اقتباس المشاركة الأصلية كتبت بواسطة Mahmoudelgen مشاهدة المشاركة
السلام عليكم
اولا انا بشكر حضرتك علي الموضوع دة يا دكتور و فعلا موضوع يستحق
ثانيا انا واحد من الناس اللي متابعين للماركة دي من زمان من قبل حتي قبل ما يبقي لها توكيل في مصر و فعلا الماركة مشوفتش حاجة زيها ابدا (راي شخصي) و كنت بجيب الحاجات من برة و اعملها انا بنفسي و فعلا الحاجة غالية جدا بس تمنها فيها و اول ما عرفت انهم حيبقي ليهم توكيل في مصر فرحت جداا بس عرفت انة حيبقي في اسكندرية في الاول اول فرصة جتلي اني اروح اسكندرية روحتلهم و بجد ناس في منتهي الاحترام اولا و متدربين صح لان الشركة في امريكا بعتلهم واحد مخصوص عشان يعلمهم و يدربهم عشان اسم الماركة طبعا و سمعتها يفضل زي ما هو في اي مكان
و روحتلهم كمان اما فتحو في القاهرة و لقيت نفس الناس اللي كانو في اسكندرية و عرفت انهم قفلو اللي في اسكندرية و حيفتحو واحد تاني اكبر و اوسع
بالنسبة للسعر دة راجع لان اصلا المنتجات غالية زائد الوقت اللي هما بيعدو يعملو فية العربية الواحدة مش بيقل عن سبع ساعات و بعد كدة لو فية لسي حاجة مش عاجباك قولوهم بس و يعدو معاك للصبح و مش بيزهئو ابدا و حضرتك دفعت ٦٥٠ جنية انا اعرف ناس بتدفعلو ١٢٥٠ جنية ( يارب ما اتضرب بعد ما قولت الرقم دة )
و بصراحة كفاية العربيات اللي بتبقي هناك لو مش حتروح تغسل ممكن تروح تتفرج
و في الاخر يا جماعة دي تختلف من شخص لشخص ممكن واحد يغسل عربيتة ب ١٠ جنية واحد تاني ب ١٠٠ واحد تالت ب ١٠٠٠ و كل حاجة و ليها تمن و كا واحد و مقدرتة في الاخر
و يارب مكونشي صدعتكو
و دي بعض الصور للشغل هناك يارب تكون مفيدة
























الف شكر يا استاذ محمود علي شرحك الوافي فعلا المنتجات بتاعتهم غير مسبوقه ..انا اول مره اشوف ٤ انواع بولش بتتحط علي العربيه علي مراحل و لكل بولش فرشه مختلفه عن الاخري ده غير الوكس المستعمل بردوا كذا نوع مش عارف ليه ..العربيه اخدت شغل ٨ ساعات ..مش عارف الخطوات بالظبط لاني سيبتهالهم و اخدت تاكسي للبيت و رجعتلهم بعد خمس ساعات كانوا لسه شغالين في السقف لكن لما شفت الاجزاء اللي انتهو منها لقيت حاجه تانيه خاااااااالص بصراحه بعد ما كنت مستعجل و شايفهم مزودينها شويه علشان يحللوا فلوسهم ....غيرت رايي و قلتلهم خدو راحتكم و رجعتلهم بعد العياده لقيت العربيه كانها خارجه من الشركه اول مره ....