعات سوائل التنظيف..

كيفية التنظيف: اسبراي هواء، بيتباع في راديو طلعت او راديو شاك ... أوعي الهوي بتاع المحطة، ضغطه يخرم المايك.

بالنسبة الزنة ماعرفشي، بس حاول تجرب توصل تليفون تاني، عشان ساعات اختلاف ڤيرجين البلوتوث بيعمل زنة حتي في السماعات العادية..

و الف مبروك و ربنا يديك خيرها و يكفيك شرها و ابوس أيدك ما تجريش، الشوارع ضايعة الناس اغلبها غشيم.

تحياتي

الف الف الف مبروك ربنا يبارك لك فيه ويبعد عنك شره بس فين التقرير المصور والسعر كام

الف مبروك يا باشا
وبلاش تشد علي العربية فالاول ..

ألف مبروك يا هيما , ربنا يباركلك فيها ويكفيك شرها
موضوع الصوت بعيد , انا احيانا بتحصل معايا بس موضوع الزنه دي محدش قالي انه سامع زنه وانا بكلمه خالص.

ألف مبروك ... وربنا يبارك لك فيها.

فعلن أنا عندى نفس الموضوع
الى بيكلمنى بيسمع صود معدنى كده أو صوت ونه فى كلامى بس الصوت الى بسمعه كويس جدا