الموضوع: اسلحة الرش

انا زمان و انا عندى 15 سنة كنت احد الاعضاء فى احد فرق الرماية بطبنجة ضغط الهواء
المعروض باسم ( الرش ) و كانت بصراحة رياضة ممتعة و هى رياضة دولية و ليها بطولات تقام داخل و خارج مصر ، بس
طبعا لممارستها يجب ان تكون احد اعضاء نادى يضم هذه الرياضة من ضمن نشاطه مثل نادى الصيد بالدقى ونادى الرماية بالهرم و نادى الشمس و اعتقد نادى مدينة نصر . و كانت لما بتكون عندنا بطولات كنا بنروح نادى الرماية . من جميع اندية مصر الممارسة لهذا النشاط
و كنا نستخدم الواح كرتونية مرسوم عليها الاهداف فى شكل دوائر بها نقطة سوداء فى المنتصف

الصراحة انا نفسى ارجع تانى امارس هذه الرياضة لما فيها من توزان نفسى رائع ، و انصح كل محب لها ان يتشجع و يمارسها . طبعا فيه رياضة البندقية الاسكيت و الخرطوش بس ديه انا لم امارسها بجانب ان سعر البندقية او المسدس الحى تكلفته عالية 7000 فيما فوق بجانب مشاكل التراخيص المعتادة.

لكن الطبنجة او البندقية ضغط الهواء المستخدمين فى هذه الرياضة ليس لها تراخيص و اسعارهم فى حدود 1000 2000 فيما فوق .

الله اعلم فيما وصل الحل بالنسبة للاسعار و التدريب الان ، انا باتكلم من 19 سنة فاتت ، بس اللى انا متأكد منه عدم وجود تراخيص لبنادق و طبنجات ضغط الهواء المتخصصة سواء العادية او اللى بالغاز