اسلحة الرش

**Hussein_Ramdan** · 04-08-2008 02:49 AM

السلام عليكم
بقولكم ياشباب هو مسدس الرش او الصوت هل ممنوع
هل لو معايا فى العربية بليل ممكن حد من الشرطة يرخم عليا
وياريت لو حد يعرف معلمات عنهم اكتر يقولنا
والاسعار والحاجات دى

**eng_m** · 04-08-2008 05:34 AM

والله هو لو حب يرخم هيرخم مش هيستنة انك تغلط
اما بالنسبه للمسدس فهو ممكن يعتبرة ادة ارهاب ورعب للمواطنين ده فى حالة انك ممكن تستخدمه للغرض ده
وده ممنوع قانونا
الباب الى يجيلك منه الريح سده واستريح

**hasona6001** · 04-08-2008 10:16 AM

بص يا استاذ حسين ، عن تجربة انا مقرتش نص صريح فى القانون يمنع اسلحة الرش او الصوت ، و البتالي بتتباع عادي جدا من غير اي قيود فى كل محلات الاسلحة و الذخيرة ، على عكس السلاح الحي لازم ترخيص قبل الشراء ، وعن تجربة انا معايا واحد بس جميل قوى المانى صوت 9 مللي ، بس طبعا مش بحطه فى العربية بليل ، و بالنسبة للانواع فى 8 مللي وفيه 9 مللي و اسعار ال 8 مللي بتبدأ من 850 جنيه ، و ممكن السعر يعدي لاكتر من 1200 لو المانى و 9 مللي و لو عاوز تتفرج انزل عند اسلحة فتح الله فى اول شارع عبد الخالق ثروت

**WalidAdel** · 04-08-2008 01:10 PM

شوف ياباشا المسدس الرش شكله بيبان فاي حد ممكن يعرف انه رش لكن المسدس الصوت هو نفس شكل المسدس الحي بس الفرق في الماسوره الداخليه و الشاكوش و بالتالي اي حد ممكن يشك انه حي و اثبت بقي انه مش حي و بالتالي لازم ترخيص للمسدس الحي او الصوت
و الله اعلم بس انا اعرف ناس كتير اوي و انا منهم مرخصين مسدس صوت
بس لازم وظيفتك او مشاويرك او الحتت اللي انت بتمشي فيها تستوجب ان يكون معاك مسدس زي مثلاً انك تكون صاحب شركه و بتشيل فلوس كتير معاك او ان حضرتك عندك ارض زراعيه ممكن تطلع رخصة سلاح علي الحيرز بتاع الارض او مثلاً زي انا كده شغلي مقاولات و بسافر كتير و برجع بليل الي جانب امكانية وجود مبالغ في العربيه كده يعني
او ممكن تقضيها بقي و يبقي السلاح متكمر في العربيه بحيث لو دخلت علي لجنه رخمه و الظابط حب يفتش العربيه مايلاقيش السلاح