اسلحة الرش

**wild_man** · 04-08-2008 06:12 PM

المسدس الرش أحسن 100 مرة من الصوت

الصوت لو طلع عليك حرامي يثبتك مش بعيد يكون معاه مسدس حي و مجرد ما انتا تطلع المسدس الصوت يسبقك هو و يضربك باللي معاه, وفيه كذا واقعة بالشكل ده راح فيها ناس

الرش أفضل لأنه بيضرب طلقة مش بتموت و لكن لازم تكون حريص و انتا بتستخدمه عشان لو جه في مناطق حساسة زي العينين ممكن يصفيها و هو شبه الحي برضه و نفس الوزن

فيه كمان البليه بس ده مش بنفس قوة الرش, و فيه رش و بلية و ده بيشتغل بخزان بلي و الرش فيه single action يعني واحدة واحدة

أفضل أنواع الرش الألماني و وراه علطول الأسباني, أهم حاجة و انتا بتنقي مسدسك أنك تعرف سرعة طلقته كام قدم\ثانية (عشان ديه وحدة القياس)

و كمان يكون معاك خزين كويس من أنابيب الCo2 (الواحدة بتتباع ب5 جنيه و بتكفي حوالي من 60-80 طلقة رش)

و طبعا متفتحش الأنبوبة الا عند الاستعمال أو قبل الاستعمال بشوية عشان مع الوقت الغاز بيسرب منها و بتفقد فاعليتها و قوة الدفع اللي بتديها للطلقات

و تحت أمركو في اي تفاصيل مش واضحة

**WalidAdel** · 04-08-2008 11:34 PM

المشاركة الأصلية كتبت بواسطة Lord of the flies

طب سؤال يا استاذ وليد

بخصوص خطوات الترخيص هل هى سهل استخراخ الترخيص ام لا؟
مع العلم اننى اريد ترخيص لمسدس حى وليس مسدس صوت و تتوافر معى شروط الوظيفة التى سبق وذكرتها

انا للاسف معرفش اي حاجه عن اجراءات الترخيص و كده بس انا واحد صحبي اخد مني السجل التجاري بتاع الشركه و البطاقه بتعتي و هوه اللي جابلي السلاح و الرخصه معاه
ممكن ان شاء الله لما اشوفوا ابقي اساله خلصها ازاي و اقول لحضرتك

**SHNORY** · 04-08-2008 11:42 PM

www.gamo.com

هنا يا باشا حتلاقي كل المعلومات عن مسدسات الرش وعلي فكره انا عندي اتنين منهم ملهمش حل + مسدس بيريتا صوت
وعاوز اقولك انهم طلعوني من مواقف كتير
واسعارهم بتبدا من اول 700 لحد 1800 علي حسب النوع والاضافات
وهما فعلا نسخ من الانواع الاصليه زي الجلوك والهكلر والحاجات المرعبه دي
وانت بشويه تركيز ممكن تطلع من الموقف من غير ما تستعمل السلاح خالص

**SHNORY** · 05-08-2008 01:34 AM

المشاركة الأصلية كتبت بواسطة HusseinRamdan

طيب انتا مرخص ليهم ولاة عادى يا Shnory

بص يا باشا
هو ملهوش رخصه بس
انا سالت ناس كتير في المباحث وفي النيابه عنهم
قالولي اولا متعملش بيه انتحال صفه
ثانيا ولا تعمل ترويع امنين
يعني متبينهوش وانت ماشي بيه
وغير كده مره واحد صاحبي وقف في لجنه واكن حاطه علي الكرسي جنبه
الظابط قاله مينفعش تحطه كده لو حتشيله تداريه في التبلوه او تحت الكرسي
واي استفسار انا تحت امرك حتي لو في صيانتهم اصلي عاشق للحاجات دي

**SHNORY** · 05-08-2008 01:43 AM

هو عيبه الكاوتشه اللي بتقفل الاسطوانه مع البستم مع العمر بتشقق وبتخلي الاسطوانه تفضي بسرعه وبتتغير من 7 ل15 جنيه
واحسن نوع اللماني بس غالي بيبدا من 1200 جنيه والاسباني بيبدا من 700 جنيه

**Karim_Monir** · 05-08-2008 10:49 AM

المشاركة الأصلية كتبت بواسطة surgeon1

--------------------------------------------
تحياتى كريم باشا
هية الفكرة من مسدس الصوت او غيره هو الدفاع عن النفس ودا شىء مشروع ومنطقى بحكم الاوضاع الشاذة التى نعيشها
وكنت قريت موضوع ليك كنت عرضت فيه على اعضاء المنتدى صواعق كهربا واسبراى وانا فى رايى انه فعال فى الردع بشرط عدم اساءة استخدامه فياريت لو ممكن توفر كمية لاعضاء المنتدى من صاحبك الطيار او حد تانى او تو تقدر تدلنا على مكان نشترى منه نكون لك من الشاكرين وبعيدا عن اى موضوع واحشنى التواصل مع اعضاء المنتدى ولا اوحش الله منك ياكريم

ازيك يا دكتور واخبار حضرتك ايه
يا ريت تكون صحتك بخير
الصواعق كان في موضوع ليها هنا
http://www.nilemotors.net/Nile/showt...326#post137326
واللي كان بيعوز والتمس فيه انه للدفاع كنت بجيبلة من صاحبي الطيار لما بينزل مصر
اشوفك على خير